請問香生喺邊間中學受教育嘅呢?

香樹輝今日喺蘋果,公然誤導讀者話:「徐、黃兩位曾做過亞視、港台及社民連,同是廿一世紀中大產品。」

徐淑梅係小弟嘅朋友,可是她從來和社民連半點聯繫也沒有;有一天我們想寫香樹輝,不知可不以這樣寫:「香樹輝、馬力二人曾做過蘋果、新城及民建聯,同是二十世紀的香港產品」?

好一個「廿一世紀中大產品」,然後結論話「防止激進分子惡搞,將校友評議會政治化。」激進分子惡搞呀!原來喺香樹輝條友眼中,亞視、港台係激進組織呀!唔知亞視平日係唔係放炸彈呢?據聞,香生都主持過城市論壇,真係好激進。

講起惡搞,小弟一直都有個疑問,唔知香樹輝當年讀邊間中學呢?佢又知唔知香港出名的名校官校,究竟係點樣訓練學生呢?

呢次校友評議會選舉嘅徐淑梅,就係讀庇理羅士女子中學出嚟,庇理羅士女子中學 1890 年創校時叫做「中央女書院」,就是當年「中央男書院」──皇仁書院的兄弟姊妹學校,呢啲學校在港英治下真係好激進呀,又教出孫中山,一大堆創立中華民國嘅元老,連港澳辦主任廖輝個阿爺廖仲愷,都係皇仁畢業;咁多年來呢堆官立中學嘅名校,校園生活就係最自由,在香樹輝眼中「最激進惡搞」的,成日叫人學英文的香樹輝,唔知對英國人遺留百幾年的英國傳統,係唔係好唔順眼呢?點解香樹輝成日叫人學英文,卻偏偏睇唔順眼人地的「惡搞傳統」?

庇理羅士隨手出一個吳美蘭老師,然後學生拍爛手掌,所以香樹輝睇徐淑梅唔順眼,要出來屈佢係社民連;小弟間金文泰唔使講,有長毛激到香樹輝想爆血管;唔好提旁邊果間皇仁了,由司徒華到湯家驊,出哂名夠自由,夠反斗啦,記得回歸前果度讀書的朋友爆料,十優生上堂打 gameboy,著波鞋放上檯面,狂串老師除老師褲去遊街乜都有,呢 d 未港英的傳統囉,點解有班假洋鬼子,成日叫人學英文,叫中大要轉英文,仲讚港大好添,呢啲校惡搞傳統幾十年,唔知香樹輝點睇呢?係無知,定係扮唔知呢?

學虎不成反類犬,學到好似香生咁假精英,就無謂啦呵?

Short URL: http://wp.me/p7cGY-2jv

1 則迴響

Filed under 香港政治

One response to “請問香生喺邊間中學受教育嘅呢?

  1. 義不容共

    算把啦,香先生口中筆下之所謂愛中大,骨子裏只係愛權貴而己 !

    膠樽惡貫滿盈,佢都居然撐得落,夫復何言 ? !

    香先生心目中的理想中大,大概與共產河蟹天堂無異。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s