Daily Archives: 九月 10, 2010

不變的人情味

很坦白,小弟不大喜歡大班冰皮月餅的廣告,什麼咪當人老餅,有時候,在傳統的節目,繁文俗節應該簡約,但世代流傳的口味,不應被隨便否定。

台灣新東陽今年的中秋廣式(粵式)月餅廣告,最令人感受到這點,平面廣告的口號更直接:「由小吃到大,不變的中秋味。」一切盡在不言中。月餅可以創新,但無必要標奇立異,或否定傳統口味。小弟在台灣捷運看到新東陽的廣告時,感受甚深。

在吃這方面,小弟有欣賞傳統手藝的理由。

Short URL: http://wp.me/p7cGY-2CN

4 則迴響

Filed under 台灣政治

南洋人點解對中國移民咁有意見?

睇呢場新加坡足球聯賽賽事咪知點解,北京國安喺新加坡打新加坡足球聯賽,連埋中國職業足球踢人唔踢波果套都帶埋嚟,你估新加坡人唔敢同你開拖。

以往,新加坡足球聯賽邊度搞到變成群揪大會咁膠架。

Short URL: http://wp.me/p7cGY-2CK

1 則迴響

Filed under 南洋政治, 中國政治

明報社論主筆,咪硬膠喇

毛孟靜:僭建改建是誰的責任?

《明報》社論咁鍾意玩膠,我呢位恆基樓頂樓嘅前小業主,就不妨玩埋一份。

小弟以前住果度,係恆基發展嘅樓,恆基嘅樓有樣嘢好過癮,就係頂樓全部唔入政府圖則,發展商靜雞雞起多層賣,我以前住果頭仲要連天台嘅添。如果照《明報》嘅邏輯,我想問,係四叔唔啱,定係我呢個做咗天台屋業主都唔知嘅傻佬唔啱咁?除咗恆基,華懋嘅樓,都有呢個問題,如果你住係華懋或者恆基嘅樓,你不妨查下入政府張圖則,同你依家實際住嘅有乜分別。

照林忌講,《明報》不如呼籲政府立條例,當份起埋啲無入則單位嘅發展商,要用依家個市價買咗個單位,然後依照原來圖則拆咗果啲單位佢,你睇政府聽唔聽你講。如果政府肯立條咁嘅例,我相信無喇喇做咗「天台屋」業主都唔知嘅傻佬,會好樂意交番個單位出嚟。

Short URL: http://wp.me/p7cGY-2CH

1 則迴響

Filed under 香港政治, 財經

廣管局終於打算對CCTVB採取行動

廣管局查電視廣播涉反競爭
(明報)2010年9月10日 星期五 17:15

廣管局決定就電視廣播涉嫌濫用支配優勢,從事反競爭行為的投訴,展開全面調查。

廣管局考慮了初步調查的結果及獨立顧問的意見後,決定對有關投訴展開全面調查,而廣管局會要求持牌人及其他相關人士提供進一步的資料,以便廣管局對投訴作出最終裁決。

唔好雷聲大,雨點小就得。

呢個問題,次次有機會見到HKBA嘅人,都會問查成點,依家廣管局做咗初步調查,終於準備全面郁手,呢個係好事嚟,依家期望各位,提供CCTVB亂嚟嘅證據,最終可以阻止CCTVB亂咁嚟。

Short URL: http://wp.me/p7cGY-2CE

6 則迴響

Filed under 香港政治, 傳媒

特膠政府民望隨時打回原形

繆美詩:仙股與毫股

呢度有睇開財經,都知Rachel想講乜,無錯,係曾蔭權去到仙股級嘅民望。一有呢啲大災難,仙股級領導人,會做住一陣毫子股級嘅人馬。

Bush: Job Ratings

同董建華並列為硬膠級領導人嘅小布殊,大家睇ABC同華盛頓郵報嘅民調,佢911前嘅民望係55%,911後民望就暴升,一路升到92%,但去到03年己經打回原形,而颶風Katrina之後,小布殊嘅民望唔只仙股級,直頭係Junk級。

而未來曾蔭權,有可能死得更快,因為成堆地雷等緊佢:

1. 政改本地立法(土共一定玩嘢,大家睇文匯報篇膠文應該參透到玄機)
2. 最低工資(出28元嘅話,祝曾爵士好運)
3. 香港電台問題(黃華麒倒米能力高到極點)
4. 中國嘅傳染病
5. 樓價問題

仲未計中國會唔會搞出啲騎呢突發事件出嚟,例如好似沙士咁嘅災難。所以唔好鬆毛鬆翼住,曾爵士嘅處境比小布殊仲膠。況且呢鋪因為阿基諾三世同中國外交人員都太膠,所以曾爵士呢位受過英國訓練嘅官員,突然變得好英明咁解,正所謂一膠還有一膠硬。

Short URL: http://wp.me/p7cGY-2Cx

16 則迴響

Filed under 香港政治