代母,乜得嘅咩?

小弟唔係乜嘢道德塔利班,但講真,李家傑搞到搵代母未婚產子呢家嘢,真係爆晒機。

1. 明光社乜唔係好重視家庭觀念,特別一夫一妻制嘅咩,點解我完全唔見明光社,或者香港塔利班級教會出聲嘅?原來有錢佬有特權唔道德,厲害。

2. 講真,我覺得李家真係好夠薑吓,因為香港法律唔准商業代母,根據《人類生殖科技條例》(香港法例561章)
第16條

(1) 任何人不得— (a) 在香港或其他地方為提供或為要約提供擬為生殖科技程序、胚胎研究或代母安排而使
用的訂明物質,而作出或接受付款;
(b) 謀求尋覓願意為獲取付款而提供(a)段所提述的訂明物質的人; (c) 提出或商議涉及為提供或要約提供(a)段所提述的訂明物質而作出付款的安排;或 (d) 參與管理或參與控制屬法團或不屬法團的團體,而該團體的事務包含或包括提出或商
議作出(c)段所提述的安排。 (2) 在不損害第(1)(b)款的一般性的原則下,任何人不得安排公布或分發,或明知而公布或分發
以下廣告— (a) 邀請任何人為獲取付款而提供第(1)(a)款所提述的訂明物質,或要約為獲取付款而提供
該等訂明物質的廣告;或 (b) 顯示發出該廣告的人願意提出或商議作出第(1)(c)款所提述的安排的廣告。
(3) 在本條中,“訂明物質”(prescribedsubstance)指— (a) 配子或胚胎;或 (b) 胎兒的卵巢組織或睪丸組織。

第17條

(1) 任何人不得— (a) 在香港或其他地方為以下事項而作出或接受付款
(i) 提出或參與任何以作出代母安排為出發點的商議; (ii) 要約或同意商議作出代母安排;或 (iii) 以將資料使用於作出或商議作出代母安排為出發點,而搜集該等資料;
(b) 謀求尋覓願意作出違反(a)段的作為的人; (c) 參與管理或參與控制屬法團或不屬法團的團體,而該團體的事務包含或包括任何違反
(a)段的作為;或 (d) 在知道或理應知道某項代母安排是某項違反(a)段的作為的標的之情況下,進行或參與
任何促進該項安排的作為。 (2) 在不損害第(1)(b)款的一般性的原則下,任何人不得安排公布或分發,或明知而公布或分發
關乎代母安排的廣告,不論該廣告是否邀請任何人作出違反第(1)(a)款的作為。

第18條亦講明

代母安排不得由作出該安排的人強制執行,亦不得針對該人而強制執行。

而第39條亦指

(1) 任何人違反第13、14、15(1)、(2)、(3)或(5)、16(1)或(2)或17(1)或(2)條,或違反第27(7)條所述 的通知指明的任何條件,或違反第29或32(2)條所指的通知指明的任何條件,或違反第34(7)條指明的 條件,即屬犯罪—
(a) 一經首次定罪,可處第4級罰款及監禁6個月;
(b) 一經再度定罪,可處第6級罰款及監禁2年。

亦即係咁講,己經有人擺明車馬犯法。而且,代母安排相關嘅法律條款,全部喺香港執行唔到,一旦打起遺產官司將會膠到無朋友。

但全香港嘅傳媒,無人講過呢條法例,我真係食住花生等睇戲。

Advertisements

23 則迴響

Filed under 香港政治

23 responses to “代母,乜得嘅咩?

  1. X光社是偽善的法利塞人, 欺善怕惡又一例子.

    香港嘅河蟹傳媒老闆, 視有錢人為米飯班主, 關係最重要, 又豈敢得罪?

  2. Bankers' Arms

    促請明光社發律師信下一下馬威先la!

  3. longhair

    陸恭蕙05年都做在美國代母產子,相信以她當時已經有做過這行徑。依家姓李既又搞。
    相信代母產子在港不算犯法,否則陸一早中招。

  4. Tony

    今次真係’有爺生無乸教’

  5. martinoei 黃世澤

    To longhair:

    陸恭蕙係己婚,如果證明到法例指明的不育病症,係合法。

    只不過李家傑係未婚,法例講明絕唔可以幫未婚嘅做

  6. longhair

    如果代母有老公,提供卵子又有老公,咁咪有三個老豆,兩個阿媽?

  7. martinoei 黃世澤

    To longhair:

    成件事可以好膠,當然香港嘅《人類生殖科技條例》同埋佢嘅原版英國《代母安排法1985》(Surrogacy Arrangements Act 1985)都係好膠。香港果條仲辣過英國原裝

  8. Skywalker

    不過佢係美國搞嗰wor.
    我諗佢啲律師教過路

  9. longhair

    人地計過度過

  10. martinoei 黃世澤

    To Skywalker:

    睇清條法律,字眼係香港或任何地方,去美國做都犯法

  11. 貓奴

    大劉周圍同女人交配, 繁殖眾多…傳媒好似 “報喜" 的一樣。如果換轉普通人…被人當人辦日日寫臭0左啦~
    香港傳媒, 是非不分!

    未婚搵代母呢d如此違背普通法精神, 冇人出聲, 冇人指正! 呢年事仲嚴重過同性戀的家庭結合; 盲光社唔知死左去邊?

  12. v

    佢話代母啫, 其實係可能係叫雞 . 你無佢符

  13. martinoei 黃世澤

    問題係佢接受東周刊訪問,自認用一百萬請代母,佢自己作出足以令自己入罪嘅證供

  14. Dbdb

    一見到明光社三字,就覺得搞笑無比!

  15. 新仔

    無乜點追呢單新聞, 唔清楚個細節. 可唔可能佢係飛過去美國以當地公民身份搵代母?

    就算條例寫明"或其他地方", 但用 common sense 去諗, 我響美國做乜關香港乜事? 如果響香港本地進行程序就係犯法 (即係響香港打電話去搵同傾同簽就犯法), 但如整個程序由頭到尾都響外國進行又如何?

  16. 飛蚊導彈

    只憑某人公開承認犯法的一句話,是不足夠起訴的.
    正如公開說自己殺了人也不夠警察落案起訴,
    也需要其他證供配合.
    問題是,商業代母在美國卻是合法的,連帶所有的保密協議等,在當地都有法律效力.
    香港執法當局到當地取證基本上不可能,所謂的域外效力也成為空談.

  17. v

    @新仔
    英國公民出國叫雛妓一樣有罪.

  18. 新仔

    明白了.

    即是需然係犯法, 但由於代母呢啲嘢響當地有保密協議, 香港無可能取證.

    但叫雛妓無保密協議, 取證係有可能.

  19. Benedict

    蔡志森在他的博客裡談到這事:

    http://sumchoi.blogspot.com/

  20. v

    @Benedict

    he fell short of condemning the act.
    surprise, surprise.

  21. 飛蚊導彈

    @新仔
    如果有國家沒有簽保護兒童公約,法律允許嫖雛妓的話,外國人到當地嫖雛妓,就算沒有保密協議,原居地當局也無法取證.

    主要問題是該行為在當地合不合法,和其他法律的規定,因而影響起訴當局的取證.這和域外效力存在與否是兩回事.並不是所有法律都有域外效力的,例如謀殺就只可以由事發當地檢控當局要求引渡.

  22. kho

    正如香港明明係一夫一妻制, 但某d三妻四妾o既有錢佬經常被傳媒吹捧一樣.

  23. TonyChan

    超級富豪有法律特權,富可敵國的香港富豪特權最多。
    香港人現在最仇視的是有特權的地產財閥和公務員。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s