係要準備各種可能「劇本」

歐中96小時預測圖(世界協調時 2010年10月19日0時 + 96)

天文台點解會喺下午四點半召開記者會,除咗有可能被記者以至市民問到嘔外,歐中呢個預測結果亦係因素。當除咗美軍聯颱同中國北京中央氣象局仲係維持湛江一帶預測果陣,連歐中(未知用英國氣象辦公室UKMO數學模型結果)都預料有可能香港或澳門登陸果陣,天文台係需要向香港人解釋,我地面對緊究竟一個點嘅怪物。

當然,喺海陸豐登陸、珠江口登陸定湛江登陸,香港政府要面對嘅災難處境係可以完全唔同,如果係海陸豐登陸,咁香港東部海岸一帶居民要準備,如果係珠江口登陸,香港西南、西、正南一帶可能遭到嚴重破壞同風暴潮襲擊,如果係湛江登陸,可能香港受嘅破壞略小,但豪雨為新界北部可能帶嚟大鑊。香港政府依家應該係時候,按照唔同可能路徑,準備唔同「劇本」編排應變,一個登陸情況,都可能要兩套或以上「劇本」,依家科技先進,唔可以阻止颱風前進(李氏力場係笑話嚟,唔可以當真),但絕對可以提早應變減低傷亡,理論由中國嘅震前預報係一樣,更何況颱風預報比地震預報來得先進同公開。

特別有三點,我希望各位注意:

1. 颱風庇護中心,夠唔夠,本身會唔會亦受洪水、山泥傾瀉嘅威脅。

2. 香港政府有無足夠災難物資可以準備好,要準備係依家做嘢,而且分發問題依家要諗好,公務員亦隨時應該stand by,身為公務員唔好諗住周末有假放。

3. 解放軍可以提供到乜嘢援助,如果係打去湛江,唔好諗解放軍幫到手,解放軍絕對需要保留實力應付廣東嘅災情,如果係海陸豐登陸,解放軍幫到香港亦係有限。駐港解放軍有幾多料,同埋會唔會被抽調去其他縣市求災,依家要問清楚。以前皇家英國三軍係專門服務香港,但解放軍唔係,而且解放軍嘅救災訓練唔到北約規格,呢點大家應該明白。

廣告

4 則迴響

Filed under 香港政治, 氣象

4 responses to “係要準備各種可能「劇本」

  1. barjack

    我個消防員朋友星期六娶老婆.我做兄弟.orz
    唔知酒席有無得改期呢?

  2. Ryan Mud

    你令我諗起當年我遠房親戚擺酒, 點知撞正世紀末最後一個十號風球!

  3. aLeX

    真係要定好計劃, 但政府hea 下hea 下會做野咩!?

  4. kho

    恐怕政府D官只係準備點樣利用呢一日"假"安排節目噃

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s