香校董硬膠如昔

哈佛有一間Kennedy School of Government培訓全球政治突出人物,歷史悠久,現在牛津又話要開一間政治學院,搵到一位美國富豪Leonard Blavatnik捐款七千五百萬鎊(約九億零七百萬港元)未夠十億,牛津斥資二千六百萬鎊,成立以呢位富豪為名嘅Blavatnik School of Government,一於同哈佛爭過,嗱嗱,牛津校友唔會好似一啲港大校友咁樣嚟痛駡噃,英國亦無思維不清嘅評論員痛駡Blavatnik噃。呢位俄羅斯裔富豪,自莫斯科大學畢業(照內地一啲網民思維,抵鬧,點解唔捐畀母校,竟然捐俾牛津,係俄奸),1957年生,哥倫比亞大學電腦碩士,哈佛MBA,1978年移民美國,86年回俄投資,靠俄羅斯石油發大財,現居於紐約及倫敦Kensington Palace Gardens,屬於二十年來新發財一類。牛津係九百年名牌老店,比慶祝一百歲嘅港大威猛得多,竟然接受俄羅斯新發財富豪嘅捐款,以學院冠名回報之,騎騎,冇牛津校友鬧嘅?

香樹輝呢啲硬膠,佢唔寫啲無知嘢無人話佢死嘅。呢條友講開英國嘢,仲要無知到咁,咁我無得唔回應。

1. 香校董,你知唔知人地捐錢搞個書院出嚟呢,不單有明確理念,而且呢單嘢,本來就得到主要校友支持,各校友認為咁捐錢無問題,至會成事。支持呢單嘢嘅校友,除咗依家保守黨嘅首相David Cameron,工黨果面嘅校友都支持至成事。你估中大賣書院呀。

2. 呢次Leonard Blavatnik捐俾牛津,係同牛津一向強項同傳統相配合,牛津嘅PPE(哲學、政治及經濟)學士學位全英有名,而搞School of Government係強化牛津嘅傳統強項,但係膠樽義係邊次籌錢係強化中大嘅強項,例如籌款捍衛中大嘅教學語言。我想問,膠樽義咁耐以來,除咗賣書院俾啲有錢人沽名釣譽,有做乜嘢既籌款,又尊重以至強化中大傳統,攞中大嘅硬膠籌款,同我地香港歷史最有認受性領導人,牛津校監彭定康勳爵嘅籌款比?你要幫膠樽義貼金都唔係咁嘛。中大華雲生呢啲友仔,千方百計想拆咗新亞藝術系,俾其他書院嘅人入嚟玩,呢啲危害新亞嘅嘢,你一句都無出聲,仲好意思用新亞個名嚟養馬,錢穆都激到翻生。

繼續由香樹輝呢啲市儈之徒做校董,遲早令中大蒙羞。新發財無問題,但捐錢唔該唔好咁bad taste。

後話:喺上周五廣管局嘅公聽會上,我其中一個質疑就係新城財經台果啲財經節目,主持人究竟有乜專業資格,同埋有無利益衝突,香校董有無,大家自己諗喇。

廣告

7 則迴響

Filed under 英國與歐洲, 香港政治

7 responses to “香校董硬膠如昔

  1. c

    送排綠箭香口膠.

  2. Bankers' Arms

    我係曾爵就會同舊上司斟斟, 叫牛津公共行政學院落戶香港搞分校, 座落舊布政司署, 因為曾幾何時舊布政司署乃香港良好管治的象徵

  3. 義不容共

    又重提港大醫學院百年寶號 ? 香大老細之流或者睇唔到,當日十億奸城慈善大生意,自以為是的林大醫生,結果因為財迷心竅,公家症私睇而搞到臨老入監獄,身敗名裂 .

    大學營運當然在在需財,但決不能淪為扯皮條或乞丐 .

  4. c

    this is called the reputation risk

  5. 飛蚊導彈

    其實外國名大學為學院冠名,與李+X醫學院的最大分別,是外國的名大學只會在學院成立之時冠名籌款,不會貿然拿那些百年老字號學院賣出去冠名的.

  6. Bankers' Arms

    芝大商學院也不是成立之時冠名, 老實講係唔係成立初改名唔係重點, 重點係理念, 捐款者通常係校友, 對學校理念認同

    Formerly known as the University of Chicago Graduate School of Business, … The school was renamed in 2008 following a $300 million endowment gift to the school by alumnus David G. Booth.

    http://en.wikipedia.org/wiki/The_University_of_Chicago_Booth_School_of_Business

  7. c

    @BANKER’S ARMS
    咪就係, 李+X發明李氏力場, 改天水圍做嘉湖山莊, 貢獻香港農業好大, 應該整個香左大學李+X調理農務系

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s