濃霧回到南洋?

雖然香港有唔少人唔認同李光耀,但小弟對李光耀嘅做法,一向是持同情同諒解嘅態度,知道南洋乜膠都有就知,李光耀做南洋嘅克倫威爾係迫於無奈,你領導嘅小島突然侷住獨立,又要對付共產黨班無人性嘅硬膠,你估咁好玩?隨時死咗都唔知乜事。

李光耀近日胸腔感染入院,己經令人擔心,但柯玉芝今日騎鶴西去,相信更令新加坡人擔心。

柯玉芝可以講係李光耀一大精神支柱,對老人家嚟講,有老伴喺身邊同無老伴喺身邊係兩回事,雖然我相信李光耀夠堅強,但李光耀同柯玉芝年紀只差兩歲,大家對李光耀擔心係可以理解。

而新加坡兩個鄰國,印尼嘅局勢雖然比十幾年前好好多,可謂漸入佳景,但另一方面,由於安華未能領導民聯一氣呵成KO國陣班硬膠,小弟擔心係大馬喺李光耀死前,局勢係越嚟越亂,巫統玩種族主義手段越玩越離譜,呢個大頭佛唔係人人都壓得住場應付。但依新加坡全體國民,有準備好應付呢個硬膠局勢未?

幸福唔係必然,李顯龍依家睇嚟要做好準備,迎接真正嘅挑戰。

Short URL: http://wp.me/p7cGY-2Gs

Advertisements

3 則迴響

Filed under 南洋政治

3 responses to “濃霧回到南洋?

  1. Bankers' Arms

    新加坡又係D中國式一人英明萬人自閹既社會, 單單睇下外長楊榮文對住鏡頭講野頭dup dup, 成個陽萎男人咁, 可知其所謂cabinet, 學歷相當亮麗, 但性格面目模糊, 一有大事未必承擔得起! 呢D唔係買幾多架chinook直升機可以補足!

    李顯龍此人固然有勇謀, 但此人萬一做錯決定, 內閣無人能阻, 皆因其人有當住吳作楝既面打柒當時既國防部長…

  2. 義不容共

    如果新加坡算係未盡善的民主國家,而不是千秋萬世一家天下,那麼李光耀總有人生謝幕的一天,沒理由人不在就天塌下來。

    優秀民主需要自由理智兼備的公民社會,相輔相承,新加坡全國上下當然要更努力。

  3. 但以李光耀的性格,他一日不死,政府都活在他的影子下。

    其實早在八十年代,馬共都玩唔到野既時候,佢就應該同其他開國功臣一齊落台。當年杜進才同佢有爭拗係正常,因為佢勸退所有老臣,只留下自己打骰。

    他的權力欲太大,如果在八十至九十年代佢就肯退下來,給反對黨開空間,到今天應該已有兩個負責任的政黨可以互相制衡、隨時取代對方執政。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s