香港版的「科索沃式階級清洗」

倫敦市長Boris Johnson批評首相David Cameron嘅房屋政策時,用科索沃式社會清洗嚟形容。

喺香港,同樣有科索沃式社會清洗正在進行。

林超英:感恩、感慨

英皇書院校友林超英炮轟政府的無差別縮班政策,削減中下階層子女讀好學校的機會,不惜與孫狗公槓上。小弟作為官校校友,深表同意。

雖然官校都有唔少有錢人子女,只不過,以往好多教會名校都係津貼學校,貧民入讀好學校翻身機會較大。貧民讀好學校,不只因較好的教育,而是由此建立人際網絡,見識眼界等。

而直資,以及不知所謂的「法團校董會」政策令很多教會學校變成直資,貧民入讀好學校機會少一大截,之後教改需要學生大量資源,政府又沒扶助,現時又要官校縮班,咁即係有錢人玩晒,仲唔係科索沃式階級清洗又係乜?

因此,這次林超英炮轟政府,不只代表英皇書院校友心聲,這亦是眾多官校校友的心聲。英國人的官立學校,由孫中山到現時眾多官校生,對社會貢獻良多,當中不少是本來沒機會出頭的貧民。請一眾狗主原諒我用孫狗公這個名,雖然這個名真的有侮辱狗之嫌。狗都比孫明揚有人性。

11 則迴響

Filed under 香港政治

11 responses to “香港版的「科索沃式階級清洗」

  1. longhair

    不一定要官校校友,作為在香港接受過教育的一代,都應該對現行的教育制度極之反感。

  2. Bankers' Arms

    現行的教育及考試制度, 本來是問題不大!

    1.
    a. 考試局班友仔太得閒兼屎忽痕, 好鍾意 cut syllabus, 愈改愈淺, 影響 local school 學生既競爭力, 亦引致出版社乘機改版加價, 學生無法買舊書

    b. HKCE/HKAL 本來係幾好, 一則收費合理, 唔似得SAT/GRE/GCE AL 果D咁Q貴, GRE每send成績俾超過三間U就收費, 相比之下, 考試局keep住公營, 唔駛好似英美考試機構動輟巧立名目亂收費, 到時窮子弟連報多間大學都冇可能

    2. 香港教育之填鴨/no-forgiving的程度, 相比法國, 小菜一碟! 相反, 英美果D係咁派A, D資歷搞到cheap晒, 受害既又係學生, 光譜之兩端, 香港的算係相對合理!

  3. v

    the real issue:
    it is not that everyone is, really, cut out for grammar schools, exams and university. i for an instance dislike the arts subjects AND chemistry intensely but i had to do them to get into uni.
    the problem is that there is no other way out for a hk youth.
    look at taiwan. they have technical colleges and they are doing very well indeed – some even working with the industry on research projects and getting patents.

  4. 適度的精英,以及保留(甚至更多的)職業訓練資助才0岩華人社會。有名校、有大學、有IVE先係正路。我唔明點解而家的大學要IVE化(意即職業訓練化;我都係IVE出身,唔會寫衰自己)、中學化。出到來的畢業生冇左個種氣質……

  5. 不留名

    香港教育最大問題係俾本地生的大學學額不足, 入大學率兩成都冇, 全球發達地方最差。我雖然覺得AL難到全球排第一好無謂, 而且令香港學生除咗讀書之外咩都唔識/冇時間做, 生活好唔健康,但係如果大學學額夠三成多四成的學生, 就算成績冇咁好都有大學讀, 咁問題又唔大。成績好的入一流大學, 差啲既都可以接觸大學教育, 出來搵工都叫做有機會。

  6. 蘇菲

    呢單嘢不妨搵人問吓梁振英點睇

  7. 持書者

    教育投入不足. 講完

    (根本就係佢地唔識得. 同埋唔想去經營好香港. 亦都唔使負果個責任..)

  8. 1. 法團校董會和直資是兩個不同的問題。

    2. 林超英說的也不完全合理,難道把所有學生都塞入英皇就會得到優質教育﹖除了英皇之外的同區學校都提供不到優質教育﹖

    重點是無論縮班、小班,一刀切都必然引起反彈。
    個人認為最重要的是降低師生比例,給第三組別學校更低的開班線,反正家長不想讀就讓他們先實行小班。名校喜歡縮少學額的可以跟著縮,想迎合家長的可以繼續收生。但其實稍後他們就會發現,維持收同樣多的學生,學習差異會拉大到跟進不來,不如自己也搞小班。

  9. 要學校有自主權縮班、小班﹐取消派位制(或採用學券制)就可以。

    問題係教育局官僚有冇咁易肯放權﹐而習慣咗教育社會主義化嘅教育界又肯唔肯接受精英制。

  10. 我第一個唔贊成學券制。教育商品化帶來的問題比它解決到的更多。

  11. 名校轉晒直資﹐基本上已經行咗學券制第一步。如果冇中央統一派位﹐官津可以自由收生﹐咁同學券制有乜分別?

    官津唔可以自由收生﹐迎合家長又有乜作用?

    學券制唔一定帶嚟教育商品化﹐教育商品化﹐亦唔需要學券制。香港冇學券制﹐但咁多有錢家長爭住送子女讀直資﹑讀國際學校﹐教育唔多唔少已經商品化咗。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s