呢啲叫諮詢,定係假諮詢?

今天就環保局電子廢物徵費計劃,上咗立法會環境事務委員會,不單搞到小弟無法去金鐘太古廣場同iProA班硬膠「贈興」,而且會火氣嚴重上升,乜嘢叫假諮詢,邱騰華示範俾大家睇。

1. 今天廿幾個環保團體、回收業團體、零售商會,同我以及王弼呢啲普通人上晒去立法會環境事務委員會開會,點知邱騰華都唔親自嚟,係潘潔副局長嚟擋駕,呢條茂利有幾多誠意諮詢各位大家都估到,廿幾條友坐車、預備文件浪費咗幾多碳同紙,係唔係邱騰華孭晒佢。

2. 我問咗以下四條問題,潘潔副局長威到一條都無答,所以我覺得被班官浪費時間:
一、請問在這次計劃中,被建議監管的五類電器以及電腦,佔香港家居耗電量百分比為多少?

二、請問電燈佔香港家居耗電量為多少?

三、正如剛才獅子山學會王弼所言,雪櫃和冷氣機耗電量遠超燈膽,如雪櫃將會一年三百六十五日,廿四小時連續不斷地使用,比起平均每個電燈膽的使用率還要高得多,何故政府會建議資助市民更換慳電膽,但沒有如德國一樣,資助市民更換這些耗能電器減少碳排放,反之,還以徵費阻礙市民更換具有能源效益的新電器,這和環保的目的完全背道而馳!局長可否解釋一下,為何不是從用電量來資助更換呢?

四、除了用電量之外,另一個標準就是有毒物質的回收棄置安排;例如慳電膽就含有水銀,其毒性與陰極射線管的鉛相若,請問家庭每年要更換多少含有水銀的慳電膽呢?選擇月刊指出慳電用的實用小時遠低於標籤,請問局長有冇每家庭每年要換幾多個慳電膽的數據?

比較用電量及毒素問題,政府從何標準而來要求生產商承擔棄置成本及責任?提醒局長請正面回應,以上有關的答與不答,以及相關答案,都可能將來作為任何司法覆核官司的證據。

我諗,呢個係邱騰華脫逃嘅原因,如果邱局長在場,你估佢會點答咁?

3. 而香港電子業商會嘅陳其鑣,同埋港九無線電聯會嘅梁建誠,在場仲爆咗唔少料,其中包括咗政府喺諮詢文件裡面舉嘅外國例子,唔係內裡內容有誤導,就係根本唔少係A貨嚟,不盡不責,搞到好多議員希望佢地補交written submission以便研究,佢地嘅written submission一上網,我實借嚟追斬邱騰華九條街。

4. 跟住政府收嚟嘅錢會否專款專用,政府唔答肯唔肯,之後甘乃威好簡單咁問,咁政府預計會收到幾多錢徵費(in term of money),點知潘潔借咗聾耳陳隻耳咁,話預計收三萬噸,答非所問,唔好話我呢挺小民,議員都會扯火。

5. 方剛唔好話佢係保皇黨,佢都係叫有做功課,佢叫潘潔交代下個中央處理廢物中心具體會點run,點知潘潔點答,她就話我地交嚟嘅補充文件,己經有晒乜流程物流程,又係答非所問,結果連李永達都要恥笑她,李永達話:你班友做到咁屎,以前啲政務官點敢上嚟呀。

6. 由於政府好多嘢無交代,根本無做齊功課就上嚟亂吹,結果要另約喺三月開個特別會議,再集齊我地呢班友傾諮詢文件細節,邱騰華真係成功爭取增加碳排放。

7. 與會代表好多都投訴,佢地俾咗好多資料俾政府,但政府好少搵佢地傾,一如何秀蘭在場咁講,政府好多諮詢又唔問持份者,又講得唔清唔楚,係咪政府自己根本有套方案,諮詢完咗就迫大家硬食?呢啲咪係假諮詢。依家香港就係俾邱騰華呢挺硬膠,政策管到一鑊泡。

Short URL: http://wp.me/p7cGY-1Pd

後話:民建聯真係最無恥,今日陳健波、方剛、劉健儀、李永達、甘乃威、何秀蘭全都有提問交足功課,但係陳克勤同葉偉明兩條硬膠一條都無問,民生問題上嘢就唔做,功就要拎,呢啲係乜議員嚟架,收皮喇。

發表留言

Filed under 香港政治

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s