Daily Archives: 九月 9, 2010

清君側行動

中大學生會:反對盲目推行「大類招生」政策,促沈祖堯及華雲生公開交代詳情

小弟相信,沈祖堯對成件事,知道唔係咁多,因為大家都知中大真係擁有實權嘅,係膠樽義年代嘅權臣華雲生教授,呢條友喺推動中大學店化,不遺餘力。

依家中大己經出現膠樽年代遺留嘅膠事,華雲生等權臣擺明弄權,唔理咁多,照行可也

1. 中大校友評議會常委空缺,到依家都未知幾時開續會重新選舉,己經出現唔合理,甚至違章嘅議席懸空
2. 華雲生唔理咁多,搞大類收生,順便迫音樂系等開放俾啲「賣出嚟」嘅細書院

依家沈校長明顯做咗「天皇」,實際事務掌握喺華雲生呢啲「幕府」身上,所以係時候清君側,趁呢次機會迫膠樽義安插一眾膠人,一係辭職,一係取消膠樽留落嚟嘅膠方針,俾校友、學生、教職員共議共識,重新為中大上路。我諗,係時候討伐呢啲借中大校方個名招搖撞騙嘅友仔。

小弟順道明確同香樹輝條膠人講,呢件事如果你係維護中大嘅話,最好唔好幫華雲生「所謂校方」講咁多廢話,否則呢啲己經有賣港賊言論紀錄嘅友仔,就做埋「賣校功臣」。香生話雖係校董,但呢位校董根本唔代表校友。

Short URL: http://wp.me/p7cGY-2Ct

2 則迴響

Filed under 香港政治, 中文大學

床虱與蜱蟲

喺北美同中國,都受到小蟲肆虐嘅困擾。

喺北美,包括紐約等城市搞到大家好煩嘅蟲叫床虱(Bed bug),唔會危害性命,但嚴重影響睡眠質素,依家連喺戲院睇戲,或者時裝店shopping都會中招,查實香港應該忠告經常穿梭北美同香港嘅旅客,小心帶床虱返香港,因為如果真係香港出現床虱,大家真係好煩。

只不過,更大劑嘅問題,正喺我地嘅北方醞釀,呢個叫蜱蟲,蜱蟲會死人,河南大規模死人個案己經嚇壞人,依家山東又傳病例。由於中國有隱暪疫情嘅不良紀錄,所以大家唔可以掉以輕心。

香港政府係時候搞宣傳活動,提醒大家蜱蟲防治,同埋對中國旅客嘅行李加強檢查。蜱蟲喺香港落地生根,就會成城市大患,偏偏中國嘅傳染病防治,係完全可以用得個膠字嚟形容。香港本土嘅蜱蟲殺傷力唔大,但河南、山東果啲唔係。

Short URL: http://wp.me/p7cGY-2Cq

5 則迴響

Filed under 香港政治, 中國政治

由文匯報膠文看土共嘅不服氣

點解自沈旭暉教授講「次主權」呢個讀過吓政治學,都認為好正常嘅名詞,土共都暴跳如雷?好多時大家都未必知道當中原因,不過今天《文匯報》一篇膠文,就顯出反對特膠政府大本營唔喺我地度,而係喺特區政府度:

文匯報:反對派突襲薄扶林反映了新動向

呢篇膠文,係好多解毒點好睇

為什麼匯賢劉應東所得的票數比陳岳鵬三年前下降了百分之二十五?為什麼在中國選民佔大多數的區議會選區,中國籍候選人敗於一個外國人?為什麼區議會破了紀錄,出現了第一個外國籍議員?補選投票率一般很低,為什麼薄扶林補選也破了紀錄,高於正式的區議會選舉?

呢個可以睇到土共果種根深蒂固嘅種族同國籍歧視,呢篇文送到平等機會委員會投訴都得,好彩佢無踩中種族中傷果條線,否則我實準備定花生。

這不能不說反對派玩弄了一個選舉工程把戲。民主黨提出的超級功能組別一人一票的方案,是一個精心安排的選舉工程計劃。這個計劃的要點是改變區會選舉較為重視地區民生和地區環境設施的政治生態,改變反對派長期沒有在地區做民眾服務工作、選舉處於劣勢的力量對比。超級區會功能組的立會選舉,使得選民更加重視政治議題。

民主黨方案,依家就係中央嘅方案,特膠政府嘅方案,由呢段酸味濃郁嘅寫法,可以見到土共根本對政改係完全不服氣,佢地唔服借政改奪權嘅大計,竟然被胡錦濤加民主黨同司徒華嘅奇異聯盟破壞晒。大家可以預料,政改本地立法果陣,一定膠戲連場。

選舉的啟示是甚麼?不要過分輕視「五區公民投票」所潛伏之後著。這是一個反對派開拓新票源,反對派擴大政治光譜的一個選舉工程和策略轉變,也是適應政改方案超級功能組別選舉的團隊分工、安排年輕候選人在區議會上位和在基層亮相的一次訓練,更是推動政治改革向著超級功能組別選舉、一人一票的目標過渡的一個戰略性安排,民主黨將來要變為建制派,要參加香港特別行政區的政權,要分享權力。但是民主黨的反對派性質和聯盟對象並沒有改變。

呢句乜嘢狐狸尾巴都露晒出嚟,講嚟講去,由土共狂打沈旭暉,到依家咁樣公然抽民主黨水,呢班土共hihi諗嘢就係特區嘅政治權力,係佢地嘅私產,任何人都唔可以掂,唔好話分享,掂少少都唔得,佢地要藉「中央代理人」呢個招牌,嚟搞實為土共專權嘅邪惡統治。所以民主黨要做「建制派」,隨時食土共飛彈多過以前n倍。

只不過,土共個個當選民係傻嘅,今次薄扶林之戰,唔係乜嘢集中優勢兵力嘅成功,呢啲兵法泛民唔識實行,一方面,劉應東同葉劉淑儀嘅行為,己經踩中好多人果條「納粹警戒線」,唔認同司馬文都要出手,另一方面,一如今天Rachel喺AM730講,陳岳鵬做到半路就走咗去做特首嘅Office Boy,薄扶林選民認為劉應東一樣係咁做有乜出奇?薄扶林選民下鋪選你匯燃致富就奇。將區議會政治化?陳岳鵬一定有份喇,將區議會議席作出上位踏腳石,仲唔係佢?

延伸閱讀:
繆美詩:出賣選民
林忌:是誰念念不忘「阿爺授權」?

Short URL: http://wp.me/p7cGY-2Cj

5 則迴響

Filed under 香港政治