Daily Archives: 九月 27, 2010

劉皇發,你當香港人傻的嗎?

劉 皇 發 承 認 未 向 行 會 申 報 多 宗 物 業 買 賣
2010-09-27 HKT 12:10
幸偉雄報道
行 政 會 議 成 員 劉 皇 發 承 認 , 過 去 透 過 家 族 擁 有 的 公 司 , 進 行 多 宗 物 業 買 賣 , 但 未 有 向 行 政 會 議 申 報 。
有 報 道 指 , 劉 皇 發 在 去 年 至 今 , 購 入 元 朗 加 州 花 園 及 Yoho Midtown 多 個 單 位 , 部 分 是 在 今 年 2 月 財 政 司 司 長 推 出 穩 定 樓 市 措 施 不 久 前 買 入 , 之 後 以 摩 貨 形 式 出 售 獲 利 。

目 前 在 台 灣 的 劉 皇 發 , 透 過 助 理 解 釋 , 並 非 蓄 意 漏 報 , 事 件 可 能 涉 及 整 理 申 報 資 料 的 員 工 疏 忽 , 他 會 於 星 期 三 返 港 , 再 作 交 代 。

有 立 法 會 議 員 表 示 , 身 為 行 政 會 議 成 員 , 投 資 時 應 避 嫌 。 學 者 建 議 , 成 立 委 員 會 作 獨 立 調 查 。

漏申報唔係問題,最大問題係有人涉嫌接觸過一啲行政會議成員至可以接觸嘅文件,然後謀私利,呢啲己經去到以權謀私嘅地步,唔係一句政治敏感度不足以可帶過。

廉署係唔係應該幫劉皇發開file,如果劉皇發係有良心嘅,應該學梁錦松咁辭職至啱數,否則佢連涼粉虫都不如。

Short URL: http://wp.me/p7cGY-2Fw

8 則迴響

Filed under 香港政治, 財經

廣管局公聽會

上周五,小弟出席咗廣管局就商台同新城續牌嘅公聽會。當然小弟唔係好似任亮憲咁,諗住搏上位,用晒極度煽情嘅演出。小弟呢次出席目的係:立此存照。

相信小弟係唯一一位公聽會涉及機構前員工,仲要係負責編輯尺度監管工作嘅喺度發言,所以小弟有兩條係質問商台,一件係封咪事件,一件係十八仝人愛落區事件,點解明知過唔到關都要做?當然,我亦唔期望陳靜嫻會答,在場前商台管理層,或現任管理層,都知道大家都係用嚟立此存照。所以,我都估到黃永唔會出席,黃永同我死撐,我諗佢死硬,有人幾想黃永嚟都好,黃永都應該唔會嚟。而我無時間去質問,商台內部嘅internal auditing去咗邊,己經走運,我比其他人都有資格質問呢個問題。

商台有引述有市民質疑新城電台財經節目主持資格,果個係我嚟,因為呢次係陳淑薇在場督師,所以她好清楚我問呢條嘅出處。我喺商台做果陣,一直對財經演員亂嚟好有質疑,我一直都想學台灣咁,規定必須至少有CFA資格,至可以喺電台上分析財經,因為太多人唔顧規矩咁亂咁嗡。大家都知唔只新城有問題,商台都好有問題。喺蔡東豪主政果陣,大家未有機會鏟除呢個亂局,睇日後有無機會。

發表留言

Filed under 香港政治

香校董硬膠如昔

哈佛有一間Kennedy School of Government培訓全球政治突出人物,歷史悠久,現在牛津又話要開一間政治學院,搵到一位美國富豪Leonard Blavatnik捐款七千五百萬鎊(約九億零七百萬港元)未夠十億,牛津斥資二千六百萬鎊,成立以呢位富豪為名嘅Blavatnik School of Government,一於同哈佛爭過,嗱嗱,牛津校友唔會好似一啲港大校友咁樣嚟痛駡噃,英國亦無思維不清嘅評論員痛駡Blavatnik噃。呢位俄羅斯裔富豪,自莫斯科大學畢業(照內地一啲網民思維,抵鬧,點解唔捐畀母校,竟然捐俾牛津,係俄奸),1957年生,哥倫比亞大學電腦碩士,哈佛MBA,1978年移民美國,86年回俄投資,靠俄羅斯石油發大財,現居於紐約及倫敦Kensington Palace Gardens,屬於二十年來新發財一類。牛津係九百年名牌老店,比慶祝一百歲嘅港大威猛得多,竟然接受俄羅斯新發財富豪嘅捐款,以學院冠名回報之,騎騎,冇牛津校友鬧嘅?

香樹輝呢啲硬膠,佢唔寫啲無知嘢無人話佢死嘅。呢條友講開英國嘢,仲要無知到咁,咁我無得唔回應。

1. 香校董,你知唔知人地捐錢搞個書院出嚟呢,不單有明確理念,而且呢單嘢,本來就得到主要校友支持,各校友認為咁捐錢無問題,至會成事。支持呢單嘢嘅校友,除咗依家保守黨嘅首相David Cameron,工黨果面嘅校友都支持至成事。你估中大賣書院呀。

2. 呢次Leonard Blavatnik捐俾牛津,係同牛津一向強項同傳統相配合,牛津嘅PPE(哲學、政治及經濟)學士學位全英有名,而搞School of Government係強化牛津嘅傳統強項,但係膠樽義係邊次籌錢係強化中大嘅強項,例如籌款捍衛中大嘅教學語言。我想問,膠樽義咁耐以來,除咗賣書院俾啲有錢人沽名釣譽,有做乜嘢既籌款,又尊重以至強化中大傳統,攞中大嘅硬膠籌款,同我地香港歷史最有認受性領導人,牛津校監彭定康勳爵嘅籌款比?你要幫膠樽義貼金都唔係咁嘛。中大華雲生呢啲友仔,千方百計想拆咗新亞藝術系,俾其他書院嘅人入嚟玩,呢啲危害新亞嘅嘢,你一句都無出聲,仲好意思用新亞個名嚟養馬,錢穆都激到翻生。

繼續由香樹輝呢啲市儈之徒做校董,遲早令中大蒙羞。新發財無問題,但捐錢唔該唔好咁bad taste。

後話:喺上周五廣管局嘅公聽會上,我其中一個質疑就係新城財經台果啲財經節目,主持人究竟有乜專業資格,同埋有無利益衝突,香校董有無,大家自己諗喇。

7 則迴響

Filed under 英國與歐洲, 香港政治