Daily Archives: 九月 18, 2010

發展局班友識唔識交通架

發展局指政府總部西座改建方案回應了訴求
17/09/2010 1:54PM

政府總部明年底遷往添馬艦新總部大樓後, 現有的政府總部建築群中, 中座和東座會保留作律政司辦公室, 西座的保育價值較低 , 就會改建為休憩用地 , 及發展寫字樓, 政府會進行兩個月的諮詢.

政府建議, 西座東面的六千八百平方米用地 , 發展為公眾休憩地帶 , 十一棵古樹名木會保留 , 並提供空中花園等休憩設施 .

西面用地就會興建三十二層高的甲級寫字樓, 總樓面面積約四萬二千平方米, 會興建行人天橋接駁皇后大道中的商業大廈 , 形成行人道路網.

三十二層樓甲級寫字樓,簡直係製造中環災難。

1. 我唔知雪廠街點擴展為三線,係成條擴展,定只係擴展皇后大道中以南果段,但如果只係做皇后大道中以南,咁樽頸位出咗喺本來就塞爆嘅皇后大道中,咁無用。如果擴埋以北路段,咁雪廠街果幾幢商業大廈係拆唔拆得?

2. 根本羅便臣道班友係用唔到政府總部行人通道疏導交通,但商業大廈引嚟大量車流去下亞厘畢道同雪廠街,到時唔亂到七彩就奇。

所以保留成為中區政府合署,做維多利亞城博物館最好,又唔會影響交通,又方便到大家,而中區政府合署果幾百個車位又重見天日,又做到保育,一舉n得。我唔知邊個地產商,咁猴擒催政府拆咗政府合署西座,大家估吓。

Short URL: http://wp.me/p7cGY-2E5

4 則迴響

Filed under 香港政治, 財經

呢鋪胡錦濤真大鑊

今日 9.18事變 79周年,反日怒潮席捲神州,在上海今早有數十名示威者到日本駐當地總領事館外示威,其後聚集人數越來越多,公安於是派出大型旅遊巴泊在主要路口,阻擋示威群眾接近大使館,被示威者喝倒彩,直斥公安行為可恥。

有示威者表示,公安的行徑令他對政府感到失望,更送「外交缺鈣、國防陽萎」八字真言給中央政府;亦有示威者表示今日之所以上街表達憤慨,是「毋忘國恥、匹夫有責」。

玩民族主義,唔係人人玩得起,你玩得呢樣嘢,係真係要做嘢,唔可以得把口,否則民眾好快會問候你娘親。

由於有台灣「阿扁標準」在前,陳水扁維護台灣主權係講得出做得到,所以馬英九呢次侷住要派海巡署艦隻同日方對峙,依家公安為咗保護日本使館拉人,你估中國班友諗起乜?無話你胡錦濤搞汪精衛政權,用外交缺鈣,國防陽萎己經好俾面你。

我可以睇到,呢次釣魚台事件,係中共最後一根稻草,當民族主義都不可恃時,呢個政權只剩番赤裸裸嘅暴力。

Short URL: http://wp.me/p7cGY-2E2

5 則迴響

Filed under 中國政治