香港天文台班硬膠當民眾安全係乜?

強颱風鮎魚喺香港時間1400,己經喺香港八百公里警戒範圍裡面,但天文台到咗香港時間1800,都未掛一號戒備信號。

呢個唔係以往果啲唔夠稱颱風,呢個係強颱風,而且好大機會升番做超強颱風,唔係應該應該跟定義做人?

香港天文台信號系統簡介

這是戒備信號,表示有一熱帶氣旋集結於香港約800公里的範圍內,可能影響本港。

天文台依家嘅做法,完全不負責任,咁樣香港人真係唔命仔凍過水就奇。

後話:澳門地球物理暨氣象局都掛咗一號風球,李氏力場唔係用嚟咁用

熱帶氣旋警告
本警告於澳門時間 2010 年 10 月 19 日 18 時 26 分發出。
以下為澳門最新之熱帶氣旋警告。
澳門現正懸掛一號風球。
即表示戒備信號:熱帶氣旋中心在澳門特別行政區 800 公里範圍內,可能影響澳門特別行政區

11 則迴響

Filed under 香港政治, 氣象

11 responses to “香港天文台班硬膠當民眾安全係乜?

  1. 麥當勞

    「可能影響本港」是用 logical and 去閱讀的,只要天文台相信此風相當長的時間(例如 24 hr)對香港都不可能影響本港(連 41km/h 都沒有),距離又不緊迫,就不會掛上 1 號仔。

    去 weather.com.hk 都研究左好多次。

  2. Jacky Lim

    都係果句:黑心D講, 有得 “李氏力場" 搞到膠晒, 等李本瀅孭鋪勁大黑鑊, 再唔係好似當年溫黛果位台長咁囉
    香港D官商勾結, 根本已經去到一個 “置黎民百姓死活不顧", 既然係要 “唔見棺材唔流眼淚", 咪等上天嚟一鋪杰撻撻o既囉!!!

  3. 麥當勞

    上文寫得有誤導。「不可能影響本港」並不等於「連 41km/h 都沒有」,後句只是舉例,並不是必需達某一風速才算 1 號,但「可能影響本港」仍然是需要看實際表象的。

  4. 點子

    Martin, 唔使勞氣,政府膠得太耐,教精佢盞浪費精力,係時候由個天同佢開鑊。

  5. 點子

    麥當勞兄:

    香港地下天文台有個毛病,就係成日將香港天文台為免鑊氣而寫到無錂兩可的官樣文章當解簽咁讀,講到玄之又玄咁。妖,我地納稅人欠咗你咩,警報就係要普通人係收音機係咁易聽下都明,都知道要防範。如果要搞到要查經咁查,又要比照世界各大氣象台預測,咁我要你個天文台把托呀?我不如讀埋個氣象學學位呀笨。呢d掛風球制度根本就係一個shorthand,目的就係要大家係唔使知道風速距離季侯風秋颱藤原效應呢一堆膠的前提下,都大概知道個風有幾嚴重,如果解一個風球,要睇埋氣象雲圖,咁要個風球做mud? 簡直係本末倒置。

  6. 麥當勞

    @點子:

    其實要預期會影響香港,或者相信強風圈在相當時間後會接近香港,才發一號仔係有佢道理,就係唔想令警告訊息變得模糊。一號仔如果連發兩日都無乜起色,大家嘅日子就會變得如常,好像什麼都無發生過一樣。

    至如以前什麼「清晨」嘅膠事,地下天文台都丙唔少。業餘興趣者大多都不是氣象學家,無官僚思維,回到社會都只係普通人一個。

  7. 麥當勞

    天文台終於肯出一號仔,但理由實在令人失望,顯示天文台對季候風與颱風同時並存時進退失據。

    既然季候風與颱風對香港的影響是無法 isolate 的因素,不如宣布改變標準,當兩個因素並存時,把兩個因素合併考慮好過啦。

  8. 麥當勞

    Sorry,原來無出一號仔。唉,個天文台 d 理由係乜理由呢?

  9. 話明係戒備﹐想當年真係一入800公里(或更史前嘅400海浬)範圍就會掛一號風球﹐no if’s, and’s or but’s。

    天文台俾人鬧得多﹐依家連掛一號風球都婆婆媽媽﹐f*ck!

  10. 我認為天文台唔掛一號係因為阿爺仲未批準lor。

  11. 天文台向來既做法(他們以往幾年已說過),都係如果同時有季候風同颱風,而現時影響香港既主要係季候風,天文台係暫時唔會掛一號風球的。

    過往幾年都有颱風o係南海出現,同季候風鬥扯,搞到香港吹強風,但天文台不是掛三號風球,而是掛強烈季候風訊號的例子。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s