正宗審死官


2010-08-09 HKT 17:49
一 名 男 子 接 受 變 性 手 術 成 為 女 性 後 , 因 為 婚 姻 登 記 處 拒 絕 為 他 與 男 友 註 冊 結 婚 , 向 高 等 法 院 提 出 司 法 覆 核 。
政 府 的 代 表 律 師 陳 詞 時 指 出 , 政 府 容 許 變 性 人 更 改 身 份 證 標 明 的 性 別 , 已 盡 量 照 顧 他 們 的 需 要 , 但 政 府 必 須 尊 重 傳 統 的 婚 姻 觀 念 及 定 義 , 又 指 並 無 理 據 支 持 , 可 以 將 女 性 的 定 義 , 延 伸 至 變 性 後 的 女 人 。 一 旦 法 庭 重 新 詮 釋 男 女 的 定 義 , 將 對 其 他 法 律 , 包 括 刑 事 法 等 , 造 成 深 遠 影 響 , 因 此 , 有 關 問 題 應 交 由 立 法 機 關 處 理 。

聆 訊 明 日 繼 續

呢單案,審死官。

因為依家用一生出嚟嘅性別嚟決定婚姻權利,成件事好荒謬,例如由男變女嘅「女人」,走去同女人結婚又得,咁呢種事實上嘅同性婚姻,政府又點解釋?

呢單嘢,當然立法機關解決最好,但香港始終係有《基本法》同埋《香港人權法案條例》,呢單嘢基本上係無解。查實政府一個最唔駛得罪班香港基督塔利班嘅解決方案,就係俾英國駐港總領事館可以幫在港英國國民,包括英國國民(海外)做Civil Partnership,然後再度點立法,好過喺立法會見到梁美芬呢啲硬膠喺度表演恐怖言論。問題係,北京班硬膠又唔知呢劑嘢仲膠過英國可以喺香港幫同性戀者搞結婚。

呢單案可以點收科?我都想知,肯定要去到終審至搞得掂。

Short URL: http://wp.me/p7cGY-2vc

廣告

8 則迴響

Filed under 香港政治

8 responses to “正宗審死官

  1. Dick Ma

    “傳 統 的 婚 姻 觀 念 " 而家都二十一世紀二零一零年…還是被"中國傳統婚姻"..香港人…

    當時吳敏倫醫生都話,變性人同埋同性戀根本是兩樣不同的分別。(前衛)

    其實變性人去結婚又關政府叉事!佢地又唔會有下一代既。在政府角度又是福利和稅收的問題。

    版主建議由英總領事館去處理,但沒有英藉的香港人又怎辦?

  2. martinoei 黃世澤

    呢個係未立法前行到嘅屎橋

    呢類問題,立法會殺到天昏地暗都未必立到法,上次《家暴條例》大家都知膠成點,梁美芬、黃成智呢啲人嘅硬膠度係你估唔到。

    由英總領事館暫理,至少可以解決六至七成個案先。屆時再有只有持特護同性情侶打上終審,喺法院KO立法機構。對住啲道德上身嘅硬膠,你只能咁做。

  3. 麥當勞

    香港立法會很多傳統教徒(不論是什麼教都反對的),條例上立法會,一定大 C 殺。

  4. 不留名

    在香港有起過350萬非英國公民或BNO持有人,照黃兄所言對這些人好唔公平。而且根據這個邏輯,既然港府承認英國Civil Partnership, 咁冇理由唔承認其他歐洲國家如德國,瑞士等的civil partnership。

  5. martinoei 黃世澤

    To 不留名:

    政府可以認晒所有其他國家嘅Civil Partnership,總之我個基本策略好簡單,就係迫到有兩個無外國國籍或無法去外國使館做Civil Partnership嘅人,走去司法覆核,迫成班立法會議員唔好再做道德膠,呢個係成文憲法嘅好處。

    一如加州八號提案,話之你公投出嚟,美國聯邦憲法果十幾條Amendment大,定你班塔利班權力大?

  6. sebastian

    本案法官張舉能是基督教長老,若果將來W被判敗訴,只怕又再加深基督教與LGBT之間的裂痕,不論張法官是否撇開了個人的信仰作判決亦一樣。

  7. 義不容共

    有點愚見,想提出來討論–

    男女一夫一妻婚姻成文法,本身有長遠社會文化,民俗倫理等因素,個人選擇變性,同性以至雙性戀等,屬小眾性向,應該包容尊重之餘,是不是要一概鏟平權利,個個都結婚生育,成家立室,才稱得上公平不歧視 ?

    個人就覺得,既然選擇不從主流,不如放開一點,過異性戀以外的生活模式。

  8. 某人改名由A變成B, 該人永遠就係B
    某人更改國籍由A變成B, 該人永遠就係B citizen.
    某人更改由男變女, 該人永遠就係女.

    婚姻上根本不應在法律上分成男或女, 人家愛在一起, 關你政府鬼事咩? 兩個人結成一對, 就係佢地兩個人既事.

    相傳亞歷山大帝也是偏愛同性伴侶. 人家沒有下一代, 可以收養需要被照顧既孤兒.

    如果法例禁止變性婚姻, 卻容許變性手術, 是甚麼道理?

    一切以傳統來辦事, 人類現今還應該拜火跳舞來求好運!

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s