馬英九咁樣點做總統

黃世澤:和平獎得主 中國的囚徒

在辛亥革命九十九週年之際,中國竟然這樣回應諾貝爾委員會,如果藍營為親中一點斥責行動也沒有,筆者想問,他們還有面子面對在辛亥革命前後犧牲的人嗎?他們是國民黨人,還是共匪的同路人?

喺劉曉波公布諾貝爾和平獎結果果日黃昏,小弟一路留意新聞,見到馬英九啲回應,連斥責嘅意思都無,大佬,革命尚未成功呀,你咁樣嘅國民黨仲同我講親藍,呢啲己經係共匪級,藍營連基本嘅意識形態都守唔住,仲掛住國民黨個名做乜,返去訓覺吧,小弟二話不說就火速寫了呢篇文,結果馬英九真係「百X成才」,結果公布廿四小時後,至要求老共釋放劉曉波。

小弟係第二次喺《自由時報》迅速出手,差唔多「教人點做」,然後見到有人糾正(另一次係災害防救法,小弟引用陳水扁年代做法鬧爆馬英九失職諉過,結果歷次水災馬英九政府係唔係都叫行政院長授權地方強制撤離先講),無錯,喺民主政制下,馬英九政府好快吸收媒體意見,然後作出糾正,無邱騰華果隻史上第一腦殘,話之打到天昏地暗都要死撐。但係佢係總統,無理由鋪鋪搞到綠營成班友,包括小弟呢類外籍人士成班友拎住武士刀周圍舞,甚至用居合斬斬到成街人頭,佢至識應該點做嘛。

講真,馬英九咁做總統,小弟好擔心。國家,並唔係咁領導。

Short URL: http://wp.me/p7cGY-2HZ

Advertisements

11 則迴響

Filed under 台灣政治, 中國政治

11 responses to “馬英九咁樣點做總統

  1. Bankers' Arms

    台人冇得怨, 又係當初佢地自己揀既… 馬英九呢D, 得啖笑la, 九十年代當D台媒吹捧佢為零缺點, 又被香港既黃毓民隔岸宣揚, 港人都已經聽到渾身唔自在, 唔係好慣呢套

  2. martinoei 黃世澤

    To longhair:

    馬總統喺10月9日黃昏叫放劉曉波,佢10月8日係乜反應,否則我點會10月9日凌晨出嘅自由時報即刻媽佢媽到拆天。

    佢啲幕僚完全係搞五都選舉搞到傻咗。

  3. c

    @"佢啲幕僚"
    i didn’t even know he had any

  4. 麥當勞

    @c

    叫不叫「幕僚」我就唔知,但「余文」就有一大堆。

    馬英九為官治黨都任人唯親,極度偏重嫡系人士,這當然與他無法與以前連戰時代與及李登輝時代人物合作有關,但造成的惡果也很大,佢「幕僚」的視野很細(都是他任市長時的市高官,而這批市官其實沒有什麼突出的市政績,颱風納莉更是負政績),不過也不是沒有好處,例如馬英九犯了什麼事,都總有不少「余文」把罪責摃上身,挺身解說馬英九全不知情。

  5. c

    i see. he gives the appearance that he gives very little thoughts to what he says and does, and almost none to their consequences, as if he doesn’t have any staff.

  6. 麥當勞

    菅直人都是仆街,希望民主黨快 d 解散:
    http://www.coolloud.org.tw/node/54940

  7. TC

    麥當勞,

    劉曉波單野係中共眼中係別國內政,而佢身份大日本首相,只有責任為大日本國民係國際上謀最大利息,除非佢一出聲,日本可以名正言順將釣魚台成為日本領土,唔係日本出唔出聲都無錯。錯係錯係中國人自己被中共蝦都唔出聲。

  8. Taron

    俾我係馬英九, 我都可能咁做. 點解? 明知綠營一定開聲插, 點解唔等綠營開聲之後自己先做野? 綠營開聲之後先做野0既好處係: 可以俾中共睇"0拿, 我被逼架咋". 咁就好處自主兩不誤.

  9. c

    馬英九不嬲都係要等人閙佢至做下樣畀你睇.

  10. 不留名

    馬英九覺得這些係中共內政, 唔關台灣事, 咪冇聲冇氣囉。反而我唔明綠營為咩咁緊張, 話去中國化又咁關心中國既嘢, 兩個主權獨立國家人們的事關你咩事。即時又強烈的反應等於以中國人身份自居, 綠營係反中共定台獨, 如果只係反中共咁萬一中共倒台台灣仲搞唔搞獨立。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s