為何特膠政府政策被KO?

繆美詩:學習甚麼?

特膠政府政策經常被KO,都唔係乜新聞。有啲政策被KO,當然同官員無腦有關,將軍澳垃圾堆填區膠到差啲引發憲法危機係一大例子,所以林忌提出強制高官驗腦計劃值得推行,過關嘅就送啲官去北韓,做金正恩嘅官幾年,如果唔被槍斃咁好彩就接返香港,唔過關就直送將軍澳堆填區處置就得。

只不過,有啲政策係同官員無研究有關,Rachel講果幾單被KO政策中,慳電膽同埋停車熄匙兩役,都係小弟有份出手KO,我諗我可以分享一下,政策被KO嘅一啲經驗。

1. 唔一定要有黃蘊瑤嘅超人意志,但都要有日本當代度量衡之父市川又三嘅意志,有機會向立法會事務委員會表達意見,迫政府接納民間反對方案。市川又三用自己嘅錢,自已嘅時間,來往東京就係研究各國度量衡制度,寫咗一份《尺度之議》嘅建白書,之後再喺明治政府要求下寫咗份《尺度之再議》嘅建白書。明治政府最後喺明治七年,一統日本亂七八糟,硬膠到連生意都做唔到嘅度量衡制度。如果無呢個意志,停車熄匙、慳電膽政策邱騰華條友係唔會收工。

2. 政策研究一定係要詳細,參考各國政策利弊。好似停車熄匙一役,小弟拎出多倫多嘅法例KO邱騰華,但小弟事實上研究涵蓋英國、美國多個城市、台南等地嘅相類法例。又好似慳電膽,小弟除咗篤爆弊案咁篤,歐盟對電燈膽嘅節能政策,以至慳電膽可能對環保嘅危害全部係有研究。依家唔係市川又三嘅年代,事實上係要用Google幫手。

特膠政府政策係可以被KO,正如Rachel講,要係意志同充分準備。小弟對有鏡頭嘅地方出現無興趣,只會有興趣KO膠到阻礙生活嘅政策。

日本明治年代,喺民選議會成立前,正係透過民間上呈嘅建白書,推動民生上嘅改革,當然最好係有全民普選嘅議會,但未有之前,人仍然要生活,呢個要意志去KO果啲政府提出嘅膠嘢,特別特膠政府嘅官普遍個腦都有問題。

2 則迴響

Filed under 香港政治

2 responses to “為何特膠政府政策被KO?

  1. Alienz Thame

    Martin,呢D野點解係你做?我地俾錢養咁多AO同EO黎做乜?

  2. martinoei 黃世澤

    To Alienz Thame:

    AO同EO根本發揮唔到,否則都唔會有AO流失嘅問題。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s