Daily Archives: 29 一月, 2010

中國高鐵香港段應立即叫停

香港電台任順熙攝,圖片版權屬香港特別行政區政府所有

大家看看倒塌樓宇的情況,沙中線未建,未受重大衝擊都可以塌成這個樣子,猶如積木一樣,小弟想問,如果沙中線真的興建時,將會有什麼後果?

同樣,大角咀一帶的樓宇殘舊,結構穩定情況不明,一旦中國高鐵香港段興建,大角咀及沿線一帶出現類似倒塌事件,當中人命傷亡我們承受得起乎?

現時香港政府要做是,對高鐵沿線所有舊樓作大規模清查、維修,一切樓宇結構妥當才可以再考慮中國高鐵香港段興建,要快的話,建到錦上路好了。馬頭圍道己經發生這樣的慘案,鄭汝樺還堅持高鐵工程,我只能說她是涼血的人渣了。

Short URL: http://wp.me/p7cGY-1Ks

還有,請各位支持這個由Kelvin Sit發起的facebook group,我絕不想大角咀居民變成冤魂
http://www.facebook.com/group.php?gid=276160071541&ref=nf

23 則迴響

Filed under 香港政治

馬頭圍道突然塌樓事件

香港真係乜膠都有,連舊樓無厘頭倒塌都發生,真的乜事都可以發生。

由於馬頭圍道是沙中線走線範圍,所以倒塌原因絕對需要一個獨立調查委員會調查,而會否影響沙中線工程,甚至高鐵工程,亦是未知之數。照港鐵資料,沙中線今年會動工,但依家馬頭圍道一帶樓宇可以唔穩到咁,沙中線同中國高鐵香港段是否適合未清除隱患前施工,小弟抱持強烈保留態度。不過,有一個問題,就一定走不了,那是大廈管理嘅硬膠問題。

小弟做過業主立案法團委員(為咗抵抗X建聯入侵自已間屋,班業主立案法團嘅八婆八公仲話X建聯幫到佢地,仲要進貢五百蚊,慶過辣雞),依家香港業主立案法團有兩個問題,一係一啲舊樓根本無立案法團,結果管理搞到一鑊泡,特別講大維修,就成班友集體龜縮。但有業主立案法團都唔見得好,因為香港有X建聯呢類劣質政黨,好多立案法團結果淪為少數得閒得滯嘅師奶或所謂業主,用嚟搞政治嘅地方,真係維修問題都係無人執正,甚至有立案法團私自進貢政黨添。而有大維修,當中有無人貪污或同外面班友食夾棍,大家都未必好清楚。

查實香港大廈嘅人口,比得上外國嘅一條村,事務複雜亦要全職嘅人幫手,所以根本唔應該用立案法團呢類NGO設計,而係需要改為有法定權力嘅政權性組織取代,好似村或鎮政府咁,無論喺實施大廈大維修,定係其他管理問題,都要好似一個政府咁監管,當然,業主立案法團主席或委員應該適當受薪,等有志之士真係去做,咁樣香港大廈嘅維修水平至可能實質提升。

發展局啱啱將強制驗樓條例草案拎去刊憲,小弟未睇過草案內容,我諗要睇清楚至可以評論,但好明顯,呢次林鄭月娥做咗少數應該做嘅事。

Short URL: http://wp.me/p7cGY-1Kp

5 則迴響

Filed under 香港政治