政治顧問與參謀部長

近日有啲香港傳媒講,八達通事件後,好多公司都需要搵政治公關幫手,甚至有傳李慧玲前夫何永康老點八達通公司,搞到一鑊粥收場。

小弟想講,對於一啲政治敏感嘅公司,佢地要係一個具實權嘅政治顧問,地位等同以前德國陸軍參謀部嘅軍官,有直面陳述權,甚至有實際指揮權。香港啲硬膠老闆如果以為政治公關就係做吓化粧算數,祝佢地好運。

睇番依家我國首相嘅CV,應該知道發生乜事。喺David Cameron做國會議員之前,佢做咗七年Carlton Communications嘅公關阿頭,Carlton Communications就係英國中部、以及倫敦(平日)獨立電視牌照擁有者,2003年至同Granada合併成今日嘅ITV plc。

David Cameron做Carlton期間評價唔係真係咁好,但Carlton絕對係一間政治到爆嘅公司,本來ITV牌己經係好政治一樣嘢,呢間公司可以趕走Thames Television奪得倫敦Weekday ITV牌照,因為當時Thames This Week節目,鬧英軍喺直布羅陀對付Provisional IRA嘅舉動,搞到保守黨班友好嬲,之後叫ITA做嘢,將個牌俾同保守黨關係良好嘅Michael Green。所以David Cameron留喺Carlton做顧問做到ITV plc出世為止。基本上,你要搵個有能力做政客嘅人做參謀長。而且當年Michael Green俾David Cameron好大話事權,否則一早做死咗。依家唔只需要卓越嘅Lobbyist,基本上你唔搵番有政治觸覺嘅人拆彈就唔駛諗嘞。

而做呢類位,同傳媒關係好未必係關鍵,因為政治顧問同參謀長一樣,最值錢果樣嘢係戰略能力,一個好嘅論述遠勝千軍萬馬,但係香港偏偏乜派乜黨都無論述。

因為香港無成熟嘅政黨同民選政治,所以真係有呢類質素嘅人唔多,而如果有咁嘅質素都唔放權俾人地,咁香港商界駛多多錢都無用,會繼續喺政治事件上被人狂劏。

Short URL: http://wp.me/p7cGY-2uH

Advertisements

2 則迴響

Filed under 香港政治

2 responses to “政治顧問與參謀部長

  1. Bankers' Arms

    [高登語] 果條陳碧鏵仲要係一隻中學雞黎! [/高登語]

    鬼咩! 成個香港, 冇乜邊個會睇歷史書, 以為玩得掂辦公室攻心計就叫做識謀略, 家下冇乜中學再教歷史, 下一代只會更蠢…

    陳碧鏵事件正正反映, 請ceo請來請去都係果個pool度搵會有乜野問題, 唔少新生代可以突破框框躍躍欲試, 但係大權在握既中坑會唔會俾佢地試呢?! 如今證明, 佢地自以為穩陣既人選都會出事, 陳小姐去拆彈仲要係連一個周澄既小妹妹都不如!

  2. dbdb

    陳碧鏵點解唔係立刻走?如果他剛剛簽約三個月出現,唔通等到約滿,唔通在這時候講合約精神,當人係傻?

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s