Monthly Archives: 八月 2010

馬英九變咗特膠護照推銷員

台灣入出國及移民署:港澳居民99年9月1日起網路申請入臺許可,入出境免繳費

港澳居民(唔計本來有免簽嘅英國、加拿大公民)入台證免費本來值得歡迎,但我睇完份公告,即時爆粗。

馬英九,我平日喺自由時報丙你都丙得頗多,但我估唔到你膠到,幫特膠護照推銷,特膠護照,一本中共發出嘅護照就免費入台,BN(O)同澳萄年代發出嘅葡國護照,就無得免得入台,你依家幫特膠護照背書呀?台灣又唔同時當BN(O)同英國公民護照一樣看待,咁你條膠人想點?

所以我決定出手小丙馬政府,呢個馬英九幾時變咗共匪總統?

Short URL: http://wp.me/p7cGY-2Bg

17 則迴響

Filed under 英國與歐洲, 香港政治, 台灣政治

劉生,你依家係選區議員,唔係每月之星

明報:劉應東「成功爭取」惹是非

Emily搵過梁小姐,佢話劉應東派畀居民嘅宣傳單張,宣傳自己「成功爭取政府承諾在工程完結後,永久移除鋼線灣卸泥口,改建為社區設施」,梁小姐睇完即刻火都嚟,佢話自己同一班貝沙灣居民,早喺上年底已經開始為呢件事奔波,當時劉應東都唔知喺邊度?憑咩口野話係自己「成功爭取」?

劉應東就回應話,佢白紙黑字有一張由運輸及房屋局 寄出嚟嘅信,講到明係順應佢口地要求,有憑有據,所以唔怕居民指摘喎!阿東仲即刻搵咗律師出信,反指梁小姐對佢構成誹謗,要求道歉還佢清白。

劉應東大概搞錯咗佢選緊乜,依家選緊係區議員,唔係每月之星。

住得貝沙灣嘅,財力上唔驚你條膠人告,另一方面,劉生實以為依家仲係佢喺英國讀書嘅香港,誹謗可以係又告唔係告,自從鄭經翰對謝偉俊案例喺香港終審庭,以鄭經翰勝利告終以嚟,只要梁小姐係fair comment,你己經告唔到佢誹謗,事實上,香港啲區議員,成日喺議會收到風,話政府就嚟答應居民要求,然後喺果刻再入紙政府抽水邀功,呢種由民建聯帶起嘅風氣己經令好多人反感,喺中產區,呢招係唔work。

既然劉生月尾發功,分分鐘發功到九月,不如九月每月之星俾佢算,至於區議會議席,都係投票俾司馬文好喇。

Short URL: http://wp.me/p7cGY-2Bd

後話:wordpress.com主機喺美國,劉生睇完好唔滿意嘅,要告就嚟美國告。

4 則迴響

Filed under 香港政治

大佬,條題好肉麻,頂唔順

商台:蔭權前往俄羅斯展開三日訪問行程
商台:蔭權前往俄羅斯展開三日訪問行程(原裝版)

商台新聞部,可能有高層或者記者,覺得曾蔭權喺菲律賓人質事件上表現英勇(雖然我覺得唔係,我嘅論點好清楚),但係呢,好心寫條題果陣唔係喺度發綺夢,條題好肉麻呀,我就快連隔夜飯都嘔埋出嚟。

下次你班友要交心,唔好俾大家睇到,商台出咗件查小欣同健吾都己經好難頂,再嚟多幾次呢類標題,我睇怕真係有損市容。

Short URL: http://wp.me/p7cGY-2B7

5 則迴響

Filed under 香港政治, 傳媒

呢鋪真係花生多多唔夠派

內地網站冒《明報》名義發假新聞 (15:02)
內地網站今天上午流傳一則冒用香港《明報》名義的假消息,指「由於中國在美國『兩房』債券虧損4300億美元的外匯儲備,據傳言中方準備處理主要責任人、人民銀行行長周小川」,又稱「美國國會發言人、美聯儲副主席科恩威脅說:如果中方處理周小川,將公布中國5000名高官在瑞士銀行的存款額,對此中方沒有應答」,消息引發內地網民猜測周小川出逃。

查實喺七月,呢條真假難分新聞己經喺中國有人傳,但唔知點解呢條膠聞近日傳出得特別勁。而且條新聞,又唔係無根據,因為中國真係揸持四千三百億美金兩房票據,所以作嘢條友又唔係乜都唔知。

呢鋪,花生味真係濃郁。

Short URL: http://wp.me/p7cGY-2B4

發表留言

Filed under 中國政治

中國漁船變成蝗蟲漁船

台灣自由時報:北方三島海域 將設國家公園

〔記者盧賢秀、黃旭磊、徐義平/綜合報導〕台灣北方海域有三座孤立的小島─彭佳嶼、棉花嶼和花瓶嶼 ,原漁場資源豐富,近年來卻因過度捕撈,漁獲已漸衰退,加上中國漁船不時越界捕魚,更使用滾輪式拖網,嚴重破壞底棲珊瑚礁生態,海洋國家公園管理處預計年底把這塊海域劃為海洋國家公園,讓漁業資源喘息生育。

如果我係環保分子,我一定講明,拒吃中國漁民捕嘅海鮮,咁都得,呢啲己經係蝗蟲行為,馬英九政府喺呢啲問題上,不應該向中國漁民客氣,一律沒收拖網機械至放人。

為咗地球生態,係唔係應該向呢種拖網說不,甚至明文禁止?小弟認為有必要提上國際。

Short URL: http://wp.me/p7cGY-2AX

1 則迴響

Filed under 香港政治, 台灣政治, 中國政治

清理果啲發災難財嘅抽水黨

李瀅銓:還死傷者公道,不向弱者抽刃

呢篇文嘅作者,正係馬尼拉大悲劇嘅生還者,佢講比其他人講更加有力量。

事實上,呢幾日港菲兩邊都有唔少挑動種族矛盾嘅抽水黨喺度亂嚟,

菲律賓方面:
1. 前總統埃斯達拉達(呢件係仆街嚟)個仔,聲稱自己被香港入境處人員不禮貌對待,當然呢條仆街係乘機抽水上位
2. 唔知乜人周圍發短信,話香港人會對付菲律賓人
3. 有人話,香港人怒火太勁就排華(咁勁呀,排埋馬尼拉市長同總統呀笨)

香港方面:
1. Facebook上有啲納粹支持者,係咁散播仇視菲律賓人言論
2. 有香港人乘機炒菲傭

兩邊都有好多呢啲唯恐天下不亂嘅粉皮,不過我相信呢啲粉皮搞唔起事,而我對呢類粉皮嘅態度好簡單,咁鍾意抽水話,我話你知係菲律賓定香港人,喺香港發表種族中傷言論就全部平機會見。如果菲律賓使館人員想搏懵亂發短信,香港政府搜集足夠證據,就提報中國政府,要求將有關領事人員當作不受歡迎人物處理。如果發短信條粉人係揸簽證嚟旅遊嘅旅客,下次香港唔駛歡迎呢啲友仔入境,原機遣返。

Short URL: http://wp.me/p7cGY-2AS

5 則迴響

Filed under 香港政治

健吾:你發少一日膠論駛死嘅咩?

健吾:傳媒有所為有所不為

如果話電視上有關菲律賓件事嘅評論,最無恥果個叫阮次山嘅粉人,喺報紙評論度,最無恥一定有健吾份。

乜唔直播,隱暪事情真相就叫傳媒操守,咁北韓宣傳部長個位啱佢,正好佢又識日文,做埋對日本心戰工作都仲得。1997年陳進興事件,同樣都有直播,點解果次南非武官可以平安獲釋,陳進興棄械投降?件事會唔會惡化,責任喺政府度,唔喺傳媒度,菲律賓政府怪傳媒,因為電視直播俾全世界睇到佢地係硬膠,如果菲律賓要阻止門多薩透過電視掌握實況,大可以即時干擾電視訊號,佢無咁做佢地膠。

呢種同菲律賓政府文過飾非嘅亂嚟論調,係對死者嘅二次謀殺,健吾都唔係第一次發膠音,點解《明報》仲要俾呢條友霸住個地盤?香港大把人寫得好過佢,唔駛呢啲無良心嘅友仔浪費紙張。

Short URL: http://wp.me/p7cGY-2AP

7 則迴響

Filed under 香港政治, 傳媒, 南洋政治