Daily Archives: 九月 28, 2010

印尼人相信抗爭

BBC: How Indonesia overtook Nigeria

香港人成日有啲硬膠論調,話唔好抗爭,要和諧就搵到錢。但小弟一直都唔信呢套,而小弟唔信呢套嘅理由,查實同印尼文化好有關係,特別我果個家鄉。

小弟家鄉係亞齊省,果度打咗三十年內戰,一鋪南亞大海嘯,真係嚟個天譴大家至收手,民風有幾勇悍大家諗吓。但印尼全國由戰後到華裔瓦希德教授做總統為止,除咗華裔好少參與抗爭,周圍都係大大小小抗爭,東帝汶又爭取獨立,亞齊夠同印尼同文同種同宗教,結果一樣開片開到七彩。亞洲金融風暴搞唔掂經濟,就全民反檯,搞到蘇哈圖落台,哈比比都坐唔住。

當然印尼戰後連串抗爭,人命代價係好大,幾多妻離子散家破人亡大家知嘅,但印尼最終都清理好多荷蘭殖民遺留嘅膠嘢,你睇印傭願意學廣東話就知,有啲唔做女傭去經商都有,十年廿年後,印尼仲出唔出口印傭嚟香港都好難講,因為印尼本身有實力搞製造業,而出口外傭唔係佔印尼經濟咁大份額,唔似菲律賓。

所以呢個世界好簡單,有啲膠嘢你唔處理,就一路衰落去。當然印尼走錯過路,但你唔抗爭,就等做尼日利亞沉淪,呢篇文值得思考。

Short URL: http://wp.me/p7cGY-2FI

發表留言

Filed under 香港政治, 南洋政治

最強嘅曲線

諾貝爾獎下月初頒發,挪威方面披露,曾遭中國施壓,警告如異見人士劉曉波獲獎,中挪關係將受影響。

捷克前總統哈維爾上周在《國際先驅論壇報》撰文,公開呼籲,將今年諾貝爾和平獎,頒給正在坐牢的中國異見人士劉曉波。

挪威諾貝爾研究院院長龍德斯塔德(Geir Lundestad)周一回應哈維爾的呼籲時指,今年夏天,中國副外交部長傅瑩在訪問奧斯陸時,曾特別約見他,雙方在奧斯陸的中國大使館見面,當時傅瑩說,如果頒獎給劉曉波,會破壞中挪之間的友好關係。

中國和挪威正在磋商一項雙邊貿易協定,有指這將成為未來中國與歐盟合作的藍圖。

今年的諾貝爾和平獎,將在10月8號揭盅。 挪威諾貝爾研究院負責協助挪威諾貝爾委員會,進行和平獎獲得者的評定工作。

今年真係劉曉波唔拎和平獎都唔得,咁強勁嘅曲線,中國外交部係咪有人係劉曉波支持者,點解可以曲成咁?

Short URL: http://wp.me/p7cGY-2FE

2 則迴響

Filed under 中國政治

詹其雄變咗異見人士

詹其雄指公安不准他接受訪問
28.09.2010 12:48
獲日本當局釋放的中國漁船船長詹其雄,返抵福建晉江家中休息一日後,今早並無外出,繼續留在屋企,陪伴家人。有村民引述詹其雄說,政府不准他接受採訪,他留在家中與探望他的人見面。 詹其雄的母親說,家中的公安人員要他們不要接受訪問。有記者嘗試透過窗戶與詹媽媽傾談,公安人員隨即關上窗戶。而詹其雄太太今早外出買菜,使用後門出入,刻意避開記者。

詹生扮完「英雄」,隨即變咗「異見人士」,公安唔俾佢接受記者訪問,仲有公安進駐,得罪日本仔果然好大鑊,汪精衛政權做唔到,唔敢做嘅嘢,俾中國政府做埋,真係犀飛利。

Short URL: http://wp.me/p7cGY-2FB

2 則迴響

Filed under 中國政治

網絡公關inception

傅瑞德︰「網軍」急就章

我常私底下話,做公關嘅,應該睇Inception呢套片,因為依家呢個年代做公關,同植入一套理念入人個腦度無分別。

國民黨嘅網軍固然係超低能勁搞笑,將中國搞五毛黨呢套膠嘢搬嚟台灣,唔膠就有鬼。但點解鍾意Mac嘅人,或者支持民進黨嘅人願意主動走出嚟四處南征北討,呢個至係真正有趣嘅課題,主流傳媒點講Apple唔好,點講民進黨唔好,都守得住果吓神奇,呢個至係公關應該研究嘅嘢。

簡單嚟講,俾你控制晒全香港傳媒,依家都唔會贏到公闗戰爭,依家係論述決定勝負加形象決定勝負嘅年代,當權嘅無論述就注定輸到嘔,因為只有五毛黨,至會將屎講成係香。

發表留言

Filed under 台灣政治