月滿之際遇上颶風

小弟唔嫌被人話係傻佬,都要再講清楚,點解我對鮎魚呢個颱風高度警戒態度,除咗佢可能以Cat 2 – 3威力襲港外,仲有一樣嘢,呢個請各位睇農曆。

今日10月18日係農曆九月十一,而10月22日,亦即預定可能暴風圈影響香港嘅日子,係農曆九月十五

http://www.info.gov.hk/gia/general/200501/20/0120181.htm

每日通常會有兩次漲潮和兩次退潮。潮汐變化主要受月球和太陽的引力影響,每月的新月或滿月前後,地球、月球和太陽三者連成一線,水位會升得特別高和降得特別低,這現象稱之為大潮或天文大潮。

平日天文大潮都唔會構成重大危險,Cat 1颱風加上天文大潮都頗牙煙,但唔一定危及陸上安全,但Cat 2以上颱風加天文大潮,後果就非同小可。吐露港風暴潮,從來都唔係講玩。

根據小弟一向都唔信嘅中文維基百科記載

兩小時後,即9月1日06:15,萬達中心位於香港天文台東南約90公里,並進一步接近香港。天文台於此時改掛十號颶風信號,由於當天早上香港正值天文大潮,天文台並同時發出風暴潮警告。09:00,萬達在香港境內東部水面,香港普遍吹颶風。橫瀾島測得陣風為每小時216公里,大老山為每小時284公里;天文台則在09:30測得10分鐘平均風速為每小時150公里,陣風每小時259公里,氣壓為953.2百帕斯卡。萬達最接近香港是09:50,中心位於天文台以南約19公里。吐露港在10:30左右出現風暴潮,加上海浪,水位比正常最高潮位再高多3米,達5.2米。在大埔滘,風暴潮的浪頂為海平面以上7米。

如果你係香港沿海,同埋吐露港沿海居民,呢一役我勸你諗清楚,唔好搵命仔嚟搏。如果真係去咗海南,你做咗準備功夫最多當做一次Drill,但如果真係嚟呢?走唔切邊個負責?我唔係用氣象迷角度去思考問題,氣象迷可以爭論呢個風應該跟歐中、JTWC嘅預測,定係中央氣象局,定係日本氣象廳,但如果呢度讀者係AO或當政者,或區議員,佢地考慮係如果呢隻怪物有可能嚟,你應該依家教居民做乜,或幫居民向政府爭取乜。

4 則迴響

Filed under 香港政治, 氣象

4 responses to “月滿之際遇上颶風

  1. 溫黛襲港時風暴潮影響吐露港﹐係因為溫黛由東南/東南偏東方向正面襲港﹐風眼未過時吹嘅係東北風﹐吐露港向東北﹐所以食正風暴潮﹐沙田更加因為喺吐露港盡頭﹐所以食到應。

    睇番MEGI﹐如果佢以現時途徑靠近香港﹐吹嘅會係南至西南風﹐吐露港唔會有事﹐食到應風暴潮嘅會係海岸線向南/西南﹐而又冇屏障嘅地方﹐例如港島南面﹐南丫島﹐長洲﹐大嶼山﹐青衣/荃灣﹐屯門等。港島區嘅大潭灣﹐赤柱﹐深水灣﹐淺水灣﹐鴨脷洲會好危險。

  2. 持書者

    1. 請對李氏力場俾d信心.

    2. 其實對颱風準備不足係有咗李氏力場之後香港人的通病. (如果冇人命問題)出大件事都係好事.

    3. 真係打得成全人類放工時應該要 考慮下唔搭地鐵. 風暴潮有機會令地鐵水浸…逃跑是不可能的了.

  3. barjack

    李氏力場係阻個天文台唔掛風球但阻唔到個風吹嚟架

  4. 麥當勞

    其實李氏力場把颱風拖到股市日六點才掛波,就已經算是李氏力場勝利,餘下就是打工仔的時間。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s