劉亞洲的「驚人」文章

劉亞洲中將果篇《十年之内,中国将会出现伟大的变局》嘅文章,論點嚇親唔少人,點解軍方有人夠膽講啲咁嘅嘢。

正如納粹德國去到後期,德國陸軍參謀本部唔少高層頂唔順希特拉硬膠,所以至有女武神行動(Operation Valkyrie)意圖阻止希特拉同納粹黨硬膠落去,甚至拯救成個德意志民族嘅命運。有軍事參謀頭腦,特別宏觀戰略頭腦嘅都知,中國現有政制係有問題,而劉亞洲中將呢篇文,某程度唔係代表中共高層意見,但佢用佢嘅太子黨身份,寫部分解放軍參謀人員嘅意見。

在政治和 意识形态上,土耳其是伊斯兰世界和突厥世界中,世俗化和民主化的最好榜样;在文化上,土耳其自称是一切突厥民族的祖国,它虽不算富有,却在中亚地 区大量进行文化投入,援建大学、图书馆和其他文化教育事业,输出土耳其的拼音文字系统,传播土耳其的世俗文化,对所有突厥语民族的留学生留有大量政府补贴 的名额。

  不到20年时间,从亚德里亚海到中国的玉门关的“突厥走廊”里,到处都流行着土耳其音乐、土耳其影视,青年学生出国留学,要么选择西方发达国家,要么选择土耳其。

呢個好明顯係參謀部人員嘅觀點,因為參謀部人員至會留意呢種文化入侵嘅威力。而成篇文章的主幹,查實係好清楚,就係依家嘅戰略模式唔同咗,用錢收買土皇帝,以至一味相信大炮巨艦主義都唔係辦法,真正有威力係文化力量,而文化控制嘅基礎在於民主,因為無民主係無建立論述能力。

查實有一個帝國主義國家,成功喺呢方面作出轉型,呢個國家正係好多人國籍嘅國家:英國。大英帝國喺兩次世界大戰後,一如其他歐洲國家一樣,國力大為耗損,但點解英國可以維持多個國家仍以英女皇作元首,以及一個以普通法、英聯邦組織,同埋英聯邦共同價值體系維持嘅「日不落帝國」,你見法國、德國可以喺前殖民地上維持咁大影響力嗎?喺戰略上,中國係玩唔起俄國、美國嘅遊戲,更何況中國人太無德行,投放大量資源反而變過街老鼠,根本係重覆十九世紀好多歐洲國家犯嘅錯誤。

佢係以一個軍人觀點去睇中國嘅前途,中國宏觀體制係無能力承受一個龐然巨物,更加唔好講伸手入亂七八糟嘅中東,呢個正係不切不扣嘅現實。劉亞洲唔係好多民主派咁,視民主係理想,但佢清醒認識到中國嘅戰略困局。如果中國唔成為民主國家,中國喺戰略上輸鋪勁係遲早問題,只不過劉將軍唔方便講咁解。

由OS控制一個地方,勝過由駐軍控制一個地方,如果咁都唔明,佢嘅戰史真係白讀。

Short URL: http://wp.me/p7cGY-2uL

廣告

4 則迴響

Filed under 中國政治

4 responses to “劉亞洲的「驚人」文章

  1. TC

    依家中共解放軍咁多人貪污,個個都係現有既得利益者,都唔知有幾多人會有心改革,依家巳經太遲….

  2. nightingalelin

    無錯。假設有一萬人上進,頂籠都係一個百分比左右都係少左D。
    不過,都好過無。生活在逆向文化,已經好難得。

  3. 法國對前殖民地都好有影響力既

  4. nightingalelin

    民主係自由同真愛發展出來。如果無左西方核心價值觀。
    共產黨就會好似喪屍咁,撞爆幅牆,食我地。還有,佢愈食得多,就愈多喪屍。

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s