Daily Archives: 20 二月, 2010

430事件翻版

各位路經高登巴打,或反iProA河蟹行動義士,有facebook account嘅,請入呢個fanpage
http://www.facebook.com/pages/fan-dui-gao-deng-jia-ruiProA-han-wei-yan-lun-zi-you/321042731543?ref=nf

小弟開咗個twitter hashtag #defendhkg 各位隨便任用

仲有,果個由iProA主導嘅硬膠聯盟,會喺2月22日星期一下午三點到四點舉行成立大典,地點係灣仔太古廣場3期2305至2309室,微軟香港嘅Seminar Room,各位要向高登admin同埋iProA班膠人抗議,隨便組織人馬。

地圖位置如下

=====

呢度嘅對付五毛政策,可能係華文世界數一數二嘅嚴,甚至有可能殺錯良民,得罪咗人都唔知,但小弟一直認為呢個政策有必要,因為由2004年430事件至今,中共一直都係用卑鄙招數,利用五毛黨引導輿論,甚至煽動網民借刀殺人。

小弟由430事件無乜關係,但430事件後,好多人要對付買家甲,甚至好多傻仔到依家都要對付買家甲,甚至講乜叉唔存在,子烏虛有嘅甲澤集團(查實我同買家甲唔熟),因為佢破壞咗土共迫高登消滅政治言論嘅春秋大夢,呢個亦係到今日至郁手對付高登嘅根本原因。依家大家要睇清睇楚,唔少高登會員,究竟係真心為咗言論自由,有啲係真心膠,定係有啲根本只係老共打手。呢次不同人嘅表態,將會係一面照妖鏡。

過去呢六年,老共主要都係對付一啲戰狼三百型嘅人物,因為佢地認為呢啲人成日破壞佢地嘅河蟹大計,直到依家網上力量大到民建聯己經無法抵受,就再度發動430攻勢,利用由葛珮帆等土共控制嘅iProA,意圖再度河蟹高登。依家好睇高登人,能否放下昔日成見,團結一致抵禦外敵。當然,唔係矛頭直指林祖舜,林生只不過係生意人,佢只係想盤生意平平穩穩,真係要對付係iProA呢股己經淪為X建聯爪牙嘅邪惡力量。小弟絕不介意iProA這役之後就此玩完,因為被土共咁搞法,iProA再無存在價值,可以徹底清理。

仲有一樣嘢,喺高登言論自由受威脅果陣,我想果班當年幫通寶講好說話嘅所謂捍衛言論自由博客,依家去晒邊?呢啲友仔係捍衛言論自由,定係捍衛五毛,呢次亦昭然若揭。但可以肯定係,消滅iProA主導嘅聯盟係唔夠,要消滅iProA甚至不少網絡界親共邪惡力量,至係最重要。

Short URL: http://wp.me/p7cGY-1OU

12 則迴響

Filed under 香港政治

為何看美劇?

這在goyeah.com同步發表。

對不少中國網民而言,下載美劇是生活的一部分。雖然小弟不鼓勵違法下載,但有一個問題清楚,為何中國網民不惜自組字幕組,都要看美劇,難道西方月亮圓一點嗎?

這不是西方月亮比較圓的問題,而是美國對肥皂劇都還是有點要求。

小弟在上世紀末開始看美劇,最初由《ER》看起,美劇的特點是,他們對場景、內容的真確性,以至內容會否觸及一些人性問題是有要求。看抄襲《ER》的TVB劇集《妙手仁心》,就知什麼越准為枳,通劇不是為醫管局歌功頌德,便是大談情情愛愛,問一問有寫博客的香港醫生,急症室見社會問題,一定多於情愛問題。

當然,香港、中國等地劇集不振還有一個原因,那是廣播集團的壟斷,容不了獨立的製作公司或電影公司涉足劇集製作,也很難找到好演員,因為好演員都給電視台壟斷,香港的問題尤其大。無線的霸道,簡直可以用不知所謂來形容。大家看自由競爭空間較大的台灣,他們的偶像劇進步不少,當然內容還有進步餘地。

簡單而言,中國和香港娛樂產業結構不改,美劇仍是實力超凡,這是沒辦法的。

Short URL: http://wp.me/p7cGY-1OS

6 則迴響

Filed under 傳媒, 娛樂, 娛樂炸彈復活

官不聊生?咁咪唔好做囉

劉 皇 發 嘆 為 官 困 難   籲 市 民 勿 濫 用 激 烈 手 段 表 達 意 見
2010-02-20 HKT 18:01
羅宇光報道
身 兼 鄉 議 局 主 席 的 行 政 會 議 成 員 劉 皇 發 表 示 , 政 府 官 員 工 作 相 當 困 難 , 既 要 推 動 政 策 , 亦 要 承 受 批 評 , 已 經 出 現 「 官 不 聊 生 」 現 象 , 他 形 容 , 現 今 做 市 民 好 過 做 官 , 因 為 市 民 有 言 論 自 由 , 隨 時 可 以 向 政 府 作 出 批 評 。

香港膠人多到,年初七都要幫劉皇發開年。

乜香港有人揸住枝槍指住劉皇發,或任何公職人員做官咩,如果佢認為官咁難做,咁劉皇發立刻辭職好,議員收五萬幾蚊薪水,而問責制官坐底收十幾萬,大把人爭住做,甚至隨時嚟個選舉成班友爭住做候選人。佢認為官不聊生,因為佢低能,但又要霸住個位賴死唔走。

如果劉皇發辭職,包括佢立法會同行政會議嘅職位,大把人開炮仗送佢走,好行夾唔送。

Short URL: http://wp.me/p7cGY-1OQ

5 則迴響

Filed under 香港政治

同iProA結盟隨時會膠咗

雖然高登Admin好多時好膠,但小弟知道高登Admin某程度上係奉行戴高樂主義,上月一齊行動嘅香港互動市務商會係泛民背景,而今次一齊行動嘅iProA,本來係泛民嘅人又有,無政治背景嘅IT人都有,但依家大家睇到明顯被X建聯騎劫。高登Admin只不過想兩面平衡,簡單嚟講,呢班admin只係搵食啫。

不過,小弟都會勸高登Admin,小心iProA,而小弟比其他人更有資格講呢番話,因為小弟正係iProA開山嘅政策小組召集人。

iProA本身無咁X建聯導向,因為最初唔少人,包括小弟在內希望搞iProA係類似教協咁,為前線IT專業人員求福利。但後來iProA喺一班急於求上位人士影響之下,急劇變質。首先,搞年青人事務嚟咗個David Lee(EditGrid創辦人),Leona盛讚科網六子中,我對來自中國嘅耿春亞都無意見(耿春亞比好多香港人更懂得欣賞香港),但我對David Lee係連朋友都無得做,大家諗吓點解。

之後EQ葛珮帆,學歷不明唔駛講,佢仲引導個會越嚟越左,後來她為求上位自己仲入埋X建聯,大家最厭惡嘅X建聯,咁個會變成今日個樣大家都估到。

喺iProA,我見到好多變色龍,有啲人我至依家呢一刻都唔想公開喺呢度丙佢,我最多在Twitter同facebook寸佢兩句,始終支持過譚膠豪都係難免被人潤兩句。但係有條友叫黃麗芳,由她在iProA成立初仲有啲理想,到成日熱中於乜乜青年商會嘅活動,到依家變成乜款,係我朋友都唔會同她做。iProA好多大家唔想接觸嘅人,所以我只會稍後恢復會籍,但我唔入執委會(我寫得呢篇就預咗唔入執委)。我可以提醒係,同iProA結盟一定要小心,因為呢個組織太多大馬力抽水機。佢地唔係真係為IT界,佢地只會為佢地盤生意計數。

當然,如果大家可以入iProA,我唔會反對,因為入iProA做full member有資訊科技界功能組別投票權,呢個係驅趕譚膠豪嘅重要一步。如果有剩餘能力嘅話,大家當然最好喺AGM將果啲拎政治著數嘅友仔全部趕出iProA Council。所以你叫小弟從政,咪搞,我仲想做一個人,做商人比較有呢個可能性。

Short URL: http://wp.me/p7cGY-1OO

4 則迴響

Filed under 香港政治