香港連英國都不如

Metropolitan line services – Wednesday 11 August
Strike action by some members of the ASLEF union may cause disruption on the Metropolitan line on Wednesday 11 August. Check before you travel

香港巴士罷工雷聲大雨點小,結果成班司機無乜邊個去罷工,雞碎果1.8%都接受,唔怪得魯連城當初搞大浪西灣都無驚過。

唔好講罷工當食生菜嘅法國(呢個國家係歐洲瘋狂嘅標準,佢地話罷工就罷工,唔駛擇日,有理由就即刻去馬),就講英國,英國相比起歐陸叫保守(甚至比德國都保守,德國喺戰後變得激進好多係事實,雖然英國玩膠都好犀利),但ASLEF倫敦喺Tube搞罷工,大家喺倫敦返工真係要校定鬧鐘,提早出門口。

有人怨工賊會出賣工人,又有人怨無集體談判權,無罷工基金乜乜物物,呢啲嘢由天跌落嚟嘅咩?講到尾,香港人好多時奴性太重,基層好容易為咗飯碗,好似中國農民咁逆來順受,結果一世都被人玩死。

香港要進步,要好似歐洲咁,我地大把嘢要做。

Short URL: http://wp.me/p7cGY-2vt

廣告

19 則迴響

Filed under 英國與歐洲, 香港政治

19 responses to “香港連英國都不如

  1. 路人

    其實司機叔叔若果責任心太重或者怕市民投訴,應該玩得再膠尐,例如義載:全體司機當日工照返車照開,但就塞住錢箱唔畀人入錢,咁一來可斷老闆米路,收抗議之效,又唔怕得罪市民。

  2. alvin

    工會原本係團結工人﹐但香港嘅工會早就俾阿爺喺政治上騎劫咗﹐未團結先分化。香港巴士司機咁細微細眼嘅所謂工業行動都搞到半桶水﹐喺歐美同人講真係會俾人笑。

  3. 死士復活

    啲人成日怨呢樣,怨嗰樣,但自己又唔去爭取,唔團結。哦?你唔自己去做,咁你又想等邊個幫你做,希望幫你去爭取呢?

    而且罷工罷成咁,其實真係不如不罷,同除褲放屁、隔靴搔癢無分別,完全無叫價能力!而且連加薪幅度個盤口都開到咁低……你開2.2%,人哋畀1.8%你就真係差唔多。

    佢哋講價嘅表現,真係連街市啲師奶都不如。

  4. michigan_8_mile_road

    martin, 我可唔可以轉載你呢篇文章到facebook? 我覺得你分析得好岩

    “香港人好多時奴性太重,基層好容易為咗飯碗,好似中國農民咁逆來順受,結果一世都被人玩死"
    我絕對同意, 我daddy mommy 己經係d 咁既人, 佢地覺得我想野好偏激

    我鐘意路人既提議, 一係唔玩, 一係玩大佢, 司機車照開, 但係封左錢箱同八達通既裝備, 同d 市民講埋 “我地今鋪同你玩大佢"

    不過我估香港人冇膽做呢樣野

    ps:仲記得你早前一篇post, 講過南韓公司會請果d 示威果陣打頭陣既青少年, 而唔係果d 淨係識讀書既人? 你可唔可以找番果條link 出來?

  5. kelfy

    呢D文化野只能一代一代咁教落去。依家班老屎弗等退休更係唔想攪野,但比左個反面教材D後生,新一代比上一代更大膽。放遠D來睇,其實進步緊。

  6. 引用通告: Tweets that mention 香港連英國都不如 « MO's notebook 3 to 4 -- Topsy.com

  7. dbdb

    1. 區議員好心做懷事,會提供旅遊巴,如果香港機師罷工,
    你提供airplane??

    2. 鄭汝華話損害市文利yick,如果法國罷工,可否說損害全球搭客利yick??

    3. 十秒唔work!

  8. martinoei 黃世澤

    1. 請隨便轉貼到facebook

    2. 你要果篇講南韓文嘅Shorten URL: http://wp.me/p7cGY-1xj

  9. KY HO

    你睇左派工會班工棍,食到肥屍大隻,點會為班工友做嘢呀!班盲虫以為為左飯碗唔去罷工,就可以狗且偷生,到他朝君體也相同時就後悔莫及!睇搭棚班大佬,好在當日齊心,先至唔俾左派工棍玩謝!

  10. Perennial_Loser

    奴性重,衰起上嚟甚至自己鬼打鬼,重有咩好講?

    都唔係今次0架喇…之前某啲樓盤啲地盤工人畀判頭走數,走出馬路示威抗議,都畀啲粉皮媽叉。咁無「C眼」嘅事,響已發展地區真係無幾可見到…

  11. Felix

    今日坐 Met Line返工,真係Delay到High High,TFL星期一通知大家出事,所以大部份人都有準備早出門,但今晚仲有場England vs Hungary,Extra Service督定變Reduced Service,還好d飛仲未賣囇,唔係就仲大鑊

  12. 不留名

    這單野同五區公投投票率低完全一樣, 香港人成日埋怨, 不滿這樣嗰樣, 但係永遠唔會自己爭取, 大多數人淨係識縮喺小數搞手後面, 一有糖食就閃, 完全唔睇為咗嗰少少利益犠牲咗啲咩, 咁咪永遠俾人食住囉。爭普選係咁, 爭罷工又係咁, 唉!

    人們外國荷里活, 英航罷工大家係團結一致, 眾志城城,好有效。 香港就係一盤散沙, 所以一開始我就覺得五區公投根本一定衰梗, 結果 … 。這令我諗起南非黑人不滿亞裔在廢取種族隔離上面冇貢獻, 但係黑人成功咗後他們又抽水。

    不過, 阿Q啲, 又唔係淨係香港人係咁既, 澳門, 大陸遠至日本(唔知點解南韓咁特別)同埋成個東亞都有類似特質。

  13. dbdb

    我覺得南韓有別中日,不說其他,用足球(團隊項目)做例,中国好難搞,唔講;日本太依仗學法巴西,但韓国創立了自己的色彩,沒有特別學邊個,真是自己摸出泥,一些一向西方玩晒的項目,韓国都開始染指,例如winter olympic,連網球,golf都偶有佳績,其實行前了一步了,不過不是完全絕對的,英国體育不是很前亦是事實…………

  14. Bankers' Arms

    咁唔算傑… 如果係piccadilly line罷工, 全城癱瘓!

  15. KMB59

    參加工聯會屬會的車長遠較參加職工盟屬會者多。

  16. 新仔

    一啲都唔意外. 可能受公投一役既賽果影響, 我而家一見到香港想搞呢啲嘢, 完全無信心你班香港人會搞得成.

    中國人奴性重. 同自己利益無關既嘢, 就全部都走去支持當權者, 反對其他人出嚟 “搞事". 結果就令到連 “搞事" 既人都受咗好大壓力, 咪容易被分化囉.

  17. Madeline

    “講就兇狠, 做就_ _"
    (最後兩粒字我廢q事打出黎, 請自行google)

  18. Madeline

    另外, 樓上有人"灌水"喎
    (o係八月 11, 2010 at 7:37 am既留言)

  19. martinoei 黃世澤

    To Madeline:

    多謝舉報,那位放免費廣告的老哥己經被除掉

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s