喺寫完信丙爆運輸及房屋局後

話說,昨天見到菜園村嘅事態,好鬼憤怒,走咗去寫咗以下電郵俾邱誠武副局長:

致邱副局長

http://www.inmediahk.net/菜園戰訊

本人由香港獨立媒體,知悉菜園村最新情況。

本人認為,現時中國高鐵香港段的工程,並無急切必要在菜園新村正式落成前,展開有關工程。而現時不恰當清拆行動,同時損害以下各方利益:

1. 港鐵股東:現時行動將嚴重損害港鐵形象,影響日後港鐵競投歐盟以及其他西方國家鐵路管理及顧問合約的競爭力。
2. 納稅人:現時未談妥便貿然對菜園村村民採取行動,將引發司法訴訟,有關訴訟不合符納稅人利益

現時南昌邨深旺道一帶,仍然只進行南昌站樁柱調動,以及深旺道障礙物調動工程,無必要現時展開菜園村救援站的工程,特別菜園村多為農地平房地,並無南昌、大角咀一帶複雜地底障礙物以及地質狀況,無必要現階段展開無人得益工程。故此,謹要求運輸及房屋局局長鄭汝樺,暫緩菜園村工程至菜園新村入伙為止。亦請鄭汝樺局長顧及整體工程利益,與主管地政事務的局長林鄭月娥,以至其他相關部門作出跨部門磋商,儘速完成菜園新村的土地復耕及遷入工作,落實特事特辦,亦無謂引發爭拗及紛擾。 見字,可致電本人聯絡,本人樂意親臨部門辦公室洽商。

祝工作順利!

黃世澤謹啟。

今朝早收到電話回覆,我根據我記憶所及,大致向大家簡報一吓:

1. 邱副局長話,佢地希望喺雨季嚟之前展開菜園村救援站工程,但11月19日佢地亦唔想郁菜園村尋求復耕嘅居民。呢點,我希望佢唔會走數。

2. 邱副局長話,依家菜園村居民同新界原居民土地交易未搞掂。我跟住同邱副局長話,呢個時候劉皇發係要做嘢,擺平班新界原居民,因為呢班友實唔想賣地。(我呢刻就明,點解果位新界原居民阿貓,寫埋啲近乎誹謗嘅嘢,邊班友心腸惡毒,大家心照)

3. 佢話蕃茄同蘆薈收購賠償金額大幅提升,我叫佢俾條數我,但佢要問番漁護署。我話依家政府做法係強搶民產,唔該農作物賠償安排,跟番市價同埋按人地英國、澳洲過往賠俾農民案例去做。

4. 喺昨日呃阿婆簽文件果件事,佢話佢前線同事有口頭解釋文件,跟住我駁佢,賣雷曼迷債班銀行夠有口頭解釋,結果又咪搞出大頭佛,因為呢啲文件可能要有專業人士協助下至可以做決定,跟住佢無解釋落去。

呢度唔係做以前烽煙節目做嘅嘢,只不過,我都希望政府能夠做好佢份工,特別係搞掂菜園村買地問題,原居民實係開天殺價,你睇阿貓呢啲友仔寫文章嘅態度,都知道呢班友係唔會賣地,要賣佢地只會賣俾大地產商(嗱,我呢句fair comment嚟㗎),呢樣嘢如果政府一啲唔做嘢,諗住菜園村居民好恰乜叉都唔做,我只可以預告,政府呢鑊會係大輸家。

Advertisements

發表留言

Filed under 香港政治

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s