Daily Archives: 九月 13, 2010

為乾燥天氣做準備

下周便是中秋,中秋過後,一般除了轉涼,隨來自北方乾燥空氣吹入,首先鼻敏感發作機會大升,另一方面,皮膚乾燥問題又回來了。

小弟建議現在便可以準備入貨,首先,現時不少藥粧店願意提供折扣,另一方面,今年中秋後剛好中國國慶黃金週,你想在香港擠在屈臣氏或萬寧嗎?我就沒有這個興趣。

對有小弟類似皮膚奇乾問題的朋友,小弟一般推薦三款唇膏,分別是凡士林(Vaseline Petroleum Jelly,嫌黃色樽裝不易攜帶兼用唔晒,就買黃色小枝裝專為潤唇而設,不是Intensive Care,在萬寧找到,也是最便宜的方案),要嘛SebaMed嘅潤唇膏(萬寧有,但美康入埋會後價錢比較抵),要嘛我自己在用,Aveeno Essential Moisture。我自己是自行找人入Aveeno Essential Moisture。

至於Hand Cream,男士是可以用無香料嘅Hand Cream,對天氣比較乾時,Neutrogena嘅甘油Hand Cream當然無敵,睡時可以用Vaseline Petroleum Jelly取代,不怎樣乾時,小弟會用Aveeno Baby Soothing Relief Moisture Cream取代,因為適合敏感皮膚,而且對大人而言,不會太潤。但最平的方法,一定係成街都買到的Vaseline Petroleum Jelly,只不過這不補充水分就是。

對男士而言,天氣乾燥擦潤唇膏和Hand Cream,不是姿整,而是避免皮膚不必要受傷。當然現時有些男士姿整得可能有點過火,但最基本的防護也是必要。住過北美等地,應該不難明白我講什麼了。

Short URL: http://wp.me/p7cGY-2Di

後話:有意團購Aveeno的,可以留聯絡方法到martinoeireader at gmail.com給小弟,小弟會跟進,論方便,可以自己去HealthQuest買。

1 則迴響

Filed under 健康

馬英九才勉強做到「阿扁標準」

小弟今日至講過,史上最強嘅保釣分子叫陳水扁,所以,台灣官方要保釣,至少要做到阿扁嘅標準,至可以算數。

依家台灣唔俾香港過去嘅長毛、阿牛(CCTVB唔講長毛個名,叫袁志偉條仆街跳海吧)出海,但派海巡署艦艇保護台灣嘅保釣人士,呢個係合理做法,因為香港過去嘅,如果揸枝五星旗上去釣魚台,上去台灣領土宣示中國主權?咪硬膠喇,下鋪搵位喺台灣有戶籍嘅香港人過去代表香港喇,無戶籍果啲係無計。

依家睇台灣海巡署,會唔會做番齣好戲。阿扁係算台灣領土嘅,佢一個都唔放過,所以阿扁多次親赴原屬廣東,依家劃咗入高雄直轄市嘅東沙視察,喺釣魚台丈量土地,編劃郵區全部都係游錫堃做行政院長果陣搞嘅。如果阿扁做得到,馬英九做唔到,咁叫馬生下屆選舉佢自己摺埋好過嘞。

Short URL: http://wp.me/p7cGY-2Df

5 則迴響

Filed under 台灣政治

依家只係小菜一碟

商台:男子中區禮賓府外持天拿水企圖自焚遭制止

如果我係特首,一定嚇到腳軟。

我好早講過,香港咁玩落法遲早玩到法國大革命重演,到時就人人聽膠永不落空,上面班友當然當我發嗡風。依家真係有人玩到自焚,依家日日有成打雷曼苦主喺啲銀行門口大嗌大叫,甚至搞到各大銀行保安都怕咗佢地。如果呢班友玩啲勁嘢嚟,或者紫田村、菜園村玩出膠嚟,又或者出咗件類似徐步高嘅物體,甚至有啲年青人覺得太絕望,真係玩鋪勁,你估會點?

依家只係小菜一碟,有啲更勁嘅嘢,我都唔知幾時出現。

Short URL: http://wp.me/p7cGY-2Dc

3 則迴響

Filed under 香港政治