香港乜資助都會成為官商勾結溫床

【本報訊】港產獨立短片《宅男最後的 120小時》爆冷揚威海外,獲得瑞士電影節青睞,邀請角逐比賽。製片人是一對窮兄弟,連參賽的旅費也支付不起。他們向藝術發展局及創意香港申請資助,分別以時間倉促及非商業電影為由拒絕。文化評論人狠批官方組織態度僵化,只支援沒有需要支援的人。

同樣揚威海外,點解《歲月神偷》呢啲商業片可以得到資助,而《宅男最後的120小時》乜資助都無。好簡單,資助電影界班XYZ,可以乘機拍啲有籠絡味道嘅片,兼且呢班電影界喺選委有票,又係統戰對象。而呢啲獨立製作人,又唔係選委,又唔係統戰對象,政府當然一蚊都唔俾。

但我可以講,《歲月神偷》點解要資助,商業電影唔係應該商業負責嘅咩,點解政府要俾錢?相反,非商業小本創意,仲要依家只不過要張機票連食宿參展,政府都唔豪俾佢?成件事,簡單嚟講就係邏輯混亂。以資助創意產業為名,事實上濫用公帑搞政治統戰。

呢件事,如果上到立法會資訊科技及廣播事務委員會討論,我公開點名要求譚偉豪以及一眾民建聯中人唔好阻頭阻勢,呢單嘢一定要拎出嚟傾。我覺得最後會有商界人士俾錢豪機票同食宿出嚟,費時搞到咁膠,只不過,劉吳惠蘭同蘇錦樑兩條友,真係無乜理由俾佢脫逃。

至於藝發局,我覺得馬逢國應該解釋一下呢件事,呢條友無資格做藝發局主席。我覺得如果我要逐個捉藝發展班大帝(唔計啱啱當選嘅Ger Choi)嚟要佢地解畫,香港人見到佢地班友尸位素餐嘅核突樣,應該會質疑點解呢班會長期盤據藝術界。

6 則迴響

Filed under 香港政治

6 responses to “香港乜資助都會成為官商勾結溫床

  1. Dbdb

    你又唔係姓霍,又唔係別人侄女。

  2. dankei

    真正的創意同藝術,特膠正苦係唔會有人識的!

  3. 蘇菲

    創意香港班友只係識幫番D上晒位嘅, 然後就搏人地拎獎或者票房高,就出份新聞搞去菠蘿雞, 根本唔會扶植新晉的創作人

    佢地仲批咗好多PROJECT架..上網可以睇到個LIST

    http://www.createhk.gov.hk/tc/approved_projects.htm

  4. 港產獨立短片《宅男最後的 120小時》爆冷揚威海外,獲得瑞士電影節青睞,邀請角逐比賽。
    這樣足以証明值得資助.
    我相信譚偉豪是不知情. 你說如果上到立法會資訊科技及廣播事務委員會討論, 但這些委員會何時開一次會, 我們不知道. 通常消息要很長時間才送到各委員, 可能比賽已過.
    如果在科學園遇到譚生, 我嘗試提出. 但我不知道這些電影節比賽是否與資訊科技有關? 除了藝術發展局及創意香港, 有沒有其他政府部門負責?

  5. 其賽套片無記錯是"香港旅遊發展局"委託拍攝, 可不可以嘗試叫他們贊助旅費呢???

  6. aLeX

    http://hk.news.yahoo.com/article/101025/18/kwb4.html

    [不屌不成人系列] (邱生)

    政府研究引入家居垃圾徵費
    (商台)2010年10月25日 星期一 15:32
    環境局局長邱騰華 ,出席立法會 環境事務委員會時表示,立法會廢除擴建將軍澳 堆填區令後,政府要著手解決固體廢物日益增多的問題。

    邱騰華說,政府正研究如何在源頭分類做得更好,包括在家居層面,引入垃圾收費制度,按用戶的垃圾量收費,以減少固體廢物。不過,邱騰華指出,實施垃圾徵費執行上有困難,市民可能會將自己的垃圾,放了去家居以外的地方,當局會繼續就具體執行方法,諮詢各方意見。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s