一時衝動亂郁手

明報:工程師謀殺罪成囚終身 大浪灣中秋迎月夜命案

小弟睇尖沙咀諾佛士臺毆鬥案果陣,就諗起呢單嘢。

當然,諾佛士臺果單比較離譜,點會有人預先預備架生。但兩年前,同朋友食飯,本來約咗喺諾佛士臺,但後嚟發現果度好嘈,結果去咗第二度,果時都覺諾佛士臺己經唔係當初果個可以靜靜飲嘢談心果個諾佛士臺。

講返正題,呢單毆鬥案嘅報導,同大浪灣迎月命案好似係,兩班人一時衝動,唔理自己係乜水拎起武器就開片,幾時搞到香港一般人都同啲古惑仔一樣。對於好多所謂受過高深教育,所謂嘅專業人士,係唔係放工後點樣去蒲,遇上衝突點處理都要人教。

知情街坊指出,由於有多間酒吧將周二定為「女士之夜」,女士入場和飲酒都免費,自然吸引更多年輕女顧客入場,亦引來大批男顧客進內光顧,人多擠逼,更易引發「爭女」衝突。
至於涉及案件的「諾士佛台 1號」,樓高 12層,幾乎每層都有酒吧,其中藝人倪震及周慧敏的酒吧及桌球室設於 11及 12樓,有酒吧更於門外張貼名人照片作宣傳,顧客包括藝人官恩娜及夏雨等,以及前高官廖秀冬。
油尖旺區議員陳偉強稱,尖沙嘴區有百多間酒吧,但警方較少到諾士佛台的酒吧區巡查,例如早前警方向娛樂場所查牌,目標打擊色情和毒品活動,惟諾士佛台酒吧都不在巡查之列。經過今次事件後,陳希望警方多派警員到此巡邏,並設立簽到簿,加強上址治安。

只不過呢,我覺得呢段更重要。

有酒吧,實有人會鬧事,酒後亂性邊個都一樣,而且一啲犯罪分子亦可能潛入酒吧區,有中產索嘢亦唔係未聽聞過(中環人都略知一二,否則點會喺羅便臣道都遇過take咗嘢揸車揸到亂籠果啲硬膠),但中環係會有差佬入嚟蘭桂坊巡一巡,中區警署由荷里活道搬到軍器廠街最受批評嘅一點,就係睇唔住蘭桂坊同蘇豪一帶,近日警方將中區警署同海傍警署合併,至叫好番少少,做吓嘢。但諾士佛台唔整簽到牌,唔查牌,我覺得係咪有啲因為同高官熟嘅包庇問題,除咗希師奶支持者倪震間桌球室,睇嚟大家要研究下,諾士佛台果堆酒吧邊個做老闆,特別連廖秀冬都係客,我睇無咁簡單。

Short URL: http://wp.me/p7cGY-2xX

廣告

發表留言

Filed under 香港政治

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s