瑞典國王與千禧三部曲

近日瑞典國王有關嘅醜聞,真係膠到無朋友,瑞典國王有外遇只係小事,更大劑係瑞典國王經常幫襯同黑幫勾結嘅夜總會,同埋情報機構為保國家形象,不惜掩飾事實等行為,結果成個瑞典王室,當然係名聲掃地。

當你睇到連情報組織都要幫國王遮醜,而國王居然去黑社會控制嘅夜總會果陣,你就明《千禧》三部曲,究竟係點寫出嚟。

喺英國,相信王儲去黑社會控制嘅地方係無乜可能,因為英國除咗MI5、MI6外,有樣確保英國王室形象恰如其份嘅民間機構,英國嘅小報,英國人知道自己文化擅長叫虛偽,所以「英國式」內部監控係別具一格,小報揭人隱私係好乞人憎,但某程度上,亦阻止政界同皇室行為亂嚟,因為皇室同政界亂嚟結果就係被小報玩殘,你睇Private Eye老總Ian Hislop態度就知,佢對乜政客都唔信,態度極具批判性。所以明光社呢類組織,小弟無乜好感,佢唔知,小報都有佢嘅存在價值。

千禧三部曲作者Stieg Larsson係記者,仲要係瑞典《Expo》雜誌記者,呢本雜誌係專篤爆瑞典社會嘅衰嘢,或容我咁講,千禧三部曲反映,係作者平日喺採訪生活中見到嘅瑞典社會,上層結構充滿病態,只不過以往香港人無乜機會評估有可能有幾病態,而國王都去得夜總會尋歡作樂,情報機關咁都要護短,咁樣嘅國家,出現《千禧》三部曲嘅情節,係有可能。當然我相信,現實應該無小說咁誇,但可能性是存在。

後話:唔好以為英國小報老總都係媚俗之士,錯喇,英國玩膠嘅報刊,甚至小報老總都可能係牛劍出身,好似細個住過喺香港嘅Ian Hislop,就係牛津畢業。

Expo雜誌唔係小報,呢本雜誌係一本季報,專篤爆北歐果啲納粹同種族主義作為,由Expo Foundation出版。識瑞典文,可以睇呢度Expo雜誌

廣告

1 則迴響

Filed under 英國與歐洲

One response to “瑞典國王與千禧三部曲

  1. 可以的話,挖明光社班高層D衰野應該可以治下佢地。又就唔信個個都守身如玉勒。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s