香港電台約章?乜嘢垃圾嚟?

小弟呢幾日聽BBC UK嘅服務多過RTHK,因為香港嘅電子傳媒水準己經去到荒謬地步。不過,近日江湖傳聞,話政府諗住強過《香港電台約章》,我諗我仲火滾。

小睇未睇過《香港電台約章》嘅內容,但好大機會係依家BBC Trust制度嘅唔湯唔水版。

由於大部分香港人認識嘅BBC,只係FCO俾錢嘅BBC World Services,同埋商業運作嘅BBC World,所以意識唔到英國嘅公營廣播係乜嚟。英國嘅公營廣播費用,BBC嚟講係靠TV Licensing Fee維持,你要屋企裝電視,唔理幾多部,一部又好,十部都好,都係要俾牌費,牌費嘅目的就係維持BBC運作,所以點解BBC TV iPlayer部分只係俾UK IP,因為果部份係屬於牌照費照顧範圍,根據法律你應該磅咗水先睇。

所以BBC係一個擁有皇家特權嘅獨立機構,概念似以前嘅市政局,所以成個BBC本土嘅架構,由BBC Trustee,到Audience Council(對應RTHK就係節目顧問團成員)目標好清晰:BBC運作要向牌照費支付者問責,全英國人侷住俾牌照費你,如果你俾啲垃圾我就唔駛旨意放過你,清楚過唔清楚。

但係香港電台約章向邊個問責,香港政府唔係民選政府,又無一個Licensing fee system講明問責對象,唔通同陳鑑林、王紹爾呢啲成日諗住將香港電台變成香港人民廣播電台,播埋啲民建聯啲友仔聽完會自己high嘅黨八股嘅共產黨仆街問責?加上香港電台又唔似BBC係獨立法人,結果香港電台作為政府部門,我由頭到尾都唔知可以點抄到BBC Trust嘅架構同運作,定俾啲A貨大家嘆。所以香港電台約章,係無可能可以收貨。

如果政府監粗嚟,我建議香港電台罷工,政府有本意可以轉播商台嘅《在晴朗嘅一天收檔》,睇邊個收檔先。

Short URL: http://wp.me/p7cGY-2wh

1 則迴響

Filed under 英國與歐洲, 香港政治

One response to “香港電台約章?乜嘢垃圾嚟?

  1. dbdb

    我無睇CCTVB好耐,早前勁睇"現在",大鳴大放呀,discovery channel,特別買了EUROSPORT,但俾他們老點,因為有幾鑊較鐘起身睇,但幾鑊節目是唔對表,他們話他們都不知,節目到時播就播,我就唯有反晒白眼…….

    早論在西台睇到如何CHECK前列線肥大,好CAUSAL講吓疾病,好睇,印像中是BBC的………

發表迴響

在下方填入你的資料或按右方圖示以社群網站登入:

WordPress.com Logo

你正使用 WordPress.com 帳號留言。 登出 / 變更 )

Twitter picture

你正使用 Twitter 帳號留言。 登出 / 變更 )

Facebook照片

你正使用 Facebook 帳號留言。 登出 / 變更 )

Google+ photo

你正使用 Google+ 帳號留言。 登出 / 變更 )

連結到 %s