也談銀英傳

近日香港政壇,再有人引用銀英傳比喻今天香港政壇嘅情況,作為銀英傳嘅超級粉絲,不妨又插個嘴。

先講楊威利,大部分銀英傳擁躉都同意。楊威利除咗係勁人,仲係一個懶人,佢唔好話無政治野心,如果無必要佢都唔會惹上政治,否則佢唔會成日將幾時拎退休金掛喺嘴邊。楊威利之所以變成元帥,除咗生活嘅壓力,仲有係佢對呢個可以俾佢做番平凡人嘅環境,亦即民主主義政治嘅愛護。當大家見楊威利求婚求得幾膠果陣,都應該估到楊威利對做政客一啲興趣都無,相反幾次佢想退休都迫佢出山一戰。

同楊威利相反係特留楚西尼,呢條友為求權力,講到自已幾偉大,唔聽佢嘅個個都係賣國賊,發動埋啲不負責任戰爭,人人心雄走去打,結果個個係咁先。而銀河帝國征服自由行星同盟後,條友仲好意思留喺海尼森乞求權力,同楊威利組織楊艦隊好唔同。

談判唔係罪過,但一味扮激,不自量力搞到自己人力量大損就係罪過,用銀英傳嚟批評民主黨果啲人,應該睇清楚邊個至係特留楚西尼。

Advertisements

4 則迴響

Filed under 香港政治

4 responses to “也談銀英傳

  1. 持書者

    問題而家香港既民主派唔係 特留尼西特 這種人當道. 在哪個地方這些「野心份子」是小數的小數 (其實是影射希特拉…不過希特拉冇可能打唔過 拿破侖..另話..)

    大多數的反而是葉名琛式的
    「不戰不和不守,不死不降不走」的廢柴
    還有一大部份當社會運動係份工既人.

  2. c

    wait – who is yang wen-li in hong kong?

  3. Sam Kong

    小說之所以好看,是因為他的虛構成份
    現實生活上,絕大多數搞政治的人,
    基本上都是像特留楚西尼這些人.
    像楊威利的我暫時還沒有看過…

    (還有,雖然很難以啟齒,
    但關於你說的"那個人",
    個人覺得,與其說他像特留楚西尼,
    倒不如說他像霍克准將,可能更貼切
    (自我中心,絲毫不能接受反對意見,遇到逆他意的人或事就會失控))

  4. 新仔

    咁我對特留尼西特既理解, 又同博主有啲唔同.

    我唔認為佢係自覺偉大; 反之, 佢係貶低投票支持佢既民眾, 貶低楊威利, 貶低其他所有人. (最後, 佢因為貶低箂因哈特, 而被羅嚴塔爾所殺.)

    條友只係一條完美政治寄生蟲,乜都可以利用. 佢只係利用民意, 讚美及搧動戰爭嚟撈取政治本錢往上爬. 唔聽佢嘅個個都係賣國賊? 佢只係利用愛國心而已,因為佢根本就睇唔起愛國心.唔好忘記,佢甚至狗up一堆嘢嚟利用楊威利同佢握手,嚟增加自己既民望!

    佢係個不負責既搧動者, 而唔係發動者. 發動戰爭既係同盟市民 – 電腦計算, 只要戰爭獲得勝利, 選舉支持率就會升百份之十五!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s