公共政策嘅平衡性

大浪西灣草圖申述意見一覽

小弟喺大學學生會負責屬會室分配果陣,學到一樣嘢係,作為公共政策決策者,各持份者,不論你喜歡他們還是不喜歡都好,只要法理上,或道理上,他們的利益要受照顧,你就有責任去想戰略上或戰術上可行方法,去照顧他們的利益。這個哲學,亦反映在日後中大學生會的屬會政策到今天。平日傾偈你可以講乜都得,但實際政策落實果陣,如果你拆唔掂各方利益平衡,你嘅政策係唔會實施到。

好多時,泛民主派又好,環保人士都好,往往好多時急於改革,無諗過其他持份者可以點算,呢個申述意見一覽,可以睇到。

喺呢堆意見中,唔計小弟嘅申述,比較合理係大浪灣之友嘅申述,呢個就係一個有平衡性申述,唔想離開原有鄉村,可以選擇用建立民宿或小型商店維持生計,亦照顧行山人士的實際需要。雖然魯連城條友買咗條村好多地,但西灣村係因周圍俾郊野公園圍住,生計唔知點著落搞到村民搬村亦係事實。唔能夠因為環境,完全當班居民係死嘅。

認識小弟都知,小弟對新界果啲支持保留特權原居民厭惡程度十分高,但小弟厭惡還厭惡,依家佢地有丁權係現實,如果佢地法理權利可以隨便剝奪,遲早天下大亂。所以小弟提出係萬宜水庫/船灣淡水湖式方案,可以成條村搬走,西灣居民乘機可以得到靚啲嘅地,我唔認為班原居民會好似菜園村咁有心機,實行自主規劃,但至少有足夠經濟誘因,令他們唔好再諗住將大浪西灣嘅地賣俾班地產佬。駱水生嘅陳述夠晒直腸直肚,一切都係錢作怪。以地換地,我認為係一個可以接受嘅方法。

如果民主派真係要爭取中間多數,要學點樣唔好政策「側埋一邊」係好重要。由停車熄匙、交通政策到大浪西灣,都睇到呢個「側埋一邊」問題,咁唔怪得中間嘅人,成日俾啲土共昆。

廣告

1 則迴響

Filed under 香港政治

One response to “公共政策嘅平衡性

  1. 香港賓拉登

    這種平衡性在中大學生會的情況也必須注意, 因為現有的大多都傾斜在一方 = =

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s