Daily Archives: 九月 20, 2010

亂斬一通,唔駛負責

通常喺一個政治將臨大變嘅年代,都會出現好多無厘頭嘅政治仇殺事件。繼沈旭暉一句次主權,惹嚟劉迺強呢啲友仔拎把刀亂劈廿四,花生四起之後。最近又多一單無厘頭政治仇殺事件,《明報》根據政府張圖則,就猛話毛孟靜間屋非法改變用途,咁嘅罪名成為屈入去。

今日高等法院,有關一單東大街僭健物嘅司法覆核,左一巴右一巴咁,將《明報》老總張健波果啲法盲水平顯晒出嚟

審裁小組跟進唐樓業主被指僭建露台案
[20/09 星期一 18:48]

筲箕灣東大街一幢唐樓,被屋宇署指八個單位的露台是僭建,下令拆除。其中兩名業主向高等法院提出司法覆核獲判得直,法官頒令建築物上訴審裁小組重新審理個案。審裁小組表示,會按法庭指示,作出跟進。

高院法官在判詞中指出,雖然屋宇署指,這些露台並無在圖則上顯示,亦無文件表明容許有露台,但根據入伙紙,露台是在獲得批准的情況下興建,業主有合理期望毋須拆除露台;而屋宇署的審裁小組,在未確定露台是否與大廈同步建成,就否決業主的上訴,是犯了法律上的錯誤。業主歡迎裁決,認為唐樓在上世紀五十年代落成時,已經有露台,當年政府批出入伙紙,而多年來亦無執法,要求拆除露台並不合理。

嗱,件事就係咁簡單,高等法院嘅案例係有約束力,即係咁講,毛孟靜單case己完,你當年政府硬膠無睇清楚,責任喺政府果度,唔喺小業主度,你《明報》仲追殺落去,叫做傳媒欺凌,衰過網絡欺凌十幾倍嘅嘢嚟。依家係張健波做法官,定專業人士做法官?

只不過,要清理嘅硬膠,點只《明報》一件。

話說,毛孟靜喺反駁明報果啲硬膠言論果陣,引用咗大班嘅文,鬧爆明報對地產商呃稱嘅做法理都唔理(我呢度都講過,買棵菜呃稱就拉人封艇,地產商發水就乜事都無,呢啲乜道理嚟),就惹嚟港灣豪庭一位,恨做業主立案法團主席恨到發燒,做唔到就發爛渣嘅Jason Poon,風馬牛不相及嘅email,係借機咁鬧爆毛孟靜。

只不過Jason Poon,都算得上係名震西九填海區一帶「豪宅」嘅煩膠之霸,呢條友煩到有片睇

當然呢鋪Jason Poon想借刀,藉呢次機會打擊毛孟靜,以為有番機會可以搵番佢喺「港灣豪庭」嘅「威望」,可惜係,連我呢個出入荔枝角貨倉搬貨嘅友,都知佢係乜水呢。

但香港就係成街有啲煩膠,亂斬一通,唔駛負責,否則點會呢個世界咁膠至得架。

Short URL: http://wp.me/p7cGY-2Et

2 則迴響

Filed under 香港政治