Daily Archives: 九月 25, 2010

曾德成幾時忽然民生

【明報專訊】政府現正就是否申辦2023年亞運會展開為期6星期公眾諮詢,民政事局長曾德成昨日表示,短短數天已收到不少意見,當中包括反對聲音,他說反對申辦亞運的意見可歸納為兩方面,包括認為開支太大,以及應先做好民生工作。曾德成強調,不論最終是否申辦亞運,都應該要增建體育設施,又說體育發展亦是民生工作。

做乜呢啲好大喜功,除咗霍震霆呢件敗家有得威,香港人只係倒錢落鹹水海嘅項目,變咗民生項目。係喎,唔記得咗呢條hihi嘅金句,忽然民生。

原來成日忽然民生係曾局長,大家明㗎喇。

Short URL: http://wp.me/p7cGY-2Ff

1 則迴響

Filed under 香港政治

iPhone 4與工作

小弟由第一代美版iPhone用到依家,對我嚟講,iPhone唔係新嘢,只不過如果講進一步提升拜產力,我諗係iPhone 4至真係帶嚟喺工作模型上嘅大改進。

iOS本身係好強,但以往嘅iPhone,一嚟RAM太少,仲有CPU速度亦太慢,令成個用戶體驗唔多順暢。特別係iOS 4夾粗裝喺iPhone 3G,成日要行Free Memory 2.0都唔係咁盞。

但依家用1 GHz為iOS最優化嘅CPU同埋512MB RAM後,你可以好順咁做好多嘢,例如喺地鐵用Wordpress呢個App寫晒成篇blog,用Filemaker Go搜集數據,或者用Quickoffice寫稿兼交稿。

所以唔一定要有iPad至做到隨時隨地工作,用iPhone都得,甚或可能iPhone 4更符合香港嘅環境,因為喺迫人無位坐嘅港鐵車廂,iPad略嫌大咗啲。

我諗小弟好少遇上好似iPhone 4咁,咁有效率嘅工具,雖然成架地鐵好予人都揸住iPhone 4,依然一機難求。

後話︰我都有用Android,但Android喺Apps開發上仍然有待努力,同埋iPhone 4嘅Retina display對成個用戶體驗提升具關鍵作用。

我都會買iPad,但iPad更大作用喺商務用家同學生,例如減輕去做present果陣嘅負荷,或大減要㩗帶紙張文件。

6 則迴響

Filed under iPhone, Mac

也談銀英傳

近日香港政壇,再有人引用銀英傳比喻今天香港政壇嘅情況,作為銀英傳嘅超級粉絲,不妨又插個嘴。

先講楊威利,大部分銀英傳擁躉都同意。楊威利除咗係勁人,仲係一個懶人,佢唔好話無政治野心,如果無必要佢都唔會惹上政治,否則佢唔會成日將幾時拎退休金掛喺嘴邊。楊威利之所以變成元帥,除咗生活嘅壓力,仲有係佢對呢個可以俾佢做番平凡人嘅環境,亦即民主主義政治嘅愛護。當大家見楊威利求婚求得幾膠果陣,都應該估到楊威利對做政客一啲興趣都無,相反幾次佢想退休都迫佢出山一戰。

同楊威利相反係特留楚西尼,呢條友為求權力,講到自已幾偉大,唔聽佢嘅個個都係賣國賊,發動埋啲不負責任戰爭,人人心雄走去打,結果個個係咁先。而銀河帝國征服自由行星同盟後,條友仲好意思留喺海尼森乞求權力,同楊威利組織楊艦隊好唔同。

談判唔係罪過,但一味扮激,不自量力搞到自己人力量大損就係罪過,用銀英傳嚟批評民主黨果啲人,應該睇清楚邊個至係特留楚西尼。

4 則迴響

Filed under 香港政治