呢位博主可以考慮做文匯報

何秀武被強烈恥笑banner

菜園村關注組的終極貪婪!

終極貪婪,我諗寫呢篇文嘅友仔,搞清楚事實至好批鬥人地。

成篇文筆法似文革唔在講,成篇文根本係人身攻擊無論點,仲衰過呢度追殺十幾世嘅脫苦海,有啲地方更懷疑係誹謗,我諗新浪香港要諗諗呢篇文章有無法律問題(我同社運分子唔同,我好南洋風格,如果有人亂嗡,好似鄭家富對付民建聯嘅人咁,係要送入法院)。

但成個菜園村嘅核心問題有兩個:

1. 農作物價格:任何賠償都係用Market Value,點解政府可以佢地唔知點研究返嚟嘅所謂價格嚟賠?共產黨呀,共產黨就係用Book Value或者唔知乜嘅價嚟沒收民產,依家撐菜園村某程度上係捍衛私有產權。終極貪婪,果條茂利博主就係貪婪。每斤廿五蚊買新界有機蕃茄係市價,唔信佢自己去街市睇,呢條友一睇就知平日連街市都未去過。

2. 新界原居民一定反對佢地復耕,因為新界原居民攞啲地去擺貨櫃,或者搞到環境污煙瘴氣,唔知貨櫃場係瘟神,魯連城呢挺硬膠係瘟神,定菜園村居民係瘟神?

如果我係政府,我就唔會節外生枝,一定用市價賠俾村民,兼且儘快解決買地問題,費時煩。我係港鐵公司,分分鐘搞個菜園新村專車,由錦上路過去俾人真係入去買蕃茄,錦上路車站係一個拍烏蠅車站,呢個係大家都知嘅事。

如果香港仲有親政府嘅人,仲係用呢啲文革語調抹黑人地,我好鼓勵大家學鄭家富咁告何秀武,何秀武埋單計數,要賠四十二萬,兼俾廿五萬律師費,無理據抹黑人地賠咗一共六十七萬,係唔係有人認為咁樣好好玩?

唔好以為自己用唔真名,可以講嘢唔負責任至得㗎。

後話,後嚟條博主加咗以下呢句:
備註:本文絕對不接受支持「菜園村關注組」的正義超人留言,不看必剷,而且阿貓受軟不受硬,再敢留言,我會發動新界西原居民不買地給他們復耕,做了半世紀新界西原居民,多少有點影響力,講得出做得到。我的證據是否真實,有腦的人懂評定,歡迎傳媒去揭秘,引證我的資料。

小弟回應兩點:

a. 除非果位博主提供有關政府文件,否則足以可以告佢誹謗,作為文章作者係有責任提出證據,舉證責任喺作者身上,唔好生草藥。唔好話去邊個部門查詢,呢個唔足以免除佢老屈人地嘅法律責任。

b. 原來係新界原居民,新界原居民好多不嬲係爛仔,如果有任何人有呢位博主起底(以公開查閱方式得知,唔好hack嘢)資料,足以入稟香港高等法院,歡迎提供。

小弟不嬲提倡廢除原居民特權,小弟對呢班友無乜好評價。

廣告

11 則迴響

Filed under 香港政治, 財經

11 responses to “呢位博主可以考慮做文匯報

  1. 義不容共

    要盲從附和,與民為敵之土共奴才輩有政治智慧,真正獻好計解決問題 ? 倒不如相信硬膠可以變黃金,大麻繩易穿針眼好了。

  2. 飛蚊導彈

    新界原居民不滿菜園村非原居民"侵佔"他們的"傳統權益",實在正常不過.不過看他自稱"做了半世紀原居民"而懂得寫博客,我覺得他可能是那些戰後嬰兒潮出生,受外國高等教育,擁有專業資格的"海歸派"中產原居民.
    這種人同時擁有新界原居民和香港中產人士的特質,既認為原居民的特權是"香港政府欠了原居民的",也認為弱勢社群爭取權益是"掠奪納稅人的辛勞成果",更認為高鐵可令樓股齊升,阻礙高鐵者就是"阻人發達,猶如殺人父母".
    而戰後嬰兒潮出生的"中年中產"正因其"負資產恐懼症",成為香港政府壓抑樓市的一大阻力,其威力甚至超越"地產霸權".

  3. martinoei 黃世澤

    1. 1997年後,新界原居民己經唔應該再攞特權。事實我認為,新界原居民只要拎咗英國公民護照,就唔應該得到特權,因為佢地身份係女皇臣民,而唔係「新界租賃地」上原有的中國滿清子民。新界原居民特權,係基於新界不屬於割讓領土嘅事實。

    2. 小弟同呢啲「海歸派原居民」係火星撞地球,放洋留學不學其理念,等於白讀。

  4. echykr

    These NT Indigenous are just as obnoxious as the so-called UMNO-supporting Bumiputras in Malaysia, oppressing real farmers while claiming to be the “true sons of the land".

  5. 絕望先生

    條友諗過考AO,可能當林鄭係偶像,,,,,,,,,,

  6. dankei

    如果現在已沒有新界租賃地原居民的身份,其實在原居民特權上,在現有法理上有沒有方法把這不公的身份特權處理掉?

  7. 呢個野同脫苦海都好frd底,成日refer來refer去。

    還有,refer得佢blog的好多都係專講金融投資的博客。

  8. Perennial_Loser

    樓上:
    引啲茂四搞「投資」,等佢哋好似同金權階級利益一致,有事就即刻飛出嚟做打手,呢招響香港真係萬試萬靈;十年前睇林行止都已經寫過。

    會調轉頭剷下現制度嘅,恐怕都係要168 之類地方先有。

    又:同條友行得埋嘅有三兩個熟口熟面,搭上搭應該都有曾經響網上寒暄兩句嘅泛泛之交。唉…

  9. Laure

    篇奇文的作者聲稱有証據証明他/她的指控。
    但我好奇怪,既然作者同其他「舊菜園村村民」講到有証有據,拖了這麼久為何不告廉記捉晒班貪心份子?
    http://catspring.mysinablog.com/index.php?op=ViewArticle&articleId=2707507

  10. Laure

    對唔住,我一時以為篇奇文入面啲紅色字是hyperlinks,原來唔係,只係叫人地去查詢啲相關部門!!!!!!!

    笑死我~~枉我真係以為佢真係咁有証據…||||||||

  11. Perennial_Loser: 所以我呢排都隨機抽左呢類博客出來,查清楚佢地咩胡廬賣咩藥。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s