香港教育界嘅老古董膠夠未?

搭膊頭照被指有不軌
本學年轉到小西灣福建中學讀中六的黎同學,昨在青年協會舉行的與孫明揚真情對話活動,當着全場 430名學生要求孫公關注學生學習權,接着說出之前就讀中學的一名好同學的寃情,偏離大會關於施政報告主題。
黎同學表示,事件發生在今年,她的朋友生日時邀請要好男同學回家慶祝,兩人將當日拍攝相片上載 facebook,「老師見到就針對佢哋,話有發生不道德行為。」兩人強烈否認,但校方不信,「男同學被迫停課兩星期,最後轉校離開,個女仔繼續受到針對」。

小弟未轉軌改寫時事評論前,經常喺《明報》校園版向自己讀緊果間中學發炮,而禁止中學生談戀愛係其中之一,當年係開片開到上校刊。估唔到,依家去到廿一世紀,仲有人用清朝思維嚟教學生。

點解依家有咁多中學生大咗肚唔敢求助嘅問題,因為香港教育界班高層對付呢啲問題,唔係用輔導方法,而係罰,一味識得罰,跟住乜都唔識,結果就係有事唔敢求助,要生唔搵醫院,然後生到個細路死咗就埋屍、甚至掟落街咁都做得出。

我唔想搞到遲吓搵人組律師團,幫呢啲學生入稟法院挑戰果啲硬膠違反人權校規,搞到全世界膠晒嘅情況,只不過,香港啲教師,特別當權果啲老古董,用吓你地學過嘅科學知識喇,大佬,中學生正值發育期,荷爾蒙變化之下想談戀愛點禁呀?你挑戰上帝呀?呢啲荷爾蒙帶嚟嘅問題,你只能教學生理性處理,而唔係用清朝方法處理。中學生談戀愛唔駛罰,應該一早教點樣學業同戀愛平衡。

當然,明光社呢類塔利班組織,亦都最好出少句聲當幫忙。如果幾日後我發現明光社或者同類組織又大做文章,我實發炮回敬。

Advertisements

13 則迴響

Filed under 香港政治, 回到清朝系列

13 responses to “香港教育界嘅老古董膠夠未?

  1. c

    中學教師一往往係社會上最保守落後一群,
    幾十年如一日,重覆教同一套嘢
    自己無寸進之餘
    亦要管住班就快失控要自立0既馬留

  2. c

    中學教師,做又卅六唔做又卅六, 做好無奬做唔啱ED就好煩, 張五常話齋, 價值消散也.

  3. Dbdb

    某中學二年級男生,他就讀男女校,曾經俾一名老師整,想砌他性騷擾一名同班女同學。平時他們二人玩得好癲。那老師慫恿女生媽咪報警,女生母聽話真係照做,好彩差館亞蛇沒有認真。後來事件由訓導主任直接處理,學校向男生家長玩癲,時常引家長簽名,家長最後同老師一於玩,在某天會面時和律師朋友同往,最後老師龜縮,以後好聲好氣。想煮死學生的老師離校一年。

  4. Jacky Lim

    班老古董的思維就是 “中學生應該以學業為重, 拍拖只會影響學業"。仲有就係呢班膠人腦海裡認為 “腦囟都未生埋", 拍拖未係時候;或者認為 “談戀愛" 係成年人專門權利。

    另方面, 香港的性教育仍停留在生理構造only, 意識上就只係灌輸唔好做、第一次唔好亂俾否則後悔一生、做的後果嚴重、搞出人命…………. 總之 “非禮勿言" 階段, 唔會面對現實地去教育中學生如何面對生理同心理變化, 兩性相處之類

    然後, 咪就搞到D學生無正式渠道學習, 跟住就搞出 “果D新聞" 出嚟囉

  5. 持書者

    我一路覺得.. 唔俾中學生談戀愛唔知係咪只係為咗方便某d老師搞學生…(無論哪一方面)

    btw. 其實如果你中學唔拍拖. 呢世都好難好成功咁拍拖. 中學應該要教男女相處之道先啱..

    以上

  6. Tom

    D老師說,搭膊頭會有BB

  7. longhair

    幾欣賞這學生的反強權心態

  8. Vw

    Super agree with Tom!

    Waiting your passage to bomb those stubborn teachers…

  9. aLeX

    持書者—->

    我正正係中學生唔應該拍拖受害者

    到而家不知幾後悔無拍同同學拍過拖

  10. KD

    d 老師怕有鑊上身。面對呢種疑似越軌行為就歇斯底里打擊,以收殺雞儆猴功效。

    Dbdb講既情況都有發生嚮小弟既朋友身上。要怪就怪充滿競爭意識既學習環境已經荼毒左班學生。

    不過,睇到又點?原來我都嚮呢種環境長大既。改左十幾年咪又係咁。

  11. salliq

    搭膊頭=有不道德行為發生?
    好朋友搭下膊頭影相呢d咁友情的行為,竟然咁樣老屈法,民智仲未開咁款
    就算係鍾意咗大家又有咩大不了呀,不道德?
    我係個家長就告佢誹謗,一於陪佢玩

  12. 誹謗就冇得告啦,因為個罪名應該唔係公開對其他學生講,係你自己提出黎抗議o者。

    去教育局或操守議會投訴就可以既。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s