國民黨有負香港人期望

民進黨喺8月11日做出建黨歷史以嚟,第一次唔係用台灣本島主流四大語言嘅廣告,用咗粵語嚟反ECFA,雖然成個廣告,大學生十個有八個去掃街呢個位,做得有啲過咗火(實情係更差,大學學位被中國嚟學位食晒,你想讀都無得讀,衰過大學畢業生掃街,否則毅進點會成萬人爭?)。但至少又證明,你喺台灣報紙寫嘢,台灣嘅政治人物係用心去研究,用香港CEPA嚟反ECFA嘅論述,我由去年9月喺《自由時報》寫到依家,台灣立法院嘅研究部,都係由呢個方向警告ECFA有問題。

呢個廣告一出,香港政府啲官固然應該去剖腹,但另一批應該去剖腹,係國民黨班膠人。

好似小弟咁,十幾年嚟都係擺明偏綠嘅香港人,查實本來係少數,研究台灣嘅人,好少好似我咁由台灣本省人角度睇問題,我係因南洋背景嘅淵源,所以有另一個方向,至少喺馬英九上台前,我簡直係怪物。香港人一直希望香港出世嘅馬英九上台之後,可以用中華民國總統身份,喺六四、香港問題、其他中國問題講句人話,香港有幾多馬英九嘅粉絲,小弟識嘅馬英九粉絲都唔少,但結果呢?更加唔好講國民黨裡面親共親上癮,講嘢仲衰過啲土共五毛果啲,我唔知用乜嚟鬧爆佢地嘅友仔。

由於中華民國歷史同香港歷史嘅獨特淵源,香港人對馬英九喺捍衛台灣,甚至中華民國自主性上,係有期望,唔係走去簽份ECFA嘅軟腳馬條約,甚至俾老共第五縱隊直入台灣嘅陸生來台政策。但國民黨乜叉都無做過,而民進黨就喺中國連廣州粵語都消滅嘅時刻,用粵語嚟反ECFA,呢個廣告有兩重意義。我甚至咁講,如果民進黨依家針對台灣「外省人」嘅籍貫分佈,按佢地講嘅方言嚟打廣告,例如上海話、山東話都有,外省人同本省人未必有對抗關係,因為可能果啲地方語言,台灣係最後留存嘅地方,喺中共硬膠下,我唔知統派仲有幾多企得住嘅地方。龍應台喺北京講嘅台獨宣言,某程度上,亦反映你班國民黨喺推動中國民主進步上無做嘢,都係窮得只剩下錢。

民進黨唔係無膠嘢,但相比起嚟,佢地仲係比較有希望果班人,國民黨做統派政黨,係連基本功都唔及格。

Short URL: http://wp.me/p7cGY-2w2

Advertisements

5 則迴響

Filed under 香港政治, 台灣政治

5 responses to “國民黨有負香港人期望

  1. dbdb

    記得陳連辯論,陳曾向連反問過一句:你把台灣的價值放在那裡:屋頂定係做地毡?

  2. abc

    聽到粵語,當堂有親切感。點都會多左留意民進黨。
    應該要在其他有粵語人的外國地區播多些粵語

  3. 麥當勞

    龍應台講嘅唔係台獨宣言,拜托,唔好咁誇張吧。全世界大部分專研民族的學者都反對民族原生論(以語文、血統或歷史長久的東西劃分民族),他們全部的學問都是台獨宣言?其中一個頂尖的學者 Benedict Anderson 在台灣說(他剛好在昆明出生),可以以民眾留字的方法處理遺下的蔣公像,他又是說台獨宣言?

  4. 麥當勞

    我在九六年大選前(大家都在 HKiBBS)估計,台灣的執政黨是國民黨、民進黨、民進黨,最後是馬英九帶領的國民黨。事過十二年,真唏噓。

    馬英九的問題並不在於他親中,如果只以親中與否來看他的人格,就實在太過淺層。他最大的問題,是他否定了過去的自己,變成一個口是心非,假依法行政,假清高的偽聖人。

    民運人士被馬英九擺了一道,主要原因不是馬英九親不親中,而是馬英九淪為為求權謀,向中國索取政治賄賂而不擇手段。親中只不過是表像,真像是黑可以說成白,陳水扁下的台灣是台灣購入中國貨最多的台灣,全世界都沒有國家把國計前途的四成(甚至兩成)押在中國一個藍子上,這卻說成鎖國;

    http://blog.nownews.com/alexandros/textview.php?file=0001027474

    http://www.wretch.cc/blog/billypan101/16476076

    他的依法行政,其實是朕即是法;賭場要公投,立法院就一次過特許公投不必看投票率,立投要不要投,還看朕的意志。環評官司有所挫敗,就去放話立法廢除環評的否決權,令環評制度變成政治花瓶,這樣不是做總統,而是做皇帝。

  5. martinoei 黃世澤

    本博客絕不歡迎國民黨網軍

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s