Daily Archives: 26 一月, 2010

硬膠敗家司機危害行人

一名新牌司機凌晨在堅尼地道駕車失控,撞毀十米長鐵欄後,再衝落十米下山坡,險些撞進香港公園的觀鳥園。

該名廿多歲的新牌司機掛著P牌,駕駛父親的平治S320房車,凌晨近一時離開寓所沿堅尼地道落斜,懷疑轉彎時失控,先撞毀路邊十米鐵欄後,再反彈到另一條車線,再衝上行人路的路邊的鐵絲網,由於衝力太大,房車連同大幅鐵絲網一同衝落約十米深的山坡下,「倒豎葱」般直衝到香港公園的範圍,險些撞到觀鳥園的鐵籠。

汽車的車頭嚴重損毀,司機僅受輕傷,自行離開並報警,汽車其後由吊車吊回地面,警方正調查事故原因。

通常有時深夜出去羅便臣道嘅便利店食宵夜,過馬路絕對要打醒十二分精神,因為半山夜晚無嘢多,就係硬膠敗家司機零舍多。

好似堅尼地道車禍呢挺硬膠司機己經唔係最差嘅個案,因為至少佢有掛P牌,你見到呢啲司機仲可以小心提防一下,而且香港考得車牌嘅友仔,駕駛技術膠都好,都仲有少少譜,亦唔敢醉酒、索K後揸車,或者公然喺羅便臣道、堅尼地道呢啲窄嘅路開快車。

最差嘅個案有三種:

1. 果啲有掛埋中國車牌果啲敗家車,十之八九揸到亂晒籠,衰過P牌。
2. 有啲自以為駕駛技術好得嘅友,揸住架波子之類喺半山果啲窄路,深夜高速飛馳,呢啲友仔我睇幾時炒鑊勁,因為深夜時間半山啲路係有重型貨車出出入入,試過有鋪爭啲見到意外。
3. 有啲司機,你喺紅燈果陣見佢個款,懷疑神智不清,特別係亞畢諾道或者花園道上嚟果啲車,唔少你懷疑係蘭桂坊飲大咗,甚至索完K嘅友仔,但我好少見到差佬喺半山一帶設路障,截查嚟自蘭桂坊嘅蒲友。依家無事,唔代表以後唔會有事。

隨住越嚟越多無皇管嘅敗家仔住喺香港,以前話住半山夜晚過馬路算安全,依家無呢枝歌仔唱。

後話:我住果頭附近,四叔收購業權收得七七八八,睇嚟羅便臣道一帶好快沙塵滾滾,但本來羅便臣道發展密度己經係太高,如果恆基仲要重新發展,睇嚟好多半山人都可以準備搬屋。好多人憎地產商,因為依家地產商實在bad taste。我並不想搬離港島,搞到真係要揸車,但依家地產商嘅魔爪己經伸到嚟嘅話,搬到新界東我諗係遲早問題,如果我仲頂得住珠三角嘅空氣嘅話。

講真,我驚遲早地產商嘅魔爪伸到嚟新界東西貢一帶,依家連古洞都食指大動,要毀村滅鄉,港島繼園又被新世界搞到亂七八糟,遲早香港周圍都唔駛住。

6 則迴響

Filed under 羅便臣怪談, 香港政治, 財經

X建聯根本不會派人參選

民 建 聯 未 決 定 是 否 參 與 補 選
2010-01-26 HKT 21:14
民 建 聯 晚 上 召 開 中 委 會 , 表 示 暫 時 不 決 定 是 否 參 與 立 法 會 補 選 。
主 席 譚 耀 宗 在 會 後 說 , 預 計 到 三 月 底 當 局 才 開 始 接 受 補 選 提 名 , 有 時 間 研 究 及 衡 量 各 方 面 因 素 , 黨 內 會 就 補 選 問 題 開 始 討 論 , 但 沒 有 定 下 確 實 決 定 的 日 期 , 中 委 會 將 於 下 月 23 號 再 開 會 。

基於老共千方百計要五區公投搞不成的戰略前提,因此,民建聯不會現時斬釘截鐵表明不選,而是拖到提名期的最後一天,才說他們不會派人參選,等五名候選人自動當選,公投投不成,還搞得不好,土共和政府在這段期間拿政改方案來強過,畢竟共產黨,是什麼卑鄙手段都幹得出。

反制這種無恥政治的方略只有一個,現時找五名泛民支持者改名做「吳普選」,然後這五名死士參與公投戰爭,把主動權掌之我方,才會不會被敵人牽著走。

不要以為老共是善男信女,他們從來都不是。

Short URL: http://wp.me/p7cGY-1JN

12 則迴響

Filed under 香港政治

搞伊斯蘭金融?發夢喇!

本港銀行拒為巴籍港人開戶 (16:27)
本港銀行拒絕為巴基斯坦籍香港永久居民,開設戶口,恒生銀行表示,這是金管局政策。
有線電視新聞台報道,2名巴籍女學生,因升讀副學士,需開設銀行戶口,繳交學費及雜費。2人到恒生銀行觀塘分行,要求開設戶口,但銀行負責人表示,她們的身分證及文件沒有問題,但因為他們的國籍是巴基斯坦籍,根據金管局的政策,他們不能開設戶口,而有關政策是於上月生效。負責人稱,即使其他銀行如中銀及匯豐,亦不能為她們開設戶口。

2人再到東亞銀行,要求開設戶口,職員解釋她們的國籍比較敏感,開設戶口較麻煩,但她們亦可以不填國籍資料。

其中1名女學生表示,雖然巴基斯坦現時有很多問題,但不應將她們標籤為恐怖分子,拒絕為他們開設銀行戶口。

報道指出,曾協助他們的組織表示,近日收到10多宗尼泊爾及巴基斯坦國籍人士投訴,銀行拒絕為他們開設戶口。

金管局新局長陳德霖硬膠阿水都知,但膠到呢個程度真係完全頂佢唔順。

首先,呢個明顯係國籍及種族歧視,基本上陳德霖帶頭觸犯《種族歧視條例》,可以即刻搵平機會。另一方面,依家陳德霖係咪假定回教國家國民都係恐怖分子先?依家巴基斯坦籍都係咁,如果我唔係拎英國護照,係拎印尼護照,豈不是食咗屎?香港有幾多揸住印尼護照,又改咗印尼名甚至回教名嘅華裔男性。

仲有,政府之前又牙斬斬話搞伊斯蘭金融,依家搞條毛呀?回教國家國民連戶口都開唔到,搞乜春伊斯蘭金融?吸引中東資金?發夢喇!

依家香港一日十幾單膠事等住嚟,究竟幾時至膠完?

Short URL: http://wp.me/p7cGY-1JL

5 則迴響

Filed under 香港政治, 財經

照妖公投

高鐵嘅六百六十九億,同公投嘅一億五千萬,都係一塊政治照妖鏡,不過,公投比起高鐵實在超值太多。

公投一億五千萬比高鐵平太多之餘,而且不會禍延子孫,兼且為和平解決憲政僵局締立成例,而且未來幾個月,各路土共嘅膠論膠事一定層出不窮,單是今天,己經照出:

1. 狗屎法律專家梁美芬,辭職要立法會主席批准,充滿蘇聯feel
2. 宇宙大王曾憲梓
3. 東周刊公然喺封面講港獨,勁抽。

今日戲碼己經強成咁,大家諗吓未來幾個果啲係乜強勁戲碼,肯定一膠還比一膠硬,今日花生需求太升,我真係驚花生貴過白銀。

Short URL: http://wp.me/p7cGY-1JJ

發表留言

Filed under 香港政治

詹生,咪走數喇

香港文匯報:「五區總辭」倘成事 詹培忠第6個請辭

公民黨與社民連推行「5區總辭」似乎勢在必行,坊間都關注同屬反對派陣營的民主黨最終會否參與其中。金融服務界詹培忠大膽估計,「民主黨老早唔去喇」,又再次批評「5區總辭」根本上是沒有意義,只是大家一起遊玩。詹培忠重申,總之反對派不論黨派,落實「5區總辭」,自己肯定會是第6個請辭,並循港島地方選區參與補選,「絕不食言」︰「我無話要變,總之有5區總辭,我就肯定係第6個。」

詹生,係時候找數呀,你係金融服務界,你都知喺股票市場上賭,孖展被人斬倉都要找數,更何況佢呢鋪公開賭到咁豪添。

詹生係唔係要諗住搵高登人,日日見到你都要你找數嘛,你都知巴貝利同陶國能被人追數追到幾慘。呢次教訓佢,呢個世界唔係乜叉都有得賭。

Short URL: http://wp.me/p7cGY-1JH

4 則迴響

Filed under 香港政治

係時候退出樓市

太陽報
2010-01-26

李鄭屋村熱炒 491呎178萬創新高 癲價公屋

本港私人住宅樓價急升,炒風熾烈,已進入瘋狂時代。在炒家與用家搶吸之下,就連市區二手公屋也「淪陷」,樓價狂飆再創天價。長沙灣舊公屋區李鄭屋邨廉潔樓一個無敵景觀高層單位,最近以超過一百七十八萬元、貼近私人樓的高價售出,亦刷新二手公屋市場歷年新高紀錄,以實用面積計,單位呎價高達三千六百三十七元,是同區單幢或高齡私樓的價錢,惟高處未算高,市場推測二手公屋勢成炒市的一股新主流。

唔該俾個理由我,點解二手公屋491呎值178萬。

公屋除咗電線、電掣比私人樓靚外(拜曾蔭權親家所賜),有啲公屋嘅位置比較好,其他方面,公屋都有好多問題,最大問題係維修,否則唔會公屋可以用咁平嘅價錢賣番俾租戶。

依家連公屋都炒,即係成個樓市真係癲咗,真係搞出泡沫出嚟,呢啲泡沫市結果只得三個:

1. 搞出金融海嘯出嚟,香港銀行系統同樓市齊齊玩完
2. 搞出社會革命或暴亂出嚟
3. 搞出股災出嚟

或者三種一齊嚟,之後就好似日本咁沉成十幾年,我真係無乜興趣搭沉船,趁依家個市好,快快賣樓但唔好買樓,揸住Cash食花生最實際,因為真係冚市,你根本估佢唔到。

Short URL: http://wp.me/p7cGY-1JF

3 則迴響

Filed under 財經

點解嚴重違規個案可以唔公布?

高 秉 忠 : 部 分 雷 曼 迷 債 產 品 只 用 披 露 方 式 審 核   並 不 足 夠
2010-01-26 HKT 11:39
劉家慧報道
證 監 會 投 資 產 品 科 前 高 級 經 理 高 秉 忠 , 在 立 法 會 調 查 雷 曼 事 件 小 組 委 員 會 上 表 示 , 部 份 雷 曼 迷 債 產 品 , 只 有 擔 保 人 , 並 無 基 金 經 理 , 如 只 用 披 露 方 式 審 核 並 不 足 夠 。
他 指 出 , 有 其 他 國 家 或 地 區 在 審 核 迷 債 產 品 時 , 除 了 以 披 露 為 本 外 , 還 有 結 構 性 的 審 批 準 則 , 證 監 會 去 年 發 出 的 加 強 保 障 投 資 者 諮 詢 文 件 , 要 求 結 構 性 投 資 產 品 的 發 行 人 及 擔 保 人 需 符 合 一 定 條 件 , 便 屬 結 構 性 的 要 求 , 但 當 局 仍 堅 持 披 露 為 本 。

高 秉 忠 說 , 不 相 信 證 監 會 的 高 層 不 理 解 有 投 資 產 品 誤 導 的 情 況 嚴 重 , 他 又 指 , 05 及 06 年 期 間 , 有 3 宗 涉 嚴 重 違 規 的 個 案 沒 有 公 布 。

多謝高秉忠不惜提早退休,仗義執言,否則雷曼迷債苦主死咗都唔知係銀行累死佢地,定係證監會。

依家,有兩個大問題一定要證監搞清楚:

1. 點解無基金經理嘅產品,只係要求披露就算數,無基金經理產品嘅最大問題係無一位持牌人士需要孭飛負責,咁就係structural product,係要用另一種監管模式,點解SFC可以咁都得?

2. 點解有三宗嚴重違規個案無公布,當中涉及乜嘢內情,果三宗係乜個案?

原來證監係咁樣監管金融產品,咁唔怪得可以搞出迷債、精債呢啲蘇州屎出嚟。近日雷曼迷債聆訊,真係不容錯過。

Short URL: http://wp.me/p7cGY-1JD

發表留言

Filed under 香港政治, 財經

O嘴總靠X建聯之硬膠民調取樣

明報專訊】建制派連日齊聲杯葛補選,不過,最有實力與泛民對撼的民建聯卻一直猶抱琵琶半遮面,直至昨日中午突然召開記者會,公布「5區請辭」民調,但記者卻發現民調疑點重重。

高於人口比例17百分點

首先,記者會開始不到5分鐘,民建聯職員急急向記者「回收」調查,聲稱有「最新版本」。結果記者一對,原來新版本刪走了受訪者的年齡組群,裏面清楚列明有58%受訪者是50歲以上。這與政府統計處統計這年齡層佔總人口四成的比例,高出近17個百分點;近月成為民意導向的「80後」只佔受訪者人數的一成三。

對於民建聯的調查出現「老化」,城大管理科學系副教授曹國輝直指調查結果不能代表民意,而且提問有偏頗,「受訪者的年齡組群上已明顯有偏見,加上調查以音頻進行,方法有問題,部分問題如『(公投)行動會否為香港和中央關係帶來負面影響?行動是否浪費公帑?』等都未夠中立,應用較中立的用字」。

之前呢度都成日媽叉土共啲民調問題多多,報嚟做乜,今次經《明報》揭發,乜底牌都露出嚟,X建聯黨員調查當民調嚟報誤導市民,啲問題又引導到性到離晒譜,一啲代表性都無,所以我勸香港傳媒慳番啲時間,唔好再報啲硬膠民調,費時香港被呢啲膠人膠事膠化。

真係O嘴總靠X建聯,近日X建聯膠事不斷,有無諗過改名做硬建聯,大家諗吓硬建聯全名係乜?

Short URL: http://wp.me/p7cGY-1JA

5 則迴響

Filed under 香港政治

黃國健最好離場抗議

請 辭 議 員 申 請 立 法 會 發 言 黃 國 健 不 排 除 離 場 抗 議
2010-01-26 HKT 12:13
公 民 黨 陳 淑 莊 、 梁 家 傑 , 聯 同 社 民 連 的 黃 毓 民 、 陳 偉 業 、 梁 國 雄 下 午 一 時 半 將 請 遞 信 請 辭 , 由 立 法 會 秘 書 長 吳 文 華 代 收 , 請 辭 星 期 五 生 效 。
5 人 向 立 法 會 主 席 申 請 在 明 日 的 大 會 上 , 每 人 發 表 15 分 鐘 請 辭 宣 言 。

工 聯 會 立 法 會 議 員 黃 國 健 說 , 請 辭 是 他 們 個 人 的 決 定 , 不 應 佔 用 議 會 時 間 , 如 果 主 席 批 准 , 會 感 到 不 滿 , 不 排 除 聯 同 其 他 建 制 派 議 員 , 離 場 抗 議 或 不 聽 他 們 發 言 。

黃 國 健 又 說 , 距 離 補 選 仍 有 一 段 時 間 , 工 聯 會 不 急 於 表 態 是 否 參 選 , 避 免 令 自 己 處 於 被 動 。

立法會議員嘅老闆係公眾,唔係佢地個人嘅事,係全香港人嘅事,所以佢地用議會時間發表辭職宣言天公地道。乜你班土共辭職唔駛解釋架,咁又係嘅,佢地嘅老闆都唔係香港人,係香港統監府(中聯辦),或者中聯辦無乜問責要求。

黃國健呢啲講唔過人就搵秘書發侮氣嘅硬膠,最好離場抗議,記者有嘢寫,對五席公投絕對係好事,小弟買定花生。

Short URL: http://wp.me/p7cGY-1Jy

1 則迴響

Filed under 香港政治