颶風將臨

我呢度預先警告到各路人馬,除非呢個風越過呂宋島後持續西進唔入南中國海北部,否則呢個風唔可以當成一般襲港,或登陸香港嘅颱風處理,否則後果將會極為嚴重。

呢個風係一個黐線級數嘅風,係罕有經菲律賓入南中國海嘅Cat 5颱風(大家諗吓啲Cat 5係乜怪物嚟)。根據世界主要氣象機構嘅預測,掠過呂宋後會再度加強,強度約係Cat 3到Cat 4,一般襲港嘅颱風,好多係Cat 1,Cat 2打到嚟就己經傷亡慘重,好似一九六二年嘅溫黛。而且可以肯定一樣嘢,呢個風離港三百公里己經足以搞出有八號風球風力嘅事,而且雨量可能好驚人。

所以,特膠政府唔好再用應付Cat 1颱風思維,嚟打算去應付呢個Cat 2或以上颱風,香港市區以至港鐵網絡,可以喺Cat 1颱風應付裕如,但唔代表Cat 2或3可以搞掂。如果各位發生有乜渠務淤塞,硬膠防洪工程等膠嘢,最好依家就要求當局處理,上次大埔己經有人膠過,呢啲死人事件一單都嫌多。

同埋香港啲老闆,唔該高抬貴手,唔好阻止天文台掛出必要嘅八號風球或黑色暴雨,儘可能有預警方式掛,因為Cat 2以上果陣,打到嚟至掛隨時釀成災難。到時香港唔暴動,就有鬼。

廣告

5 則迴響

Filed under 香港政治, 氣象

5 responses to “颶風將臨

  1. 呢個風早幾日已有人開始談論

    15w(鮎(魚占)魚)好彩沒有直接經過巴士海峽, 否則極大機會以 cat 5 登陸; 不過現在都應該以cat 3尾, cat 4頭登陸了

    大家都係小心d吧

  2. 小P

    當年溫黛都係屬Cat. 3,仲要係唔經過任何陸地,一直維持能量;Cat. 5好少機會闖入南海,就算唔打正香港,外圍風力都係極具殺傷力。雖然呢個風會先經過呂宋內陸,被削走一部份能量,但風力依然會威攝四方。如果真係打黎香港,我諗應該可以感受一下當年溫黛有幾可怕。

  3. barjack

    樂觀d睇.到時d坪風樓可能起到防風作用XDDDD.

    不過我都係買定牛皮膠用嚟痴窗.
    我住頂樓.早排天花滲水.叫管理公司睇過.唔知整好未.我驚今次唔係滲水係漏水咋.

  4. Jacky Lim

    或者黑心D講, 有得 “李氏力場" 阻住8號出現, 始終特膠政府係唔見棺材唔流眼淚, 係要死人冧樓先至識得 “事後檢討" 同 “改善機制"
    就一鋪打殘 “李氏力場" 同李本瀅 + 劉吳惠蘭

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s