Daily Archives: 九月 11, 2010

宗教極端分子都是恐怖分子

今日是九一一紀念日,小弟不會在九一一當天反美,或反對回教,因為兩種想法都反映,這些人不知九一一的歷史教訓是什麼。

九一一給人類的教訓是,任何宗教極端分子,都是對人類文明的最大威脅,必須加以制止。因此,美國有牧師要燒可蘭經,這位牧師應該當成恐怖分子處理。同樣道理,將伊朗列為恐怖主義國家,小弟絕不反對,伊朗的國家領導人,都應當成恐怖分子來逮捕。

營救Sakineh Mohammadi Ashtiani運動

伊朗那些不知所謂的所謂回教教士,用他們極度硬膠所謂可蘭經詮釋,打算亂石擲死Sakineh Mohammadi Ashtiani,呢班亂咁詮釋回教嘅友仔,究竟係人定係魔鬼,果啲成日鬧美國係帝國主義嘅友仔,唔該睇清楚邊啲至係人類文明嘅敵人?小弟唔仇視回教,但亂咁詮釋回教同基督教嘅神棍,大家都應該正視。

所以,小弟對明光社全無好感,佢地嘅作為同拉登,我想問有乜分別?極端嘅回教徒,同極端嘅基督徒,有無拎槍都係威脅人類文明,天下烏鴉一樣黑。

Short URL: http://wp.me/p7cGY-2CW

20 則迴響

Filed under 宗教

喺豐澤買iPad?你買埋我果份

由於小弟實在頂唔順拎住部Macbook Pro周街走嘅局面,練力唔錯,就體能消耗比較大,所以小弟最終都係物色一部iPad,唔等十一月出iOS 4.2。

四圍無貨係預咗,但銅鑼灣皇室堡同太古城豐澤竟然有貨,既然係咁,就走去皇室堡問。

點知就係一肚氣,豐澤班硬膠話要我買兩件總值五百蚊嘅配件,呢啲綑綁式銷售係乜道理嚟?呢啲做生意手法,同先達果班膠人有乜分別?仲要衰到iPad駁數碼相機同SD Card配件無晒,仲要皇室堡豐澤班友寸到無倫,完全唔認為我投訴會有效。

好,我就唔俾生意你地班hihi做,我之後自己喺Apple Store落order算。呢個己經唔係錢銀問題,係唔好縱容奸商嘅問題。

喺豐澤買iPad?你買埋我果份喇,呢啲公司,一蚊都唔益佢。

Short URL: http://wp.me/p7cGY-2CU

8 則迴響

Filed under 香港政治

膠騰華,你傻架,加重依賴核電

核 電 擬 取 代 燃 煤 發 電   邱 騰 華 稱 對 電 費 影 響 言 之 尚 早
2010-09-11 HKT 12:37

政 府 建 議 , 10 年 後 大 幅 增 加 核 電 發 電 比 例 至 五 成 , 天 然 氣 則 佔 4 成 , 取 代 燃 煤 為 主 要 發 電 燃 料 。
對 於 核 電 及 天 然 氣 成 本 較 高 , 環 境 局 局 長 邱 騰 華 表 示 , 現 時 評 估 對 電 費 的 影 響 言 之 尚 早 , 政 府 會 同 時 提 升 建 築 物 節 能 效 益 , 市 民 可 以 因 此 節 省 電 費 。

如果香港唔係咁人口密集,中國嘅核電運作安全度可以同法國揮,兼且中國有西方國家咁嘅新聞自由,無問題,可以加強依賴核電,核廢料問題依家未解決到,但我相信未來可以透過運到外太空解決(當然依家火箭技術可靠度,未容許咁做)。

只不過之前大亞灣嘅事故,香港傳媒無乜點報,班所謂核電廠諮詢委員完全唔同公眾問責,而且中國核電營運透明度完全係一個謎,依賴核電,你攞香港人條命嚟賭?佢黐線架?

香港可以做,係加強依賴有效益嘅太陽能同風力發電系統,例如大廈天台同幕牆拎嚟做發電嘅,會得到一定差餉或地租上嘅優惠。但核電,唔好意思,呢個唔係option。

Short URL: http://wp.me/p7cGY-2CR

2 則迴響

Filed under 香港政治