特膠政府民望隨時打回原形

繆美詩:仙股與毫股

呢度有睇開財經,都知Rachel想講乜,無錯,係曾蔭權去到仙股級嘅民望。一有呢啲大災難,仙股級領導人,會做住一陣毫子股級嘅人馬。

Bush: Job Ratings

同董建華並列為硬膠級領導人嘅小布殊,大家睇ABC同華盛頓郵報嘅民調,佢911前嘅民望係55%,911後民望就暴升,一路升到92%,但去到03年己經打回原形,而颶風Katrina之後,小布殊嘅民望唔只仙股級,直頭係Junk級。

而未來曾蔭權,有可能死得更快,因為成堆地雷等緊佢:

1. 政改本地立法(土共一定玩嘢,大家睇文匯報篇膠文應該參透到玄機)
2. 最低工資(出28元嘅話,祝曾爵士好運)
3. 香港電台問題(黃華麒倒米能力高到極點)
4. 中國嘅傳染病
5. 樓價問題

仲未計中國會唔會搞出啲騎呢突發事件出嚟,例如好似沙士咁嘅災難。所以唔好鬆毛鬆翼住,曾爵士嘅處境比小布殊仲膠。況且呢鋪因為阿基諾三世同中國外交人員都太膠,所以曾爵士呢位受過英國訓練嘅官員,突然變得好英明咁解,正所謂一膠還有一膠硬。

Short URL: http://wp.me/p7cGY-2Cx

16 則迴響

Filed under 香港政治

16 responses to “特膠政府民望隨時打回原形

  1. alvin

    唔睇翻都唔記得小布殊嘅民望到Katrina之後先跌到 low 40’s。依家奧巴馬上任年半已經跌到 low 40’s﹐如果小布殊係Junk級﹐咁奧巴馬又係乜級呢?

  2. Joel

    "咁奧巴馬又係乜級呢?"

    alvin兄,唔好為難人啦,呢啲inconvenient truth歐陸派係當盲咗睇唔到咁架。

  3. martinoei 黃世澤

    雷曼級,衰過Junk,用嚟賭CDS

  4. aLeX

    佢, 都可能知道做CE 係咁ga la

    p.s. 用Peoples 會上唔到黎呢度….

  5. Sam Kong

    對美國人來講,
    911固然係災難,
    但更大既災難係小布殊因為呢單野民望高漲,
    令佢有機會在04年連任,
    導致佢有多4年時間搞破壞

    如果煲呔持住自己現在有高民意,
    就胡作非為,
    咁最終受害既只會係香港市民

  6. Bankers' Arms

    goldman boys惹禍lor! 尤其係hank paulson, 係裙帶資本主義惹既禍… 係LDN, 法國佬楂莊, 又係裙帶! 係hkg, 英美畢業半唐番/鬼佬 vs local, 通常都係local輸! 呢d crony capitalism, d main street人好厭惡, 睇黎obama都搞佢地唔掂, 係既有乜理由goldman淨係賠5億?!

  7. 小P

    但唔好忘記,煲呔嘅位係欽點佢坐,小布殊係民選佢坐,兩者心態可以好唔同。

    再者,我唔覺得煲呔嘅民望有高返,只係香港人因為被人質事件刮醒,大是大非之下團結一致,逼使政府要做D野,先至有如今叫做「似返D樣」,否則人地覺得佢係廢嘅(致電二世祖已經原形畢露)。

  8. alvin

    Sam Kong – 小布殊第二任搞嘅破壞﹐肯定比奧巴馬過去年半搞嘅破壞小。

    次按風暴唔好賴晒小布殊﹐主要係民主黨搞出嚟嘅蘇州屎﹐冇民主黨逼銀行借錢俾窮人/少數族裔買樓﹐華爾街大鱷更神化都冇可能整塌個市﹐華爾街大鱷頂多係幫兇﹐民主黨先係元兇。

    至於Katrina﹐小布殊處理手法點差都差唔過奧巴馬處理鑽油台爆炸漏油事件。

    奧巴馬除咗搞分化叻﹐搞階級鬥爭叻﹐其他真係冇樣掂。

    奧巴馬搞醫療改革﹐為搞而搞﹐越搞越衰﹐最終破壞力會比小布殊做過嘅任何野大。民主黨想搞醫療改革想咗幾十年﹐但法案通過之後民主黨喺中期選舉連提都唔敢提﹐咁你可以想像改革係幾失敗。

    當然﹐如果你本身反美﹐咁奧巴馬肯定係你嘅聖人﹑英雄﹐因為比奧巴馬做多一屆﹐美國會俾奧巴馬搞塌。

  9. martinoei 黃世澤

    To Alvin:

    奧巴馬根本只識做show,乜實質改革都無做過,所以我評佢係雷曼級。

    但共和黨,唔好同我講出佩林條友,呢條友一樣唔掂。

  10. alvin

    Sarah Palin 應該唔會跑出﹐我反而想睇 Hilary Clinton 會唔會初選出嚟同奧巴馬鬥多次。近幾個月 Hilary 陣營已經開始有小動作﹐如果民主黨中期選舉輸得比預期仲樣衰(眾議院已打定輸數﹐但可能連參議院都輸埋)﹐ Hilary 反檯機會唔細。另有說法係奧巴馬會揾籍口唔爭取連任﹐做一屆就算﹐因為佢面皮薄輸唔起。

  11. michigan_8_mile_road

    我之前講過, 如果兜口兜面送個小丑神像比奧巴馬, 佢有咩反應, 之後呢度有人講, 就算比你送到個神像到佢手, 奧巴馬既支持者 (大學生?? 我唔肯定) 會將你五馬分屍, 佢地只係好似食左"搖頭丸" 話 yes, we can!

    NO, we CAN’T !

    醫療改革, 780 億救市, 其實唔做好過做, 醫療改革既問題, 上面既讀者已經提及, 果 780 億用左, 點解失業率仲係接近 10%??

    我呢一刻仲未係真正既美國公民, 但係我看到既係, 美國政府同香港政府都係半斤八兩, 美國既 “八十後" 對政治同經濟既認識, 同香港既差唔多

    另外我想問, 比你地揀, 你地會留係香港, 定係跑去美國 (呢個係我既情況, 3 個月後我就會拿到綠卡)

  12. alvin

    To michigan_8_mile_road –
    780 億救市唔 work 係因為 Keynesian economics 本身試過幾次都唔 work﹐但梗有一班左仔學院派死心不息﹐每隔40年左右(30年代﹑70年代﹑依家)就好似冤魂不散咁搞你一次。

    Keynesian 好鍾意吹捧公共開支嘅 multiplier effect﹐即係政府用一蚊所得嘅經濟效益超過一蚊﹐但 Keynesian 永遠唔會理嗰一蚊點嚟﹐查實政府唔識賺錢﹐收入一係靠徵稅﹐一係靠舉債﹐政府多用一蚊﹐即係private sector少一蚊用﹐此消彼長﹐真正嘅multiplier 往往細過1﹐唔見咗嘅錢就係用咗嚟養官僚。

  13. KMB59

    『美國既「八十後」對政治同經濟既認識,同香港既差唔多』
    都是左傾?

  14. 話美國嘅「八十後」左傾﹐不如話佢哋大部分有過多sense of entitlement﹐佢哋認同左派嗰套財富再分配﹐主要係因為佢哋係「受」嗰個﹐唔係「施」嗰個。

  15. michigan_8_mile_road

    @alvin

    美國既「八十後」係未左傾, 點樣睇得出?

    你講既係 “sense of entitlement" 係未好似香港d 「八十後」咁, 物質享受都係屋企人比既, 完全唔想下要爭取返來?

  16. michigan_8_mile_road:

    Sense of Entitlement﹐唔係物質享受嗰種﹐其實好難用中文解釋(或者我中文差)﹐不如你 google下。

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s