Daily Archives: 九月 16, 2010

薩爾科齊呢鋪玩出硬膠嚟

法國近排驅逐吉卜賽人,好似唔關香港人事,事實上,歐盟對法國採取行動,結果有可能會影響喺英國、愛爾蘭以外,歐盟公民嘅自由權利去到邊度。

如果喺歐盟東擴前,法國點驅逐吉卜賽人都無人理佢,因為呢班友唔係歐盟公民,咁法國要行點嘅移民政策,係法國佬嘅決定,但依家法國佬喺錯誤嘅時間驅逐吉卜賽人,因為吉卜賽人好多係揸羅馬尼亞、匈牙利、斯洛伐克、捷克、斯洛文尼亞嘅護照,簡單嚟講,呢班友全部都係歐盟公民。除非有具體理由,如果法國政府唔俾佢地履行自由遷徒權利,除咗種族歧視,無其他解釋,即係違反《歐盟基本權利憲章》,咁嘅結果就係歐洲法院見。所以呢鋪歐盟將法國擺上歐洲法院,真係花生可期。薩爾科齊玩膠玩到過晒火,上咗位係無人可憐佢。

所以呢鋪薩爾科齊係玩出硬膠出嚟,因為今時唔同往日,所以英國移民政策,英國有幾多人疑歐都好,都唔敢喺歐盟公民進入英國權利上挑機(包括成功喺歐洲本土有效履行歐盟公民權利,而持BN(O)人士),因為呢一點係無得傾。如果呢鋪確立咗歐盟公民喺另一個歐盟成員國被驅逐嘅標準,咁樣,會澄清好多歐盟公民基本權利相關嘅問題。

當然,呢鋪英國唔知點出聲,因為一幫法國即刻被人追數,咁最好都係唔出聲。

Short URL: http://wp.me/p7cGY-2DV

12 則迴響

Filed under 英國與歐洲

商台同新城續牌公聽會

廣播事務管理局(廣管局)將就香港商業廣播有限公司及新城廣播有限公司的牌照,進行中期檢討。為這次檢討,廣管局將舉行公聽會,詳情如下:

日期: 2010年9月24 日(星期五)
時間: 晚上7至9時
地點: 柴灣柴灣道238號
青年廣場Y劇場
2010年9月16日起接受留座

六年前續牌果陣,我正喺商台做緊,依家中期檢討,小弟將以前商台員工身份反對續牌。各位有意出席,請電2594 5926,因為啲位都無得幾快吓(我個編號都A318,應該果位土共同反商台人士對峙)

Short URL: http://wp.me/p7cGY-2DS

1 則迴響

Filed under 香港政治, 傳媒