政府應該要就民事結合緊急立法作準備

法 庭 就 變 性 人 爭 取 婚 權 案 押 後 裁 決
2010-08-10 HKT 18:32
變 性 人 爭 取 註 冊 結 婚 的 司 法 覆 核 案 聆 訊 結 束 , 法 官 押 後 裁 決 。
爭 議 主 要 圍 繞 男 女 及 婚 姻 的 定 義 。 政 府 一 方 認 為 , 一 個 人 即 使 經 過 變 性 手 術 , 在 法 律 上 仍 然 維 持 天 生 性 別 。 申 請 人 一 方 則 要 求 , 法 庭 裁 定 已 變 性 的 W 是 女 人 , 在 婚 姻 條 例 下 , 可 與 男 人 結 婚 。

另 外 , 政 府 一 方 認 為 , 憲 法 所 賦 予 的 婚 姻 自 由 , 只 保 障 傳 統 上 , 由 一 男 一 女 結 合 、 可 真 正 性 交 及 生 育 的 婚 姻 。 至 於 如 何 看 待 變 性 人 婚 姻 , 本 港 未 形 成 共 識 , 不 適 宜 由 法 庭 透 過 本 案 , 重 新 定 義 婚 姻 。

不 過 , 法 官 張 舉 能 質 疑 , 少 數 群 體 的 權 利 是 否 得 到 保 障 , 若 由 社 會 共 識 決 定 , 並 不 合 理 。

唔知政府聞到燶味未?但如果變性人呢單案,張舉能照佢嘅質疑嚟判,你政府應該知道有乜膠事將會發生,隨時打上終審法院結果仲膠。香港行Written Constitution,英國都無位走嘅事,香港更加唔會有位俾你走。

當然,好似蔡志森、梁美芬呢啲宗教法盲,一定反對立法到底,但黃仁龍應該清楚,佢作為律政司司長,唔係為港福堂服務,否則你條友等於搞政教合一。政府應該做係,研究下面英國條Act,有乜事就譯做中文擺條Bill入立法會。

UK Civil Partnership Act 2004

同埋抄英國Sexual Offences Act 2003,定過晒強姦果堆罪行定義,以免硬膠。但可以肯定係,如果呢單case打出嚟結果係政府輸咗,政府唔承認其他國家嘅Civil Partnership係無理由,隨時另一單司法覆核隨即打上嚟,完全唔係講笑。

Short URL: http://wp.me/p7cGY-2vp

後話:小弟唔贊同同性婚姻,但有樣嘢係,政府嘅法律係有必要因應時代而改變。當然小弟唔排除張舉能另一個判法,就係按照法律上,而唔係生理上性別嚟決定婚姻,如果咁判就政府可以拖多一陣子,但同性戀者搞司法覆核係遲早問題,始終成文憲法,只要唔搞政教合一,好多嘢係無位走,同性婚姻係其中一樣,你覺得反胃,但無符。小弟係純粹以技術觀點,去睇呢個問題。

Advertisements

7 則迴響

Filed under 香港政治

7 responses to “政府應該要就民事結合緊急立法作準備

  1. 麥當勞

    「不過,法官張舉能質疑,少數群體的權利是否得到保障,若由社會共識決定,並不合理。」

    這句話表面上有違議會至上原則,而毀壞國旗案是確立「議會至上」的先例,政府就會覺得有少少希望,都會打都去終審,應該唔會緊急立法。

  2. Laure

    「由 一 男 一 女 結 合 、 可 真 正 性 交 及 生 育 的 婚 姻 」<—已經有朋友質問緊,咁講法係咪表示不育或不選擇生育的異性戀夫婦就冇資格結婚!

    on9同唔尊重人到極點的論點!

  3. sebastian

    唔明點解關civil partnership事? 至少要laai到都無咁早. 我既睇法係, 呢單案, 只係原訴人要求政府承認MTF既婚姻權, 係等同生理上天生既女人, 即係話要求政府視之為男女婚姻, 而並非當係男男結婚.

  4. 麥當勞

    @Laure
    「由一男一女結合、可真正性交及生育的婚姻」
    這個的確與明光社無乜分別,不過,香港婚姻法的本地立法是根據英國二十世紀末而訂立的(歐盟對英國的判例對香港無約束力),那個婚姻法的確就是這個意思。在那個英國婚姻法下,丈夫強姦妻子是合法的,而理由是婚姻是在神聖的,而妻子已經同意了丈夫一生的性要求。這個英式婚姻精神係保守到無得頂的。

  5. martinoei 黃世澤

    To sebastian:

    如果按一個穩妥的判法,本來應該是法庭宣布,任何經過變性手術而變成生理上女人的男士,在手術後一切法律權力及義務,與其他天生女人無異。而由於變性人日常生活中其他權利及義務確與一般女士無異,因此可以用「不合理」(Unreasonable)去打。

    問題在於,雙方律師一開始己經偏離這個方向。

  6. Dick Ma

    看英國雜誌,自由民主黨有議員提議,不再分civil partnership同marriage,直接統一稱為marriage. 以後同性婚姻,甚至變性人的婚姻,都再不用分類。香港又會跟得上嗎?

  7. i

    雖然理論上,法律係無私, 但法係人立0既,
    而睇實班法官亦靠大家
    真係個社會有咩人就有咩法…

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s