禁煙禁到黐咗線

蘋果日報:禁止煙民打邊爐

小弟因為自小氣管敏感,所以對吸煙係反感,只不過,既然香煙係合法入口,而城市人吸煙,好大程度因為城市工時太長,壓力太大,結果大家要藉吸煙抖抖氣所致,所以小弟認為,適當禁煙,例如室內禁煙係應該,但有啲禁煙禁到過咗火,好似酒吧我一直都唔認為要禁煙,都飲得啤酒,又點介意吸煙?

但近年香港嘅禁煙法例,己經去到黐咗線嘅地步,法例又唔俾拆散煙嚟賣,又規定一包煙要廿枝,但又只係俾帶十九枝免稅煙,擾民擾到離晒譜,依家唔俾打邊爐仲過份,咁搞法,不如當香煙係毒品咁,唔俾賣喇?

呢班友乜叉都管到死嘅態度,浪費公帑同大家嘅時間,我寧願用啲錢嚟俾煙民醫肺癌,都好過執行啲黐線嘅法律。有啲嘢,講吓道理好。

Short URL: http://wp.me/p7cGY-2vf

Advertisements

16 則迴響

Filed under 香港政治

16 responses to “禁煙禁到黐咗線

  1. longhair

    學新加坡

  2. 死士復活

    我支持,最好有咁擾民得咁擾民,越多呢啲膠法例越好!唔係香港人點會醒?點會知咩叫你唔搞政治,政治都會嚟搞你?

  3. dbdb

    19枝諗得出,都令人反晒白眼了,唔user friendly到如斯地步,膠袋+A4+CHOP,煩到嘔啦!?問題是度橋果條粉皮唔洗前線執法,理得你呀?!其實不如18.5枝啦?

    如果有部泥頭車在烏膠騰,漁護署老細家門口,他們冇有計查出誰搞的,當然得;但大浪西就好似講到大衛高柏輝唔知D嘢點出泥,真是好好笑!!!

    今日睇到毛小姐一篇文,簡直是森美千奇百趣的政治文生verson………真是無嘢講……..

  4. one

    政制又話唔到事,阻住地產商呃錢又唔得;咁咪惟有過埋啲(看似)冇乜爭議性嘅濕鳩法例黎管吓你班蟻民囉。

  5. 新仔

    咁又唔係咁講,吸煙對人體傷害係大過飲啤酒好多.而且飲幾多酒係由自己話事,但二手煙就係被迫吸既.

    亦唔可以忘記響酒吧返工既員工,佢哋係被迫吸啲客人噴出嚟既二手煙.

    問題係,落得酒吧既人,都預咗烏煙瘴氣,唔似得話去酒樓飲茶.唔俾客吸煙,會無咗好多客.

  6. 19 枝的原因係要D人唔好買入來ja…..

    另外,英國的酒吧都禁煙。http://www.smokefreeengland.co.uk/files/smokefree-guide_28pp_tchin.pdf

  7. 老實講,食煙同飲酒係可以分開,有人會摸下杯底/酒樽,但就唔表示佢會食煙,所以酒吧禁煙唔係無道理,我去酒吧好明顯係想飲酒,唔係想食二手煙。不過19支又真係ON9,我認同死士所講,佢最好多D擾民,等D人醒下都好,正所謂 針唔拮到肉

  8. 義不容共

    個人一直反對公眾場所吸煙 ( 不論室內室外到街上 ) , 因為吸煙並不是私事 , 環境以至人人都受害 .

    不過話說回頭 , 一係索性通過公投 , 決定煙草是否應該與毒品一樣嚴厲禁控 , 限制售賣與吸食地點 , 一係就面對現實 , 要煙民回歸公德自我隔離 , 衛生乾淨一點 , 大家相安無事 .

    ( 個人觀察 , 肯企定打邊爐式吸煙的人 , 比起隨處彈煙灰丟煙頭垃圾的自私鬼 , 已經有品好多 )

  9. kelfy

    酒吧禁煙冇乜問題,係外國都行之有效。但係香港依家都好多酒吧都唔Q埋架啦。

    帶19枝就真係好濕鳩,邊條撚樣整埋D咁既屎橋?應該抽佢出來批鬥。

  10. 就算學星架坡,但人地其他好嘢又唔見政府學,只學人地嚴法。好多讚成酒吧禁煙的人,其實無乜落酒吧,一係就個別酒吧自行禁煙,有啲「只飲酒不吹煙」人士自行選擇,但如果無乜人選擇「禁煙酒吧」的話,sorry,證明無市場,客人原來都唔 buy,咁就無謂要酒吧禁煙。

    香港人就係好鍾意用「道德」來美化自己的自私,同樣道理,我唔食日本壽司,咪禁囉,有乜所謂呢對我來講,我都唔食,所以都希望其他人都無得食。就似道德禁煙、甚至唔識用電腦無上網的人都會覺得:「限制上網囉,反正我都唔上網嘅」這樣的。

  11. world traveler plus

    如果特衰政府真係咁為香港人健康著想行膠政,不如乾脆香港禁煙. 藏有一支香煙/煙草罰5000.
    禁蘇丹紅雞蛋,禁三聚氰胺奶, 禁孔雀石綠海鮮,點解唔禁煙?

  12. 麥當勞

    > 環境以至人人都受害

    我仲聽過有人當煙係毒品。如果煙係毒品,就禁止入口,餘下煙民以類似美沙酮的方式處分,咁先係幫佢地。

    其實無人當煙仔係毒品,但佢對醫療系統係有影響。加稅唔係好方法,因為交左稅等於合理化。你要人交稅,又要抵毀人地,好缺德。室內食煙的確傷害別人,要禁止,但無必要做十九支煙的小動作,要做,不如就一支都要徵稅。

    室內禁煙我點都支持,但要講醫療系統或環保,咁燒媒都應該被禁止,或者分擔一大份。手段不應是稅,而是懲罰式分擔,將所有醫療系統或環保的主要禍源一一列出,煙仔分擔自己應得的部分,用來支援醫療系統營運,咁就公道好多。

  13. 麥當勞

    其實即使係毒品,都應該由生產與進入者負擔主要責任(包括污染與醫療)。找草根階層來渣,最唔應該。

  14. The 十九枝免稅 is a bit silly.

  15. 限制只有19枝, 這種數字遊戲其實只不過自以為很聰明的做法, 實質擾民又傷神, 應做唔做, 雖然我不吸煙, 亦不是政府官員, 但我相信應該有更直接的處理方法, 而不是跟大眾鬥智

  16. ky ho

    使唔使咁受19支氣啫,全香港私檔多過銀行喇!打個電話送到喇!用小動作無用嘅!只助長私檔!唔通話得事嘅係做私檔生意??????????特登整死納稅煙!!!自肥!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s