大政奉還中華民國

在十月一日,亦即中國共產黨呢個連註冊都未註冊嘅組織,竊取中國本土大部分地區六十一年嘅日子,提出呢個理論,可能嚇到大家O嘴。

但大政奉還中華民國,可能係解決當年中國本土、台灣、香港、澳門、西藏等硬膠多合一問題嘅出路。

首先,中華民國喺台灣地區實施過兩次政黨輪替後,不論中華民國喺台灣嘅主權或治權係唔係有問題,但至少一樣嘢,中華民國已經唔係中國國民黨嘅私產,佢係一個可以代表中國人民整體嘅民選政府,只不過流亡緊。咁嘅時候,中國共產黨好清楚係竊國,將大政還歸人民共有嘅中華民國,合情合理。

另一方面,有啲嘢喺將政權奉還中華民國後,可以順利好多解決,其中包括以下三個問題:

1. 中國共產黨合法性問題:如果直頭武力推翻共產黨,咁共產黨一定死硬嘅話,咁共產黨都唔會同你傾咁多,但如果大政奉還中華民國,中華民國新政府以承認自中共一大以嚟,中國共產黨嘅中華民國嘅社團登記註冊,咁中共呢舊乜都唔係嘅怪物法理問題可以解決,比較有希望和平轉移政權。

2. 西藏問題:由於依家嘅達賴喇嘛,仲係中華民國蒙藏委員會按例委任,西藏流亡政府喺西藏回歸民主統治就可以即時解決,中華民國蒙藏委員會追認西藏流亡政府權力,並且締立若干相應法律就係。

3. 台灣、香港主權問題:由於依家嘅中華民國有公投法,咁依家喺中國領土,因大清帝國戰敗割讓領土嘅民眾可以抉擇自己去向,包括台灣(以《馬關條約》割讓地區為準,不計金門、馬祖,呢樣嘢比照自由法國大本營阿爾及爾),以及界限街以南嘅香港,而界限街以上,深圳河以南嘅「新界」,都可以公投決去留。而果啲中共單方面割出去嘅領土,例如俄國搏懵侵佔江東六十四屯,緬甸江心坡果啲地方,亦有法源去爭返嚟。

而且回歸舊制,所謂「王政復古」呢個係中國文化可以接受嘅嘢,中華民國亦代表由孫中山以來創立嘅現代中國,咁樣睇落比較啱數。當然,大政奉還中華民國,只係我發夢諗出嚟,但中華人民共和國呢個所謂共和國,真係太令人反胃。連俄羅斯脫離蘇聯,恢復自己嘅獨立身份後,都復用舊體制好多嘢,包括國旗、國徽、國會名稱等,大家就知發生乜事。

Short URL: http://wp.me/p7cGY-2Fz

13 則迴響

Filed under 中國政治

13 responses to “大政奉還中華民國

  1. TC

    我都好想中華民國可以統治番中國大陸土地,中共做大部分野不單同中國人傳統格格不入,而且好領我嘔心。

    不過中共搞到大陸人思想有問題,土地同食水嚴重污染,(羅)番大陸都有排(執)手尾。

    唔少東歐國家不單無左共產黨,而且入EU,中國側仲係無進步,而香港由一個先進英國殖民地倒退到所謂特區,真係人類歷史奇聞。

  2. Bankers' Arms

    民國三十六年, 中共已被內政部列為非法組織, 政府動員取締…

    發夢完畢, 現實歸現實, 民國是回復不了, 皆因人民質素早已被老毛搞壞, 忠良的不是逃到港台海外, 便是在文革被鬥死或跳樓死, 留下來的種全是刁民種, DNA很壞, 今日的中國有不少回復中華文化的跡象, 但只有形似!

  3. salliq

    講得好,中共真係令人反胃
    我都有呢個夢,但真係離實現的可能性太遠
    不過世事無絕對,中共咁既衰樣,我唔信佢永世唔會倒台

  4. 共产党的国庆节过一个少一个,所以要好好珍惜。

  5. hplive

    支持!中華民國先係我祖國!共匪愈來愈恐怖!我地終有像法國咁光復民國!

  6. c

    @banker’s arms
    you have thus ignored the important principle that, living beings strive to live. the commies have constantly been committing the same mistake.

  7. echykr

    What about the issue of Mongolia?

    Mongolia was forcefully yanked off of China by the Soviets during the chaos of the Warlord Era, I think the ROC has still not completely recognized its independence to this day.

    Other issues that may be resolved under this fantasy scenario include the Diaoyu and Spratly Islands.

  8. martinoei 黃世澤

    To Bankers’ Arms:

    1. 若然大政奉還中華民國,中華民國內政部可以宣布取消民國三十六年的取締令。

    2. 大政奉還中華民國可能係最有可能和平令中共政權轉移嘅方法,如果唔係,你都識講,中國啲人變晒刁民種,我相信係人道大災難收場。

  9. Bankers' Arms

    李祿有機會成為一個power broker, 實現樓上各位的夢想! 我倒希望他成為廿一世紀的宋子文, 法幣再一次流通全球

    1936年時中國孔祥熙簽發的債券曾使一小撮人在英美交易場上發達, 法幣改革的成功使中國國債息率跌近西方多國水平, 在1936-37短短的兩年, 孫文封面的法幣是中國成功的浮動貨幣, 連當時的美元也不過是金本位而已…

  10. 既然發夢,就一塊發吧。
    先請問原中華民國(現國民黨-蔣記國民黨-孫記中華革命黨這一系,唉,KMT實在是個容易分裂的社團)的政權合法性在哪裡?南京國民政府的政權同樣來自暴力奪權(國民革命軍北伐),還有外國的金盧布和日元。這水平線和中共相比高不到那裡。
    大政所以應歸還北京國民政府。:)
    和你上面所說的一樣,合法繼承清政府的北京政府(宣統禪讓的合法性沒有質疑吧?)對於西藏、港澳台、外蒙和外興安嶺的主權也沒啥問題吧?只不過北京國民政府灰飛煙滅了,那就拉出來中南海那幫人充數吧:)so,TW還是歸於大統得了。

  11. martinoei 黃世澤

    To Grepsu:

    1. 在中華民國實現政黨輪替後,亦即陳水扁當選總統一刻計起,中華民國就是中華民國,不再是中國國民黨什麼私產,亦即清政府遜位詔書是算數。

    2. 北京何來國民政府?

    3. 西藏主權我一向不質疑,台灣和界限街以南的香港,那是戰敗條約割讓土地,不屬什麼不平等條約,所以這兩個地方絕對有權利公投。中華民國在台北設過總領事館,這事實很清楚。

  12. c

    等等。。。國民政府係國民大會選出來嘅

    萬年國代,都係遷台之後嘅事

  13. Bankers' Arms

    1. 南京國民政府的對內合法性, 在民國三十六年國大代表普選產生後, 得到了正式確認, 在三十七年正式行憲後得到落實; 反而毛澤東先生期間辯稱無法在全國戰火範圍內舉行普選而延期, 延到今天都未見中共的諾言

    2. 南京政府對外合法性, 自十七年光復北平後, 蔣中正主席與各國駐華大使(日本除外)所達成的共識得到確認, 南京政府承認全國各軍閥發行的債券, 而各國使館陸續自北平遷往南京辦公

    3. 德國政府徹底放棄對廣州陳濟棠的軍援, 全力協助中央國軍機械化, 以換取江西的鎢金屬, 德軍重量級人馬法根豪森來華親自訓練, 並於8 13淞滬戰役親督87, 88德械師國軍迎擊日軍

    4. 二十一年, 行政院副院長兼財長宋子文出席世界經濟論壇, 成功爭取國聯投資中國, 及技術支援中國產業升級, 國聯也不會承認滿洲國

    5. 二十四年, 國經會主委宋子文, 財長孔祥熙, 上商經理陳光甫等人成功說服美國及英國, 在日本的強烈反對下, 支持中國於抗戰前夕, 實施貨幣改革, 推出與美元及英鎊掛勾的法幣,使中國成功擺脫自明朝中葉以來, 官方無法調控貨幣供應的現象, 以及白銀外流對中國工業的打擊!

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s