不要亂說別人低等,華裔不是沒有責任

好多香港人因8月23日挾持事件好慶,所以鬧菲律賓人低等民族,乜乜物物。

如果唔熟南洋史,好難反擊呢種論調。去到今日,小弟係時候出手阻止呢種論調發酵落去。大家鬧菲律賓政府,以事論事盡情鬧,但菲律賓人搞成點,華裔我諗都有責任。

菲律賓唔係印尼,喺南洋,第一個由華裔掌權係泰國(泰國由依家個王朝嘅開朝國王到多任首相,甚至各大政黨掌權都係華裔),第二個就係菲律賓,菲律賓國父厘沙路(黎剎)醫生,正係華裔。菲律賓可以講,係第二個華裔建立嘅國家,第三個至排到被迫獨立嘅新加坡。

依家菲律賓總統阿奎諾三世,都係華裔血統,佢阿媽科拉桑.許寰哥,許寰哥係一個華人姓氏,就係一個叫許寰哥嘅有錢佬,將佢個名當姓氏嚟用搞出嚟。依家馬尼拉市長(即被指下令拉咗槍手弟弟果條硬膠),到唔少內閣成員都係華裔。所以,膠啲嚟講,就係華裔打華裔,好多時貪污政客都有華裔嘅份,人地菲律賓人都未同你搞到個政局膠晒算帳,你香港華人有乜資格種族歧視人地?

呢個亦係我用番南洋人身份,喺南洋報紙鬧爆菲律賓班膠政客嘅原因。喺呢件事,無必要拉到種族,否則隨時大家都欠落對方找唔完嘅膠數。

Short URL: http://wp.me/p7cGY-2A1

廣告

7 則迴響

Filed under 南洋政治

7 responses to “不要亂說別人低等,華裔不是沒有責任

  1. 混咗種幾代,都好難叫華裔。查實舊時,菲律賓度,屠殺唐人得最恨,就係唐人同土人混血後代。

  2. Bankers' Arms

    就當佢係純種華人, 佢地d數, 唔通由港人去找?!

    華裔應該有責任… 荷蘭在印尼三百年, 英國在馬來亞百餘年, 又唔見土人對佢地眼紅?! d土人反而最信既係英人…

    都好難怪港人會話佢地低等, 去過東南亞出trip都知, 佢地做野真係話極都唔聽… 俾著係香港晨早炒左果種… 除左越南仔醒d之外, 其他都係一樣

  3. fatben

    佢地可以張個殺人犯用國旗蓋棺,可以容許記者打開棺木影相,總統可以笑住回應,人民同警察可以當現場係景點影相,等等,等等

    I don’t know what to say about this, Can you give me an explanation of that, please?

    I really need one right now

  4. martinoei 黃世澤

    To fatben:

    成個文化搞成咁,因為馬可斯亂政多年。

    一如中國,文革十年浩劫,中國變成現時這模樣。當然,無部分華商勾結,不會有馬可斯夫婦呢對硬膠仆街。

  5. dbdb

    介紹大家看看2008拍的一套菲律賓本土電影"THE SERVICE"反映了當地社會問題!!在法国參展時有記者問有冇如此誇呢,導演說這實在有出現!

  6. 高級嘍囉

    現在中國的情況就像當年的菲律賓,人民因為由經濟成長得到好處而容忍政府亂黎。最後到整個政府都爛了,沒有其他力量可以制衡,換什麼人做總統也改變不了。

  7. Kenneth Lam

    反思我國情:當權者犯錯,非人民之罪。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s