貨幣鬥貶值,人仔幾時死?

明報:「國際匯率戰已爆發」 巴西財長直指各國鬥貶值谷出口

鬥貶值谷出口,我諗大家喺洗手皂液賣幾錢睇得好清楚。

近排惠康有個怪現象,就係加信氏英格蘭製嘅洗手液,300ml居然可以長期有特惠價14.9,比中國製或大馬製產品仲平,結果唔駛點宣傳,英製加信氏洗手液都會定期無貨,因為大家知道抵買。而可以咁抵,皆因英鎊係咁貶值,所以近排百佳都出現大量英國本土製造產品喺度傾銷。

由於英國同美國都有成打銀行係default緊或者好有潛力default,仲未計歐洲歐豬四國,結果係又跌唔係又跌嘅結果係,除非中國自揭底牌,否則人民幣無乜可能抵抗升值,而中國貨嘅質素又無歐洲、美國做得咁好,咁樣中國最後唔被人夾扁就怪。

所以大家都食住花生,睇緊人仔幾時侷住「自然升值」,日本、美國、歐洲個個都貶值,中國又死要面怕揭二仔底,咁咪睇幾時爆大煲死鬼咗。

Short URL: http://wp.me/p7cGY-2FW

4 則迴響

Filed under 財經, 中國政治

4 responses to “貨幣鬥貶值,人仔幾時死?

  1. 新仔

    只要中國經濟泡沫一路漲落去, 就算人仔唔自然升值, 外國都會自然貶佢哋既幣值嚟抵消. 你睇金價係咁升, 主因係錢愈嚟愈唔值錢.

    發展, 升值, 轉型, 繼續發展; 故且不論小國, 但全世界個個大國都係咁行過嚟. 唯獨中國又想做大國, 但又妄想利用操控匯價狂攞著數? 呢個局面一定會好快變. 啲人開口閉口廿一世紀係中國人既世紀… 但個遠景響邊??

  2. 香港同美國匯率掛鉤,港紙一齊跌。

  3. 沒署名

    大陸長期操控匯價, 遏阻人民幣升值, 外貿長年累月出現巨額盈餘, 外匯儲備積聚高達兩萬數千億美元, 長此下去, 歐美經濟只會每況愈下, 奄奄一息, 毫無起色.

    歐美國家絕對不會坐以待斃, 甘願長期吃虧, 今後數年, 除非人民幣兌美元每月大約上升一個巴仙, 歐美國家必有嚴厲的反制措施出台.

  4. 麥當勞

    人仔點會死呢?

    你可能無記性,在 1994 年一人仔對兩元港幣,之後中國將人仔恐怖貶值,變成一人仔對一港幣,貶成 50%,今日世界各貨幣貶值,拍馬屁都未迫到人仔貶值嘅力度。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s