適當控制樓市只不過是財經常識

王文彥:遏抑樓價,亂世要用重典
黃世澤:花招難遏樓市 定期賣地解困

1. 依家係唔可以俾樓市繼續黐線落去,除咗政治問題,更大問題係銀行有毒資產問題。我唔知金管局有無做Stress Test,但依家批出嚟嘅樓按,好大機會會變成有毒資產。所以,我反對依家政府資助年青人買樓,呢個除咗火上加油,仲隨時搞出史上最大嘅大頭佛出嚟,呢個係識財經同地產嘅友仔嘅常識。要解決問題,正如我所講,有轉讓限制「社會房屋」仲實際。王文彥講嘅Stress Test,就係要制止泡沫變成有毒資產,呢個至係真正問題,納稅人不應該為有人搞出硬膠而埋單,但銀行爆煲擺明係「人質脅持事件」嚟,納稅人最後侷住救銀行。

2. 王文彥講嘅恢復定期拍賣,都係財經界嘅常識,我唔明點解政府堅持勾地制,唯一解釋係政府不顧一切維持泡沫,直至曾蔭權落任為止。小弟對呢種擺明為咗官商勾結嘅政府干預,最為痛恨。

3. 王文彥提出嘅澳洲模式,小弟唔認同,小弟認為要阻截,係果啲炒貴香港樓嚟換香港身份證嘅中國高官,呢種黑錢係邊度都唔受歡迎,至於唔係換身份證嘅資金,我地管唔到,亦唔應該管。

4. 當然聯繫匯率,小弟唔贊成廢除,因為暫時未有比美金更穩健嘅儲備貨幣,香港改為金本位或銀本位制,絕對要時間準備。

5. 只不過,由政府傳聞有意資助人「上車」嚟睇,喺地產商壓力下,政府係唔會俾泡沫爆破,亦即係咁講,依家你仲投資香港房地產,你嘅政治風險高到離晒譜,有乜冬瓜豆腐係無人可憐你嘅。地產同財經界有識之士,都知依家膠得差唔多。我依家連居屋都唔贊成起(都係果句,Stress Test唔會過到關),好可能依家最實際係大起公屋,然後搵機會搞租者有其屋。

Short URL: http://wp.me/p7cGY-2DA

Advertisements

4 則迴響

Filed under 香港政治, 財經

4 responses to “適當控制樓市只不過是財經常識

  1. Bankers' Arms

    回歸銀本位制? 即宋子文1935年推出法幣之前的制度?! 願聞其詳? 金銀本位或聯匯使一個地區無貨幣政策可言, 將自己調控貨幣供應的大權拱手讓出, 這是當年身處政治風險奇高, 和要執夏鼎基留下的蘇州屎之下, 彭勵治無可奈何之計

  2. Bankers' Arms

    進一步立法規範住宅售賣方式倒是十分值得做! 1)發展商只能以達90% efficiency的lettable area出售房屋, 2)刑事化意圖詐騙出售/租公共空間/或虛假陳述, 3)示範單位現場可供拍照/清水房與真實相符, 4) 公報直屬/員工交易資料, 5) 簡化印花稅 10m以上一律收取6%, 6) 禁止摸貨 7) 商場/公共空間業權份數不得超過屋苑總值的一半

  3. 新仔

    最大問題係, 如果 stress test “渣"得緊, 市民又唔支持架喎; 老實講, 好多人見個市係咁升就死都想入市, 萬一過一兩年都"無事", 政府又會俾人鬧 – 點解渣得咁緊唔俾市民上車?

    至於金本位, 乜唔係話黃金產量跟唔上, 所以唔可行嗎?

  4. Bankers' Arms

    銀本位既禍害, 係1930年初既中國為禍甚廣, 所以才有後來宋子文係英美支持下的法幣改革; 今時今日最多都係講重回Bretton Woods固定相對匯率制度, 而唔係回歸金/銀本位; 呢D野一定要全球統一去做, 如果淨係香港做銀本位咁on9, 香港就會重複前人既錯誤, 唔嚇死都笑死!

    值得一提既係, 香港係1935年前都係銀本位, 直到南京政府廢銀改元推行浮動法幣制度之後, 香港跟隨中央改制, 不過是與英鎊掛鈎, 成員英鎊區既一員; 可見南京政府自1927年北伐成功定都建府之後, 已經能夠對區內(包括香港)有足夠的影響力, 當然最具benchmark既係1948年銀行條例, 是在南京政府迫令下修定

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s