依家先租後買方案:有乜問題?

政府個先租後買方案,被人丙到九彩。我諗特膠政府,係唔知正確嘅做法。

小弟嘅先租後買,係好「伊斯蘭」,大家知道回教係唔准借錢,但又要做按揭,咁可以點,有提供伊斯蘭銀行服務嘅金融服務,一般有隻伊斯蘭租賃,就係件嘢你交租若干年,就歸你,當然銀行實際計利潤果陣,租金係計咗本金加利息入去。

小弟嘅先租後買,查實係公屋或者「特殊公屋」,喺住夠若干年後業權就歸租戶所有,因為一路起公屋有個好膠嘅問題,就係房委會呢個官僚架構會不斷膨脹,領匯出現有個「良好作用」,就係削咗商業樓宇科呢舊嘢,減緩房署膨脹速度,但一路咁玩法,遲早變成管理唔到嘅異形。所以先租後買,原係「伊斯蘭按揭」。但依家特首搞呢舊嘢,講真我真係唔知乜嘢嚟。(至於商場,由於唔一定受《房屋條例》管轄,就無咗一定要建商場嘅問題,或者商場同停車場業權由日後業主共享,造成一個社區自治體,所以我原本諗法係左右皆有)

特首成日搞啲A貨出嚟,真係唔多對路。

廣告

4 則迴響

Filed under 香港政治, 財經

4 responses to “依家先租後買方案:有乜問題?

  1. dbdb

    我覺得入息限額要更寬鬆

  2. 義不容共

    個人成見偏見,「先乜後物」通常無乜好野,要不是呃哄騙局,就是拖得就拖。

  3. Bankers' Arms

    官僚膨脹係必然, 多一條屋村就多一條team去管理, 問題係有冇相應既機構監管, 例如 房委會於1973年成立前, 屋村下轄市政局管理… 倘有民選市政局議員去監督, 倘負責長遠規劃的房委會人事任命皆需要民選市政局同意的話, 官僚膨脹乃人口增加既結果, 不成問題!

    如果講返先租後買政策, 本身idea係好既! 起碼一部份解決年輕人既首期問題, 餘下既就視乎其執行既細節有待觀察, 但整體房屋問題的根源 – 地產商造市, 未得到解決係事實:-

    1. 地產商囤積土地問題
    通常地契批出附有建築規約期限, 限定土地賣出後何時要建成樓宇, 制止囤積居奇造市的情況
    有泛民議員好波, 書面質詢鄭局長近年已批出土地違約逾期的情況, 及其罰款之執行情況, 鄭局長以各區地政處工作繁重為由, 拒絕交出土地違約情況名單…
    以某李姓王國拖數的橫行作風, 其土地逾期唔交罰款一D都唔出奇!

    2. 分批推盤資訊封閉 買家權益無保障/ 假票炒家造市
    為營造熾熱氣氛, 分批推售, 不即時披露售出宗數位置及成交價, 透過代理回贈, 甚至是代理入假票, 友好入票刻意唔成交造市等等, 呢D係壹仔睇唔少既屎橋正正需要政府立法監管, 發展商不時有虛假陳述之嫌, 分批推售以致早期購入即時有負資產及銀行估唔足之風險, 實屬不必要, 可見買家權益甚無保障; 本年度施政報告承諾將年內立法, 殊屬正面, 但又係果句, 其執行及其細節有待觀察!

    3. 新界農地囤積問題
    各地產商早係66,67暴動後起, 大量吸納新界平價農地, 以致新界今天貨櫃車場奇景, 有學者建議土地空置稅, 但貨櫃車場不屬空置, 餘下的辦法只有收窄土地用途, 農地不能作車場等大量非農業用途, 迫業主還地於農, 有助減輕糧食過份依賴大陸既同時, 改善新界鄉郊景觀甚有價值

    4. 係時候檢討confirmor摩貨的存廢
    而家政府廢左樓花摩售, 有必要研究摩貨存廢, 因為摩貨也是造市元兇之一, 幾個炒家係長達一年甚至年半成交期內夾份摩幾轉, 樓市泡沫就係咁黎, 唔少炒家都係發展商D partner, 成交期過長亦引致期滿上會銀行估唔足既成因, 唔少苦主上唔到會要撻就係因為咁, 撻左大訂唔惹小, 可謂數年積蓄!

    要做到以上各點:-

    a. 大肆擴充地政處人手進行違約執法, 有助切實執行本來已有的去除囤積現象措施之同時, 也可以制止近年入侵官地造成既定事實之歪風, 有助保護郊野公園/官地

    b. 城規會成員任命需民選議會同意

    c. 擴充消委會權力, 如ICAC般擁有向律政司建議提出檢控能力

    d. 每宗成交收取0.5%撥入消委會訴訟基金

    e. 選擇月刊定期公佈最新樓盤申請OP/滿意紙狀況, 樓盤成交宗數/位置/面積/買家資料/買家與發展商關係申報, 地契批出條件, 發展商往績…
    等等

    f. 又係, 消委會成員任命需民選議會同意

  4. Dbdb

    施政報告當天,晚上在大廈升降機當埸聽住一位七十幾歲阿伯怒罵特首,火氣很重,有兩句異常深刻,一謂死都不肯幫後生仔,二謂居屋是最好的。

    始終無長遠政策,點解唔可以做到當年黑白片推廣華富邨,如果先租後買好正的話,點解完全好像無正式定案呢?成鬼日乜狗先乜後乜,特乜特乜真係好鬼乞人憎,一個拖字,根本食老本,完全無任何革新,用新字眼裝飾舊念。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s