宗教極端分子都是恐怖分子

今日是九一一紀念日,小弟不會在九一一當天反美,或反對回教,因為兩種想法都反映,這些人不知九一一的歷史教訓是什麼。

九一一給人類的教訓是,任何宗教極端分子,都是對人類文明的最大威脅,必須加以制止。因此,美國有牧師要燒可蘭經,這位牧師應該當成恐怖分子處理。同樣道理,將伊朗列為恐怖主義國家,小弟絕不反對,伊朗的國家領導人,都應當成恐怖分子來逮捕。

營救Sakineh Mohammadi Ashtiani運動

伊朗那些不知所謂的所謂回教教士,用他們極度硬膠所謂可蘭經詮釋,打算亂石擲死Sakineh Mohammadi Ashtiani,呢班亂咁詮釋回教嘅友仔,究竟係人定係魔鬼,果啲成日鬧美國係帝國主義嘅友仔,唔該睇清楚邊啲至係人類文明嘅敵人?小弟唔仇視回教,但亂咁詮釋回教同基督教嘅神棍,大家都應該正視。

所以,小弟對明光社全無好感,佢地嘅作為同拉登,我想問有乜分別?極端嘅回教徒,同極端嘅基督徒,有無拎槍都係威脅人類文明,天下烏鴉一樣黑。

Short URL: http://wp.me/p7cGY-2CW

廣告

20 則迴響

Filed under 宗教

20 responses to “宗教極端分子都是恐怖分子

  1. Wrightbus

    「人的怒氣並不成就神的義」呀,與其燒可蘭經去挑機,不如諗下點樣有效咁傳揚福音,叫多d人得救仲好啦

  2. echykr

    Only deluded fanatics need to wage Crusades and Jihads against anyone they dislike.

  3. dbdb

    一線差,看看霍金在教宗訪英前說創造關上帝差事?我會覺得霍金站在學術的高度說話,強調理性的必要,有如此態度就不會亂燒人掃簿;燒人掃簿就不是教會了,根本是搞事份子了,有人跟真是難解…….

  4. rseric

    極端的民族主義,也是種宗教狂熱,與恐怖主義無異。

  5. nightingalelin

    最可悲的係,佢地係社會的高層。有班硬膠仍然走去愛國,唔係愛文化,愛屋企人,愛兄弟戈隻,而係齋愛土地戈隻。個長官意志已經幫佢思考晒所有問題。

    班廢人都係宣傳依種邪惡意識。"我地要真主的國,就要聽我的命令,因為我都係愛真主的國。即使我違背真主的教訓,都係因為你唔夠忠心"

  6. i

    齊瓦歌醫教落,生命同生活至係真實0既

  7. “宗教極端分子都是恐怖分子" 我有同感.
    但將伊朗列為恐怖主義國家,我不認同. 這只是美國的國家利益. 我認識的伊朗質量專家都很理性. 不可以把一些恐怖分子的行為加於國家身上. 這犯了不充分的謬誤 (以偏概全).

    “伊朗的國家領導人,都應當成恐怖分子來逮捕。" 為什麼?

  8. alvin

    Quality Alchemist – 唔好將國家/政權(state)同民族(nation)混淆﹐我絕對信伊朗有好理性嘅專家同科學家﹐但伊朗個政權一D都唔理性﹐伊朗大力資助Hamas同Hezbollah兩個恐怖主義組織﹐咁伊朗點解唔係恐怖主義國家。

  9. Skywalker

    以個人認識既極少數目人士, 去否定一個政權/國家其過往及現在均積極推廣及奉行恐怖主義既赤裸裸事實, 這才是"以偏概全"

    @ Martin, 雖然我作為一名信主多年並已受浸21載既基督徒, 都對明光社既所作所為十分十分不滿; 但仍覺將佢地同拉登相提並論是不適合的.

  10. 嗰個要燒可蘭經嘅牧師 Pastor Terry Jones﹐只不過想出位﹑抽水而已。

    燒可蘭經背後﹐係因為有回教領袖要喺世貿遺址附近起一座回教社區中心連清真寺﹐用阿爺嘅辭囊﹐就係嚴重傷害美國人民嘅感情。唔好唔記得﹐好多世貿九一一恐襲嘅死者連屍骸都揾唔到﹐就咁葬身喺世貿遺址入面﹐喺世貿遺址附近起清真寺﹐根本就係征服者插旗行為。但偏偏自由左派就用憲法入面嘅宗教自由為回教領袖護航﹐咁你有宗教自由我亦有宗教自由﹑言論自由﹐燒可蘭經亦有言論自由保護﹐所以先有出位牧師威脅咁做。出位牧師唔係真係要燒可蘭經﹐而係要迫回教領袖收回世貿遺址附近起清真寺嘅計劃。

    燒可蘭經炒到咁熱﹐其實係左傾傳媒推波助瀾﹐想突顯右派嘅intolerant﹐但成件事突顯咗嘅反而係自由左派嘅懦弱。清真寺可以起﹐但唔需要喺最有挑釁性嘅地方起﹐況且紐約市已有唔少清真寺啦﹐根本就同宗教自由無關。

    你想感同身受﹐就幻想下喺南京起大大座日本神社﹐你會點諗?

  11. 麥當勞

    絕對支持燒可蘭經,伊斯蘭律法有違人性,根本無理由在世界立足。燒可蘭經與燒法西斯旗應該看齊,都是言論自由的重要部分。

  12. one

    成件事根本就係班左仔戇鳩,成日就話要尊重少數族群/回教徒感受,但大部分人嘅感受又需唔需要尊重呢??我覺得呢挺左仔直頭係賣國賊。我就唔信呢班左仔唔知每日有幾多回教徒燒聖經、仲話要殺晒啲耶教徒呢?呢種事喺回教國家根本係家常便飯,所以完全唔洗客氣。每次遇到呢種moral relativism 嘅左仔,一定要口誅筆伐,絕不可以姑息。

  13. one

    呢種左仔令人討厭嘅就係佢地言論行事完全違背常識,一切都以自己脫離現實嘅烏托邦理論黎強加於大眾身上,全為自我感覺良好,正垃圾。

  14. 新仔

    呢座清真寺係唔可以俾佢起既, 唔駛用腦都諗到, 呢座嘢起咗一定會有好多政治問題同好多保安問題, 日日都有人去放火都似! 實大把衝突! 而且學 alvin 話齋, 有征服者插旗既意義響裏頭, 對死難者非常不敬.

    但唔代表我讚成用燒可蘭經呢啲手法. 即係如果下次我反對天主教神父雞姦小朋友, 我又吓吓燒聖經都無問題?

    其實響遺址既用途上, 俾多啲話事權死難者家屬就乜事都無.

  15. 如果擔心燒可蘭經會觸怒回教徒﹐或再唔敢做逆回教徒意旨嘅嘢﹐咁打著回教原教旨主義做旗號嘅恐怖主義就贏晒。

  16. c

    that’s your choice
    if you actually read it and you understand it

  17. 上面都有好多極右啦

  18. 陳君

    所言甚是。

    名已簽。

  19. 認同alvin “喺南京起大大座日本神社" 呢個例子, 支持起回教徙社區中心跟本就係人地傷口上界多刀, 呢個已經唔係宗教自由既問題, 而係跟本無為人著想

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s