保守黨無乜可能又要威又要戴頭盔

頭先好概略,睇番第一日英國保守黨2010年大會嘅錄影(當然係BBC Parliament),俾我一個好奇怪嘅感覺,保守黨好想拉攏印巴裔嘅票。

依家保守黨主席兼內閣成員The Baroness Warsi己經係印巴裔,第一日保守黨大會仲有印巴裔跳舞表演(我講真),同埋唔少印巴裔人士上台演講,證明依家喺工黨同保守黨無人拎到過半優勢下,印巴裔係兵家必爭。另一個香港裔英國人,否則卡梅倫唔會委任韋鳴恩男爵作為政府顧問兼保守黨籍上議院議員,而且係負責重大嘅Big Society議題。由保守黨嘅大方向睇,印巴裔同香港裔係佢地發掘嘅票源。

問題係,呢個世界無又要威又可以戴頭盔咁著數嘅事,因為印巴裔一定想帶自已喺印巴嘅屋企人定居英國,而香港人好多人俾戴卓爾夫人條友喺BN(O)同香港前途問題度賣咗,條氣唔順。換言之,英國保守黨實要喺移民問題上作出讓步,否則駛鬼印巴裔同香港裔嘅支持你。

保守黨2010大會議題

所以喺薩爾科齊條膠人,借驅逐吉卜賽人搏懵搏出膠果陣,今年保守黨大會,完全唔敢將移民議題擺上agenda,當然詳情仲要聽埋周二嘅speech先,但由第一日保守黨大會嘅包裝,移民政策問題對保守黨嚟講,真係碰不得也。甚至可以講,如果保守黨喺2011或者2012年仲要靠印巴裔同香港裔兩大少數族裔掘票源嘅話,保守黨一定要諗BNA 1981同IA兩大硬膠點甩身,呢個世界無邊個俾你班政客又食又拎。更何況,你估工黨唔識打少數族裔議題?佢地狼過你都得,大家諗吓Goldsmith Report係邊個嘅傑作?

Short URL: http://wp.me/p7cGY-2GW

Advertisements

發表留言

Filed under 英國與歐洲

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s